اللانسر البوما و الشارك Ex

[horas3000]

انا حبيت اتكلم في الوضوع ده عشان في ناس كتير فاهمينة غلط او مش عارفينة اصلا:
اللانسر البوما- العربية ده نزلت في 2004 و كانت تعديل للموديل الي قبلو الي معجبش حد و كان اسمو المكوة علي ما اعتقد و زي منتو عارفين في منو 1300 سي سي و 1600 سي سي و طبعا مش هحكلكو علي النجاح الي حققتة. في 2008 نزل الشكل الجديد الي هو الشارك و في منو 1500 سي سي و 2000 سي سي و نظرا للاقبال علي الشكل القديم الشركة قررت تستمر في انتاجة
الي غايظني بقي حاجتين:
اول حاجة ان في ناس بتقارن البوما بعربيات تانيا موديل 2007 و 2008 و ده مشل عدل بصراحة. ازاي نقارن بين عربية اتصممت سنة 2004 ب عربية 2008 يعني 4 سنين من التقدم التكنولوجي اكيد هيفرقوا. و احب اقول ان في كل الاحوال ده في صالح اللانسر(شوف بقالها كام سنة و لسة عاجبة)
تاني حاجة ناس كتير مش عارفة و لا مصدفة ازاي ميتسوبيشي تقلل سعة المتور من 1600 الي 1500 و مش قدرين يعرفوا او بينسوا ان ال 1500 دي بدل ال 1300 مش 1600 الي نزل مكنها ال Gt اللي 2000 سي سي(و الجنط ال 18" الخرافي) اللي طبعا مش هتنزل مصر عشان الجمارك
طبعا في نلس كتير عارفين الموضوع دة بس انا حبيت اكلم فيع عشان الكل يبقي علي نور (و مهند طبعا P:)

[mahmoud_nov1985]

شكرا على التوضيح

[memoo_1st]

شكرا على التحليل وفعلا مش علشان انا معايا لانسر بس هيا فعلا سيارة اكثر من رائعة وفعلا لو رجع بيا الزمن ل 2004 بردوا هشتري لانسر ولو حبيت اغير هجيب لانسر بومة بردوا فعلا العربية مش مخلياني محتاج حاجة ومشاء الله عليها .

[aboezz44]

مجهود يصعب شكرك عليه
وتحليل راقى ومنطقى
بس انا حاسس انك بتكتب وانت متنرفذ او متغاظ
ياعم ...........الى يزعلك
اكمل بما تراه مناسب؟؟؟؟؟
بس لو عايزنى اغششك هاقولك حط مكان النقط (ربنا يهدى)
مبروك جبت 10/10

[amrico]

لانسريزم رسمي

لا تعليق

[horas3000]

لانسريزم رسمي

لا تعليق

لا لانسريزم و لا يحزنون ده كان للتوضيح بس حتي احنا كنا بعنا اللانسر اللي عندنا قبل ماكتب الموضوع بفترة و العربية ما كانتش في مصر اصلا
انا واخد بالي من ردودك في اكتر من موضوع و من توقيعك ان حضرتك اللي Anti-Lancerism

[amrico]

لا لانسريزم و لا يحزنون ده كان للتوضيح بس حتي احنا كنا بعنا اللانسر اللي عندنا قبل ماكتب الموضوع بفترة و العربية ما كانتش في مصر اصلا
انا واخد بالي من ردودك في اكتر من موضوع و من توقيعك ان حضرتك اللي Anti-Lancerism

المشكلة مش موضوع اللانسر ولا حاجة
المشكلة الشعب والتقليد الأعمى لأي حاجة وخلاص
والتكرار الرهيب بيخليك تكره الحاجة
مثلا التفاح فاكهة جميلة
بس لو فضلت تاكل تفاح طول اليوم وتبص حواليك تلاقي كل المحلات بتبيع تفاح أكيد هاتزهق منه

[mahmoudzaied]

عندك حق انك تزهق من انتشار العربية وفعلا االواحد بيحس ان الشعب كلو راكبها
بس دا ميمنعش انها عربية جامد جدا واثبتت تفوقها بجد
انا معايا بوما وراضى عن العربية اوى (اه انا كنت عايز 1600 ) بس الحمد لله
وبعدين يا باشا متهاجمش العربية كدة عشان فيه ناس بتزعل وتحس انها غلطت غلطة عمرها
واسف للتدخل

[horas3000]

المشكلة مش موضوع اللانسر ولا حاجة
المشكلة الشعب والتقليد الأعمى لأي حاجة وخلاص
والتكرار الرهيب بيخليك تكره الحاجة
مثلا التفاح فاكهة جميلة
بس لو فضلت تاكل تفاح طول اليوم وتبص حواليك تلاقي كل المحلات بتبيع تفاح أكيد هاتزهق منه

انا معاك 100% ان انتشار الحاجه بشكل مش طبيعي يزهق بس ده مش معناه انك تكرة الحاجة دي و تكره الناس فيها. باين انك كان نفسك في البومة بس الانتشار الفظيع بتعها خلاك تغير رايك و تكرها و علي فكرة انت مش لوحدك في ناس كتير زيك كده و بيطلعوا اي عيب في الحاجة (اللانسر خصوصا) بس عشان هي منتشره زيادة عن اللزوم. انا كل اللي عايزو ان اللي يتكلم عن عربية يكون مجربها كويس و بلاش نقل كلام يعني مش عشان سمع ان خال جوز ابو ابن عم مراته قال ان العربية و حشة يبقي خلاص العربية زي الزفت و عايزة الحرق لازم يبقي فيه موضوعية في الكلام

[amrico]

انا معاك 100% ان انتشار الحاجه بشكل مش طبيعي يزهق بس ده مش معناه انك تكرة الحاجة دي و تكره الناس فيها. باين انك كان نفسك في البومة بس الانتشار الفظيع بتعها خلاك تغير رايك و تكرها و علي فكرة انت مش لوحدك في ناس كتير زيك كده و بيطلعوا اي عيب في الحاجة (اللانسر خصوصا) بس عشان هي منتشره زيادة عن اللزوم. انا كل اللي عايزو ان اللي يتكلم عن عربية يكون مجربها كويس و بلاش نقل كلام يعني مش عشان سمع ان خال جوز ابو ابن عم مراته قال ان العربية و حشة يبقي خلاص العربية زي الزفت و عايزة الحرق لازم يبقي فيه موضوعية في الكلام

انا عمري ماقلت وعمري ماهقول ان المتسوبيشي وحشة
حضرتك مش فاهم قصدي
انا بقصد اني بكره عادات التقليد عشان التقليد وخلاص عند الشعب المصري
واحد يفتح محل سوبر ماركت تلاقي 5 فتحوا جنبه
واحد جاب بنطلون من نوع معين، كل اصحابه يجيبوا زيه
وبشوف ان ظاهرة التقليد دي تتجلى بأبشع صورها في حكاية اللهم احفظنا اللانسر البومة
المتسوبيشي إسم ياباني ومحترم واكيد الكل عارف معنى متسوبيشي في الراليات
ومتسوبيشي زي جميع الأنواع اليابانية المحترمة إللي أثبتت ومازالت بتثبت انها سيارات إعتمادية جدا وبتعيش

انا مجربتش العربية عشان أقول رأيي فيها رغم إني متأكد إنها أكيد كويسة زي ما هوندا كويسة وتويوتا كويسة ومازدا كويسة ودايهاتسو كويسة وسوبارو كويسة

انا مش ضد اللانسر انا ضد التقلييييييييييييييييييييد
الناس بتشتري اللانسر بنفس الطريقة اللي حضرتك قولتها تلاقي واحد سمع ان خال جوز ابو ابن عم مراته جاب لانسر يقوم يجيبها وخلاص
وأسف للإطالة

[horas3000]

وصلتني فكرة حضرتك بس الناس بتعمل كدة من غلبها برضة محدش عندة استعداد يضيع تحويشة عمرة في تجربة كلة بيدور عل المضمون و نجاح العربية و انتشارها هيخلي ناس اكتر تجيبها و مش هنخلص

[PoweRPassioN]

اللانسر البوما- العربية ده نزلت في 2004 و كانت تعديل للموديل الي قبلو الي معجبش حد و كان اسمو المكوة علي ما اعتقد و زي منتو عارفين في منو 1300 سي سي و 1600 سي سي و طبعا مش هحكلكو علي النجاح الي حققتة. في 2008 نزل الشكل الجديد الي هو الشارك و في منو 1500 سي سي و 2000 سي سي و نظرا للاقبال علي الشكل القديم الشركة قررت تستمر في انتاجة
الي غايظني بقي حاجتين:
اول حاجة ان في ناس بتقارن البوما بعربيات تانيا موديل 2007 و 2008 و ده مشل عدل بصراحة. ازاي نقارن بين عربية اتصممت سنة 2004 ب عربية 2008 يعني 4 سنين من التقدم التكنولوجي اكيد هيفرقوا. و احب اقول ان في كل الاحوال ده في صالح اللانسر(شوف بقالها كام سنة و لسة عاجبة)
تاني حاجة ناس كتير مش عارفة و لا مصدفة ازاي ميتسوبيشي تقلل سعة المتور من 1600 الي 1500 و مش قدرين يعرفوا او بينسوا ان ال 1500 دي بدل ال 1300 مش 1600 الي نزل مكنها ال Gt اللي 2000 سي سي(و الجنط ال 18" الخرافي) اللي طبعا مش هتنزل مصر عشان الجمارك
P:)

كلامك منطقي وزي الفل بس
الجماااااااااارك
جزى الله من بدعها ما يستحقه

[amrico]

وصلتني فكرة حضرتك بس الناس بتعمل كدة من غلبها برضة محدش عندة استعداد يضيع تحويشة عمرة في تجربة كلة بيدور عل المضمون و نجاح العربية و انتشارها هيخلي ناس اكتر تجيبها و مش هنخلص

الحمد لله
وشكرا على الإسلوب الراقي في الحوار
وانا أسف لو كان كلامي زعلك

====
أخوك عمرو
====

[horas3000]

الحمد لله
وشكرا على الإسلوب الراقي في الحوار
وانا أسف لو كان كلامي زعلك

====
أخوك عمرو
====

العفو يا زعيم و اسمحلي ارد نفس الشكر ليك برضو و انا مش زعلان خالص بالعكس انا مبسوط جدا من الحوار و ربنا مايجبش زعل ان شاء الله طول ما هدفنا اننا نساعد الناس و اختلاف الراي لا يفسد للود قضية زي مبيقولوا و اديني كسبت اخ و صديق

أخوك شريف

[horas3000]

كلامك منطقي وزي الفل بس
الجماااااااااارك
جزى الله من بدعها ما يستحقه

متشكر جدا علي ردك
بس عايز اوضح لحضرتك ان فكرة الجمارك اتعملت في الاساس لحماية مصالح الناس و الشعوب بس احنا اللي بنستخدمها غلط فاللي بدعها ملوش اي ذنب الذنب علي ....
انت عارفهم كويس