العربيه بتسخن

[أبو إياد]

عربيتى بوما 2007 1300 مانيوال تناقص المياه بشكل ملحوظ كل 5 ايام كده كشفت على الدوره بتاعت المياه كله تمام مافيش اى مشكله غسلت الريداتير وغيرت المياه كلها وفوجئت بعد 48 ساعه القربه فاضيه بس الريداتير مليان ومحدش عارف المياه دى بتروح فين

انا اشك ان الترموستات باظت هل فعلا لو باظت العربيه تسخن ؟؟؟ ده اعتقادى


ياريت لو حد عنده خلفيه يعرفنى لان مواعيد التوكيل كمان مش مناسبه نهائى مع شغلى

وشكراااا

[cuppo]

بص انا عربيتي لسه عامله كده امبارح صدفه فش شيكت لائيت ماسوره من تحت كده بتنقط
جبتها استعمال عامله 200 جنيه
لان بيقولو الجديده مش كويسه
اهو حاجه رووح لواحد كويس
و شوف القربه لتكون مخرومه

[أبو إياد]

للاسف مافيش نقطه مياه بتنزل من العربيه
استنتجت انها تبخير وفعلا المياه كانت بتتبخر والحمد لله عرفت العيب بس مش عارف ممكن يتعالج ولا لا
عارف علبه الريداتير اللى متركب فيها الغطاء لونها اسود بعرض الريداتير كله من فوق
دى بتركب بكليبسات معدن مضغوطه على الريداتير لقتها بتنفس المهم الصنايعى ضغطها تانى وجارى الاختبار لانها مش بتبان الا من خلال تناقص المياه ولسه هاشوف

[mohamedway]

للاسف مافيش نقطه مياه بتنزل من العربيه
استنتجت انها تبخير وفعلا المياه كانت بتتبخر والحمد لله عرفت العيب بس مش عارف ممكن يتعالج ولا لا
عارف علبه الريداتير اللى متركب فيها الغطاء لونها اسود بعرض الريداتير كله من فوق
دى بتركب بكليبسات معدن مضغوطه على الريداتير لقتها بتنفس المهم الصنايعى ضغطها تانى وجارى الاختبار لانها مش بتبان الا من خلال تناقص المياه ولسه هاشوف

يا باشا لو العيب زى ما أنت لاقيته كده يبقه عيب صناعه و لازم التوكيل يغيرلك الردياتير كله فى الضمان لو ليها ضمان و ما تسيبش حقك.

[أبو إياد]

للاسف العربيه سعودى وبعدين يا اابو حميد العربيه 2007

[cuppo]

يا عم إن شاء الله خير
انت بس روح التوكيل لو حصل تاني
و شوف التكلفه

[أبو إياد]

ياجماعه معلومه جامده جدا فى علبه دواء عند بتوع الريداتيرات بتتزود مه المياه بتعالج اى تسريب انا ماكنتش مقتنع بس والله فعلا عالجه العيب سبحان الله العلبه دى تمنها 25جنيه بس بس بياخد 50جنيه وبجد بتعالج اى تسريب سبحان الله