آخر أخبار....لانسر 2008....مفاجأه غير متوقعه!!!

[ramyfaris]

يا جماعه جبتلكم آخر أخبار لانسر 2008.....الخليجي
انا اعرف ناس في العيسائى (وكيل مينسوبيشي السعوديه)...عن طريق اصدقاء ليا هناك

عرفت منهم...انهم فى السعوديه..موديلات 2008 هتنزل كمان شهر
وقال انه الشكلين فعلا هينزلو 2008 القديم والجديد...
والطريف بقى واللى كان مفاجأه وزود حيرتي....انهم هيجيبوا من الشكل الجديد فئه 1300سىسى...بس هو قال ان طبعا سعرها هيبقى اغلى من 1300 الشكل القديم....

والكلام ده طبعا هيحط المصريه فى مزنق....واعتقد كده سعر الشكل القديم هيتأثر اوى......
احب اعرف ارائكم.....لانى طلعت عينى وشكلى كده هأضيها اتوبيسات :lol: :lol:
الكلام ده على لسان مدير تسويق ميتسوبيشى السعوديه....وعلى مسئوليه اصدقائى :D :D
والله اعلم.........

[hazem_khidr]

والكلام ده طبعا هيحط المصريه فى مزنق....واعتقد كده سعر الشكل القديم هيتأثر اوى......

مش فاهم ايه المزنق اللي حيطحطوا فيه؟؟؟
انا اكاد اجزم ان السنه الجايه و اللي بعديها مش حتلاقي لانسر الشكل الجديد خليجي في السوق لسبب واحد
هو ان الوكيل الخليجي ليه كميه معينع و اكيد الاقبال في الاول حيبقي جامد فيدوب الوكيل حيقدر يسدد احتياجاته الداخليه الاول و بعدين يبدأ يبيع لمستوردين بكميات.
تعرف الكورولا في الامارات علشان تجيبها بتستني اد ايه حاجز و دافع مقدم علشان تجيلك؟؟ مش اقل من 4 شهور و دا من احد انك ما تلاقيش كورولا خليجي كتير في السوق.
الخهلاصه التوكيل اعتقد ان مركزه حيزيد كمان و حيسعر العربيه الجديده زي ما هو عاوز علشان مش حيلاقي ليه منافسين بيجيبوا خليجي يبعوه علي الاقل اول سنه

[مصراوي جدا]

عزيزي الأستاذ رامي

الشكل الجديد هيوصل مصر باذن الله آخر الشهر الحالي وهو 1500 سي سي

انا كنت في دبي الشهر الماضي مندوب عن الوكيل في مصر (مصرية) مع مندوبين لكل دول الشرق الأوسط والخليج وافريقيا لحضور سيمنار عاملاه ميتسوبيشي اليابان للتعريف بالعربية اللانسر الجديدة -

معلومة ان الشكل الجديد فيه 1300 سي سي خاطئة تماما - الشكل الجديد فقط 1500 سي سي و 2000 سي سي

باذن الله هنعرض الكتالوجات وننزلها كمان softcopy لأي حد يعمل منها داون لوود اول لما نستلم العربيات ونعلن عنها ويتحدد سعرها بالظبط

الشكل القديم له عشاقه انما الله أعلم بالسوق هينزل سعره فيه لأن حتى الآن الأسعار بتزيد مش بتنزل

انا بس منتظر المركب توصل ونبدأ في البيع وانا هانزل في الموقع بتاعنا كل التفاصيل عن اللانسر الشكل الجديد

[إسلام شاهين]

اللي أعرفه إن الشكل القديم فيه منه 2008 فعلا وده أنا شفته بنفسي في المعرض اللي كنت جايب من عنده العربية في شارع جسر السويس وانا بجيب ورق التأمين لكن موضوع إن الشكل الجديد ده فيه منه 1300 سي سي ديه ممكن تكون صعبه شوية .

وفعلا الشكل القديم سعره بيعلى مش بينزل الراجل ساعتها قالي إن المانيوال 1300 ماعدش فيه منها خالص الموجود كله أوتوماتيك وسعره علي حوالي 2000 جنيه !!!!!!!!!!!!!!!!! .

[ramyfaris]

صدقني ده الكلام اللي وصلني............وانتو اكثر علما
ويا خبر انهارده بفلوووس............. :lol: :lol: :lol:

[مصراوي جدا]

الشكل القديم فيه منه 2008 طبعا
وهيستمر كما هو 1300 و 1600 نفس الشكل الحالي ونفس المواصفات
وده انا وضحته في الموقع بتاعنا لما عرضت صورة العربية
وكتبت عليها

SOON , 2008

[Sharky]

عزيزي الأستاذ رامي

الشكل الجديد هيوصل مصر باذن الله آخر الشهر الحالي وهو 1500 سي سي

انا كنت في دبي الشهر الماضي مندوب عن الوكيل في مصر (مصرية) مع مندوبين لكل دول الشرق الأوسط والخليج وافريقيا لحضور سيمنار عاملاه ميتسوبيشي اليابان للتعريف بالعربية اللانسر الجديدة -

معلومة ان الشكل الجديد فيه 1300 سي سي خاطئة تماما - الشكل الجديد فقط 1500 سي سي و 2000 سي سي

باذن الله هنعرض الكتالوجات وننزلها كمان softcopy لأي حد يعمل منها داون لوود اول لما نستلم العربيات ونعلن عنها ويتحدد سعرها بالظبط

الشكل القديم له عشاقه انما الله أعلم بالسوق هينزل سعره فيه لأن حتى الآن الأسعار بتزيد مش بتنزل

انا بس منتظر المركب توصل ونبدأ في البيع وانا هانزل في الموقع بتاعنا كل التفاصيل عن اللانسر الشكل الجديد

حضرتك فيه عربيات لانسر 2008 الشكل الجديد نزلت فى الجيش و كانوا 3 فئات و أسعارهم بتبدأ من 104.000 جم إلى 124.000 جم يعنى متهيألى كده إن العربية خلاص إتسعرت.

سؤال بقى محيرنى قوى ليه الشكل القديم حيفضل ينزل لمدة سنتين كمان ؟؟؟

[محمد عبد المجيد]

يا اخواننا اللى يعرف ان الشكل القديم 1300 حينزل منه خليجى يعرفنى لانى ناوى انشاء الله
اشترى فى شهر اكتوبر الجاى وطبعا انا طمعان انى اركب موديل 2008 ، وبرضه الشكل الجديد
بأسعارة المبدئية دى حيبقى خارج امكانياتى ، وممكن برضه افكر فى سيارة الوكيل (مصرية) اذا كانوا ناويين
ينزلوا بأسعار الشكل القديم شوية واعتقد ده المفروض يكون منطقى .

[مصراوي جدا]

السبب الرئيسي لاستمرار الشكل القديم ان الشكل الجديد نازل بفرق سعر كبير عن القديم

بخصوص أسعار (مصرية) للشكل الجديد هي لم تحدد بالظبط انما هي متراوحة ما بين 110 و 135 اللي هي في الجيش متراوحة بين 102 و 124 لكن نفس الموديلات اللي الجيش منزلها
GLX , GLS , GLS Sport
طبعا الجيش بيحجز بس انما لسه العربيات موصلتش

باذن الله خلال الاسبوع الجاي هيكون فيه شكل جديد خالص لموقع (مصرية) على النت وهو الشكل الستاندرد بتاع ميتسوبيشي اللي الشركة موحداه لكل الوكلاء حول العالم وهيكون فيه كل التفاصيل للعربية اللانسر الجديدة وفيه صور وتفاصيل الموديلات الثلاثة والأهم من ده كله امكانية تحميل الكتالوج بكل تفاصيله ملف PDF
مع الشكر

[Sharky]

السبب الرئيسي لاستمرار الشكل القديم ان الشكل الجديد نازل بفرق سعر كبير عن القديم

أولا شكرا على تفاعلك معانا فى المنتدى و مدك لينا للمعلومات عن اللانسر الجديدة
ثانيا : أنا برضه لسه مستغرب ما هو كل مرة كان ينزل الشكل الجديد للانسر لازم يكون فارق عن الشكل الجديد فى السعر و رغم كده مكانوش ينزلوا القديم معاه !!
كل العربيات بتنزل الشكل الجديد أغلى من الشكل القديم دائما

[مصراوي جدا]

كلامك صح طبعا
هما برضه ممكن يكونوا حاسين ان الشكل الحالي ناجح جدا
يعني الشكل اللي قبله (المكواة) قعد سنتين ونص فقط 2001 - 2002 - نص 2003
في حين ان اللي قبله كان ناجح جدا وقعد من 95 الى 2000
وبعدين نزل الشكل الحالي نص 2003 - 2004 - 2005 -2006 - 2007
وما زال ناجح والناس عايزاه ومقبله عليه
بس أكيد كمان ان المبيعات العالية دي بتحصل في باقي دول العالم علشان في ميتسوبيشي اليابان ياخدوا قرار زي ده