تحذير

[meg16]

انا احبيت افيد ملاك السيارات والانسر اخص من جهل الصنايعية الى ممكن يكلف الناس على الفاضى ويضر السيارات الى دافعين فيها دم قلبنا التحذير ده من اشرفكوا الى فى الحى السابع رحت من حوالى اسبوع اضبط زوايا المهم الواد الى بيضبط قلتله فى حدفة شمال قام ركب الاجهزة وقعد يكشف وفى الاخر لقيته عمال يفك فى مصرين العربية من تحت وبيدور على مسمار فى علبة مسمامير عنده قلتله فى ايه قالى يا بيه الفردة الشمال مكمبرة سنتى ونص بد ما اعملك زرجينة هركبلك مسمار 17 بتاع المساعد احسن من الى فيها لان الى قيها وحش وهو بتاع الفابريقة واخدين بالكوا بتاع الفابريقى وحش العربية 2007 وديه الكلمة بتاعت الصنايعية المعتادة ده الى مبيفهموش المهم قالى المساعد معوج قلته متعملش حاجة وخلى كل حاجة زى ما هية والحمد لله لحقته قبل ما يفك اى حاجة ومشيت رحت مكان تانى كالتكس الى فى السفارات المهم ضبط الزوايا والصنايعى الى هناك قالى يا بيه الاربع عجلات زى الفل فابريقة لا تقديم ولا تاخير ولا كمبر ولا كستر كل الى فيها ضبط زوايا فكلامى للناس احذروا اشرفكوا الى فى السابع من الزويا هيخربلكوا العربيات صاحب المحل راح جاب صنيعى مبيفهمش حاجة ومش مهم عربيات وفلوس الناس

[mada121977]

الف شكر على الموضوع والتحذير .. والله الواحد بيعانى كتير من الفتى عمال على بطال من الصنايعيه فى مصر .. كله عامل نفسه خبير وبيفهم فى كل حاجه ولما تنبهه للصح يقولك يابيه دا شغلنا واحنا اللى بنفهم فيه !!! يعنى بيفتى وبيكابر فى الغلط كمان

[nobody]

جزاك الله خيرا على التنويه

[reebok2010]

ربنا يكرمك

[tmedhat]

تسلم على التنوية يا ريس