إعـــــــلان

Collapse

.

,
See more
See less

صوت غريب فى لانسر بومة 2006 خليجى

Collapse
X
 
  • Filter
  • الوقت
  • Show
Clear All
new posts

  • صوت غريب فى لانسر بومة 2006 خليجى

    السلام عليكم
    كان عندى استفسار كدة عن صوت قالقنى اوى لما اجى اكسر الدركسيون يمين او شمال اسمع تك صوت تك بس مش تك تك تك تك لانى انا معايا عربية كان الكبالن فيها بايظة وكان بتطلع صوت تك تك تك تك فا دا تقريبا مش صوت كبالن انما صوت غريب مش عارف من اة؟؟؟ رجاء حد يحمال يساعدنى الصوت دا من اة لانى كل ما اروح حتة اسال الى يفتى ويقلى بارات والى يقلى كبالن والى يقلى بيض الكبالن وخايف اى حد يلعب فيها يجيب اجلها خاصة انها ماشية عادى والصوت دا بقالة فترة كبيرة والعربية دلوقتى عاملة 34 الف كيلو
    استفسار تانى معلش هوا تيل الفرامل الخلفى بيتغير امتة اصلى لغاية دلوقتى لسة مغيرتوش ؟
    الف شكر ليكوا
    سلام عليكوا

  • #2
    هو الصوت بيطلع وانت واقف ولا وانت ماشي ؟
    [CENTER]
    [U][B][COLOR=DarkRed]Toyota[/COLOR] for City ... [COLOR=Blue]Nissan[/COLOR] for Track ... [COLOR=Magenta]Honda[/COLOR] for Tunning
    [COLOR=Purple]Mac[/COLOR] for Graphics ..[COLOR=DarkOrange]Linux[/COLOR] for Servers .. [COLOR=DarkRed]Windows[/COLOR] for Solitaire
    [/B][/U]
    [SIGPIC][/SIGPIC]
    [/CENTER]

    Comment


    • #3
      لو كسرت الدركسيون وانت واقف عادى فى مكانك من غير ما تعشق نقلة او وانت يدوبك طالع واحدة واحدة كدة واكيد بردوة فى السرعة بس بيبقة صوت البنزين عالى فا مش بيتسمع

      Comment


      • #4
        ‘‘كشف على بطاحات المساعدين الأمامى

        Comment


        • #5
          فعلا كان عندى فى الانسر وطلعت بطاحات لو غيرته يابشاا حيروح الصوت وعلى فكره مش غاليه بحوالى 80 جنيه بس حتريح نفسك من الصوت

          Comment


          • #6
            متبصش على التيل اللى ورا فى الانسر قبل 100000كم

            Comment


            • #7
              يعني ايه بطاحات مسعدين انا عندي نفس المشكله

              Comment


              • #8
                ياريت لو حد يتكرم يقولنا معنى البطاحات انا بردو مش عارفها
                [CENTER][FONT=Comic Sans MS]Mohamed Nasr
                [/FONT] [/CENTER]

                Comment


                • #9
                  المشاركة الأصلية كتبت بواسطة gama667 مشاهدة المشاركة
                  ياريت لو حد يتكرم يقولنا معنى البطاحات انا بردو مش عارفها
                  و انا بضم صوتي ليك...ما معني البطاحات
                  [LEFT][COLOR=SeaGreen][I][B]Mostafa Eng911[/B][/I][/COLOR]
                  [COLOR=SeaGreen][I][B] One Day [/B][/I][/COLOR][COLOR=Red][I][B]Eg[/B][/I][/COLOR][COLOR=SeaGreen][I][B][COLOR=White][COLOR=White]y[/COLOR][COLOR=Black]pt[/COLOR][/COLOR] Will Return Back Her Glory
                  [/B][/I][/COLOR][SIGPIC][/SIGPIC][/LEFT]

                  Comment


                  • #10
                    البطاحات هى أعلى جزء ماسك السوست والمساعدين والعجله وهى عبارة عن جزء جلد على شكل دائرى وبتتثبت بثلاث أو أربع مسامير
                    وتقدر تشوفها لو فتحت الكابوت هتلاقيها فى اقصى اليمين واقصى الشمال قبل الصدر مباشرة (انظر لللينك)
                    وفى بعض العربيات بيكون راكب فيها عامود بين البطحتين بس بصراحه مش عرف اية فايدته
                    http://img196.imageshack.us/img196/8...cersport16.jpg

                    Comment


                    • #11
                      أنا عندى نفس المشكله و دوخت لغاية ما أكتشفت الطقه دى منين و فى الأخر طلع السبب هايف و عبيط جدا................................عارفين ايه اللى بيعمل الصوت ده فى الانسر؟؟؟؟؟؟!!!!! ..........مش هتصدقوا........... الكاوتشه البيانو اللى بتتفرد و تنضغط فى علبة الدركسيون و فيه منها إتنين واحده يمين و واحده شمال وده كل وظيفتها انها تحمى البيضه اللى جوه من التراب..........الكاوتشه دى ساعات بتبقه مش معدوله أو فيه جزء منها معصور ومع الفرد و الضم الجزء المعصور ده بيطق و يرجع تانى مع الحركه و ساعات ظهور الصوت ده بيبقه مرتبط بسخونه العربيه لأنها و العربيه سخنه بتبقه منفوخه لأن الهوا الى جواها بيكون متمدد ده غير انها قريبه قوى من الميزان و المقص فممكن تلطش فيهم.............. أقولكم اكتشفت العيب ده إزاى؟...............روحت التوكيل فى مركز الرواس اللى فى وسط البلد و قعت أنا و الصنايعى كتير مع بعض لغايه ما إكتشفناها مع إننا بردو قولنا بطاحات و غيره و الكلام اللى انتوا عرفينه......... المهم أنا ركبت العربيه و رفعها بالكوريك و بقه هو واقف تحت العربيه و أنا بأكسر يمين و شمال لغايه ما ربنا هداه للعيب و فجأه لاقيته عمل حاجه خلت الصوت راح و لما شال إيده رجع تانى المهم ضبطها و ما رجعتش تانى و خلانى شفت الكاوتشه بنفسى.........كل اللى عمله انه فك قفيز الكاوتشه و فش الهوا اللى جواها شويه و ضبط و ضعها بحيث مطقطقش مع الحركه و ما تلطش فى حاجه و ركب القفيز تانى!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!1

                      Comment


                      • #12
                        بص يا سيدى انا عندى الصوت ده وعملت كل ما تتخيله فى غضون سنتين وكتبت عن الموضوع ده كتير جدا وجربت كل حاجه وروحت التوكيل اكتر من 30 مرة وللميكانيكى بتاع اللانسر الكتر من 500 مرة وغيرت العفشة كلها وبأكد تانى العفشة كلها وغيرت علبة الدريكسيون 3 مرات وصرفت اكتر من10000 الاف جنيه لحد ما عرفت العيب وعلاجه وللعلم الصوت ده موجود فى البومة كلها وفى ناس مابتحطوش فى بالها .. طبعا هاتسألنى أنا ليه صرفت وعملت كل ده مع العلم انى اقدر اجيب عربية تانية والاجابة انى بعشق عربيتى وعامل فيها حاجات جامدة جدا وبسيطة ورخيصة فى نفس الوقت .... انا هاجوبك بس بعد ما ترد على سؤالى ولن أبخل عليك بحل المشكلة والسؤوال هو انت بتسمع الصوت فى المطبات وانت كاسر الدريكسيون وبالاخص وانت كاسر الدريكسيون ولا وانت واقف .. وصدقنى فى الحالتين هاقولك تعمل ايه بالضبط ولو عندك اسئلة تانية هاجوبك عليها أيضا لانى أظن انى خبرة شوية فى الانسر البومة وهاتعرف ده لما أجوبك على أى شىء تريده ولما تحل المشكلة هاتتأكد من صحة كلامى يا ريت ترد عليا وترد على سؤالى علشان أقولك على الحل من غير ما تجرب ولا تتعب نفسك ولا تسمع كلام كتير مش مفيد

                        Comment


                        • #13
                          المشاركة الأصلية كتبت بواسطة heka_m_y مشاهدة المشاركة
                          بص يا سيدى انا عندى الصوت ده وعملت كل ما تتخيله فى غضون سنتين وكتبت عن الموضوع ده كتير جدا وجربت كل حاجه وروحت التوكيل اكتر من 30 مرة وللميكانيكى بتاع اللانسر الكتر من 500 مرة وغيرت العفشة كلها وبأكد تانى العفشة كلها وغيرت علبة الدريكسيون 3 مرات وصرفت اكتر من10000 الاف جنيه لحد ما عرفت العيب وعلاجه وللعلم الصوت ده موجود فى البومة كلها وفى ناس مابتحطوش فى بالها .. طبعا هاتسألنى أنا ليه صرفت وعملت كل ده مع العلم انى اقدر اجيب عربية تانية والاجابة انى بعشق عربيتى وعامل فيها حاجات جامدة جدا وبسيطة ورخيصة فى نفس الوقت .... انا هاجوبك بس بعد ما ترد على سؤالى ولن أبخل عليك بحل المشكلة والسؤوال هو انت بتسمع الصوت فى المطبات وانت كاسر الدريكسيون وبالاخص وانت كاسر الدريكسيون ولا وانت واقف .. وصدقنى فى الحالتين هاقولك تعمل ايه بالضبط ولو عندك اسئلة تانية هاجوبك عليها أيضا لانى أظن انى خبرة شوية فى الانسر البومة وهاتعرف ده لما أجوبك على أى شىء تريده ولما تحل المشكلة هاتتأكد من صحة كلامى يا ريت ترد عليا وترد على سؤالى علشان أقولك على الحل من غير ما تجرب ولا تتعب نفسك ولا تسمع كلام كتير مش مفيد


                          بص يا سيدى ---الطقطقه إللى انا أقصدها بتسمعها وانت بتكسر العجل و انت واقف و لكن يوجد صوت آخر بأسمعه فى ظروف معينه و بتحصل نادرا و ده بيكون و أنا ماشى بالعربيه و كاسر شمال و بأخد مطبات أو عيون القط إللى بتبقه على الطريق بس ده مش بيبقه صوت طقطقه ده بيبقه زى مايكون فيه حاجه مفكوكه و بتترجرج مكانها تحت رجلى الشمال بس أنا سمعت من ناس كتير ان العيب ده فى كل الانسر وأنا محططهوش فى دماغى لأنى بأسمعه كل فين و فين و بيكون بسبب مطبات رخمه مش عاديه و طبعا أنا متشوق جدا لمعرفه الحلول اللى وصلتلها بخبرتك فى الموضوع ده ولك جزيل الشكر-------

                          Comment


                          • #14
                            كان عندي في صوت طقطقة بيبان مع المطبات و عيون القط و بحس انه من الدريكسيون او العفشة

                            طلع في الآخر عيب من البلاستيك (الشفاف) الخارجي للعدادات شلته و جربت لقيت الصوت اختفى تماما
                            ركبته صوت الطقطقة رجع تاني ما عرفش ايه الحل؟
                            [shr71=http://pic.phyrefile.com/2007/10/20/jtte2o.gif]TG[/shr71]

                            Comment


                            • #15
                              انا مش هاطول عليك ولكن اريدك ان تصدقنى وتثق فيا جدا وانا مش هاضرك .. الصوت اللى بتسمعه مع المطبات واللى زى ما يكون حديد فى حديد من تحت الدريكسيون بالاخص مع عين القطط اللى فى الطريق ده صادر من علبة الدريكسون ومش من أى شء تانى مهما تشك فيه صدقنى هاقولها تانى من علبة الدريكسيون وده عيب فى كل الانسر البومة وانا زى ما قولت غيرت العلبة 3 مرات الصوت بيروح تماما وبعد شهرين يرجع تانى ولو شلت علبة الدريكسيون وشحمتها فى التوكيل او عند ميكانيكى نظيف هايروح الصوت ولكنه هايرجع تانى بعد فترة لان الصوت ده جاى من احتكاك البستم اللى بيقفل على العلبة وعمود الدريكسيون (المشرشر) اللى جوه العلبة .. طيب نعمل إيه علشان نشيل الصوت المقرف ده واللى بيحسسنا ان احنا راكبين عربيات قديمة ويحرجنا كتير ؟ هناك حلين

                              الاول : سهل جدا وغير مكلف بالمرة وده بنعمله كل شهرين تقريبا وهو واحنا بنغير الزيت نخلى الميكانيكى من غير ما يفك اى حاجة يخلع رباط كواتشين البيانو الى عند طرفى علبه الدريكسيون وبكده هايبان عمود الدركسيون اللى جوه العلية ويقوم بوضع شحم كتير عليه وكل ما يحط شوية شحم يجيب الدريكسيون شمال ويمين علشان الشحم يخش جوه العلبة ويحط شهم تانى ..الخ لحد ما يحس ان هيا اتملت بالشحم ثم يربط كواتشين البيانو تانى بالافافيز بتاعتها وبتكون أفافيز عادية بلاستيك ولما تشمى بالعربية لن تسمع الصوت تانى إطلاقا ولكنه سيظهر بعد شهرين تقريبا وبعدين تعمل نفش الشىء على فكرة تشحيم العلبة بالطريقة دى بيكلف حوالى 10 جنيه وبيتعمل فى 10 دقائق زى مل قولتلك يعنى مع غيار الزيت تقربيا ولا يضر السيارة إطلاقا ولو مش مصدقنى روح توكيل مصرية واسأل ان كان ده غلط ولا مش غلط انا بديك خبرة 3 سنوات لف على التوكيل والميكانيكى المختص بلانسر ومش عايزك تجرب اللى انا جربته قبلك علشان متتعبش والله انا هدفى المصلحة فقط ويا ريت كل اللى عنده لانسر بومة يعمل ده ...

                              الحل الثانى : تخلى الميكانيكى يفك البستم اللى بيقفل العلبة من غير ما يفك العلبة ولا أى حاجة فى العربية والبستم ده وظيفته انه لما يكون فى بوش نربط عليه علشان يشيل البوش وده ولكنه بيتقل الدريكسيون شوية واحنا مش ناقصين لان دريكسيون اللانسر ثقيل بطبعه المهم بعد ما يفك الصامولة يشيل البستم والبستم ده شىء صغير وبيكون حديد وهو مصدر الصو اياه لانه حديد وبيخبط فى العمود اللى هو حديد أيضا ويعمل الصوت الرخد اللى بنتكلم عنه المهم بعد ما يفك البستم يجيب بستم تانى مثله تماما بس فايبر من عند اى عفشجى والبستم الفايبر ده بينزل فى التويوتا وثمنه عند أى عفشجى 10 جنيه تقريبا ويركبه ويربط الصامولة وبعدين هاتمشى بالعربية ولن تسمع الصوت ده تانى الا نادرا جدا جدا جدا يمكن مرة واحدة مثلا كل 8 شهور .. وخد مطبات براحتك ولا تقلق ولن تحرجك السيارة مرة ثاية وامشى عل عين القطط براحتك بسرعة أو ببطؤ أو زى ما انت عاوز والله انا مش عايز اللى مضيقين من الصوت ده يتعبوا التعب اللى انا تعبته لحد ما وصلت للحل ده وبردو هذا الحل غير مضر لسياة اطلاقا يمكن يكون مفيد ليها اكتر وبرده لو مش مصدق اسأل التوكيل وشوف ده غلط على العربية

                              أرجو أنى أكو أفدتك نسيت أقولك ابقى كل فترة اربط على مسمارين الميزان اللى فى العفشة علشان دول لهم أهمية كبيرة فى عدم وجود أى صوت بالعفشة ونسيت أقولك أيضا لو فى صوت تكتكة وانا واقف وبتجيب الدريكسيون شمال ويمين ابقى خلى حد يشيل بطاحطين المساعدين ويغسلهم كويس جدا بالاخص الاولسهين اللى تحتهما برده مش هاتمسع الصوت ده تانى

                              لو عندك اى استفسار تانى لا تقلق واسأل زى ما انت عاوز انا هاجوبك ان شاء الله عليه وبرده بعد ما أرد عليك وتعمل اللى بقولهولك عليه وسأل التوكيل أيضا هاتتأكد من كلامى وعلى فكرة عندى فكرة جامدة جدا لنور التابلوه يخيك أكنك راب بى ام بالضبط ونفس الدرجة برو هابقى اقولك عليه .
                              Last edited by heka_m_y; 24-06-2009, 09:05 PM. سبب آخر: تعديل بعض الكلمات

                              Comment

                              Working...
                              X