وحدة رفع

[ahmedhosssamy]

ارجو النصيحة اية احسن وحدة رفع زجاج و فتحة سقف لالنسر 2008 سبورت (بومة)
سعرها كام و منين اجيبها و اية افضل انظار للعربية مع المحافظة على المفتاح الاصلى و شكرااا

[Kareem Khattab]

انا كمان عايز اعرف ياريت حد يفيدنا

[mahfouz1983]

والله يا جماعه انا بخاف اللعب في العربية وتركيب ووحدة رفع وخاصة لما تكون في فتحة السقف يعني الواحد بيخاف من الصنايعيه وخصوصا ان وحدات الرفع اليومن دول ببتبوظ بسرعه

[lovelorn]

انا مركب وحدتين رفع فى الباب بتاع السواق ( كل وحدة مسئولة عن رفع زجاجين ) .. كان ثمنهم تقريبا 80 جنيه .. على فكرة صاحبى اللى ركبهوملى ( طالب فى كلية هندسة بس مخه نضيف ) .. وثبتناهم فى القضيب بتاع الباب بحزام ولزق double face ..

شوف كهربائى نضيف ورحله .. مفيش من تركيبها أى مشاكل .. وانا ركبته مش عشان تبقى أوبشن زيادة بس عشان صاحبى كان جنبى ونسى يقفل الزجاج بتاعه واتسرق من العربيه حاجات .

[أبو إياد]

عندك نوعين نوع بيرفع الاربع زجاجا ونوع بيرفع زجاجين وفى الحاله دى هاتشترى اتنين
الافضل انك تشترى وحدتين كل وحده مسئوله عن زجاجين تمنهم 90جنيه وبيركبوا فى باب السائق والكهربائى مصنعيته 30جنيه او 40 جنيه بالكتير
وحاول تشترى كورى مش صينى

[mazen86]

بص ياباشا انا ركبت الوحديتين وعربيتي زي عربيك بالظبط

متخفش مفيش منهم مشكلة

بس فتحة السقف مش هتنفع او بمعني تاني

مشاكلها كتير لانها ممكن تبوظلك الوحدة بتاعت فتحة السقف نفسها

ودي انا سمعت مش متاكد من التمن دا انها ب4الاف جنيع لوحدها

ودا

مبلغ فاتوكل علي الله وركب جهازين

ومتجبش الجهاز الي بيرفع الاربعة عشان ميبقاش عليه حمل

كتير ويبوظ منك

انا توصلت للكلام دا كله بعد اسئلة 3شهور لناس كتير

وشكرا

[Dr_MohSalah]

سؤال بعد اذنكوا...انا دايما بلاقى اعضاء بتسال عن وحدات رفع للزجاج فى عربيات زى لانسر 2008 وغيرها..طيب هو الزجاج اصلا مش كهرباء اللى انا عارفه انه هو كهرباء فمفيش داعى لوحدة رفع ..انا عارف انه فيه اكيد لبس فى الموضوع وان فيه حاجة فايتانى ومش فاهمها كويس وعذرا لجهلى بهذا الجزء ..

[lovelorn]

اللى انا عارفه انه هو كهرباء فمفيش داعى لوحدة رفع ..انا عارف انه فيه اكيد لبس فى الموضوع وان فيه حاجة فايتانى ومش فاهمها كويس

فايدة وحدة الرفع : انك مثلا لما تنزل من العربية والزجاج مفتوح , بمجلاد انك تدوس lock فى الريموت ( الأبواب تقفل والزجاج المفتوح يقفل معاه )


وممكن تظبطها ان هى تبقى وحدة " خفض " بمعنى انك لما تعمل unlock ( الأبواب تتفتج والزجاج يتفتح أيضا ) بس المنتشر هى وحدة الرفع .

[Dr_MohSalah]

فايدة وحدة الرفع : انك مثلا لما تنزل من العربية والزجاج مفتوح , بمجلاد انك تدوس lock فى الريموت ( الأبواب تقفل والزجاج المفتوح يقفل معاه )


وممكن تظبطها ان هى تبقى وحدة " خفض " بمعنى انك لما تعمل unlock ( الأبواب تتفتج والزجاج يتفتح أيضا ) بس المنتشر هى وحدة الرفع .

الف شكر يا باشا ..كدة انا فهمت الموضوع ..تمام كدة المحكنمة انتورت ..

لكن هل فيه بعض الموديلات بتنزل بوحدة الرفع فى العربية ولا لازم بتنضاف وهل عملية الاضافة للوحدة بيبقى فيها لعب كتير فى كهربة العربية ولا حاجة سهلة وبتم بسرعه ؟ :)

[lovelorn]

فى بعض العربيات بيتكون نازلة وفيها وحدة الرفع من الأساسيات ( على سبيل المثال اسبيرانزا تيجو ) .. بس الانسر البومة مش بتنزل بوحدة رفع لكن تركيبها سهل المهم انك تروح لواحد بيفهم ونضيف فى شغله .

[ahmedhosssamy]

اشكركم جدا جدا انا هركب بس وحدتين رفع كورى او تايوانى للزجاج بس و هاسيب فتحة السقف شكررررررا