العربية بتسخن جامد لما اشغل التكييف (العربية كريستالة 98)

[ashraffathy75]

العربية بتسخن جامد لما اشغل التكييف (العربية كريستالة 98)؟

وكمان بحس برعشة عند سرعة 40- 60 كم

وكمان فيه سؤال تاني صوت الماتور بيرتفع لما انقل من ال D الي N

[ashraffathy75]

فين الردود يا شباب انا محتاج مساعدتكم

[Ahmad]

العربية بتسخن جامد لما اشغل التكييف (العربية كريستالة 98)؟

وكمان بحس برعشة عند سرعة 40- 60 كم

وكمان فيه سؤال تاني صوت الماتور بيرتفع لما انقل من ال D الي N

بالنسبة للسخونية, اتأكد ان مراوح الريدياتير و سربنتينة التكييف بيشتغلوا مع التكييف. أو ممكن مروحة التكييف راكبة بالعكس.

بالنسبة للرعشة, لو بتحسها في الدركسيون في الغالب بتبقي ترصيص و لو بتحسها في الارضية تبقي كاوتش أو جنوط و علي أسوأ افتراض بتبقي اكسات الكبالن.

صوت الموتور طبيعي أنه يعلي لما تنقل علي ال N أو ال P. المهم ميكونش أعلي من اللازم علشان ما تستهلكش بنزين علي الفاضي.
أتاكد من ضبط الموتور و التاكيهات عند ميكانيكي كويس.

[ashraffathy75]

صوت رنه بيظهر عند الضغط أو ترك دواسة البنزين

الف شكر يا أحمد باشا
طب انا كمان بسمع صوت رنة لما ارفع رجلي من علي دواسة البنزين ولما ادور بنزين بسمع الرنه دي تاني (متنساش الفتيس اتوماتيك) هل لديك تفسير لهذا الصوت (الرنه)

[Ahmad]

الف شكر يا أحمد باشا
طب انا كمان بسمع صوت رنة لما ارفع رجلي من علي دواسة البنزين ولما ادور بنزين بسمع الرنه دي تاني (متنساش الفتيس اتوماتيك) هل لديك تفسير لهذا الصوت (الرنه)

اسف والله معنديش تفسير . أعتقد انت محتاج ميكانيكي يسمعها علي الطبيعة و يقولك سببها.

[ConDoR]

انا كمان معايا لانسر كريستاله اتوماتيك فعلا فيها نفس صوت بس الرنه بس دا طبيعي جدا بالنسبه للسخونيه انا شايف انك لما تشغل التكييف بيكون حمل زياده على العربيه كمان العربيه 1300 نوعا ما دا طبيعي المهم ان عداد الحراره ميعلاش عن الطبيعي غير كدا إن شاء الله كل حاجه تمام

[hanyathlon]

لا يا باشا أنا عندى نفس المشكله حصلت معايا مرتين فى عربيتى (لانسر 97) و أكتشـفت أن السبب بسيط جدا ، أن معظم محطات البنزين اللى بيغيروا زيت فيها صنايعيه تعبنين لا مؤاخذه علشـان لما بيغيروا الزيت بيزودوه شويه عن علامة Max و يقولك كله تمام.
مع أن المفرود أن فى المؤشر ميعديشعلامة Max.

حصللتى مرتين و عن تجربه ، غير الزيت و جرب.