تظبيت جميل في الكريستاله

[cuppo]

انا عرفت يا جماعه كشاف الكريستاله اللي زي المرسيدس و التاني المنقط (خلفي) بيتجابو منيين
لو حد عنده فكره عن الاسعار و هل فيهم مشاكل يقول
انا لاقيت المنقط ده بحوالي 650 الكشافين
و التاني حوالي 400
لو حد عنده فكره يقول

[cuppo]

فين الردود
14 مشاركه و ولا واحد رد
ايه يا كريستالويه
شدو حيلكو شويه

[ConDoR]

انا عندي كريستاله وفعلا بعشق العربيه دي لدرجه اني صرفت عليها كتير شويه ^^ انا شايف ان التظبيط الصح للعربيه دي اكصدامين وشنطه ميراج وفوانيس ورا كريستال والفوانيس اللي قدام اللي هما حته واحد بس حتضطر تقطع حته الصاجه اللي بين الفانوس والاشاره ويسلام على جنط محترم 15 بالنسبه للاسعار ويسلام لو فرش جلد من جوه وشكرا

الفانوس الحته واحده اللي بالاشاره سالت عليه بيعمل حوالي 140 جنيه
الاكصدامين الميراج بيعملوا حوالي 800 جنيه
الشنطه بتعمل حوالي 400 جنيه
الجنوط اسعارها بتختلف وكل واحد وظروفه
عده الصوت كفايه صب مع جي ام بيعملوا في حدود 700 جنيه

[cuppo]

الفانوس اللي قدام ده اللي هو برينجات ؟
و متفيم من جوه كده
يا ريت لو في صور لعربيتك
شكرا للاهتمام

[cuppo]

و انت بعت الشنطعه و الاكصدامات يعني دخلتهم و دفعت فرق ولا ايه ؟

[ConDoR]

يا باشا انت متبعش الحاجه اللي عندك حضرتك بتخلي الحاجه عندك وتعيش مع الشنطه والاكصدامين الجداد لحد ما تحب تبيع كل الحكايه مسامير مش بتأثر على حاجه ولما بتبيع بتبيع وانت معاك كل حاجتك فك وركب وبيع وبعد كدا بيع الاكصدامين والشنطه حيجبولك فلوس برده

[shrifelmasry]

انا عرفت يا جماعه كشاف الكريستاله اللي زي المرسيدس و التاني المنقط (خلفي) بيتجابو منيين
لو حد عنده فكره عن الاسعار و هل فيهم مشاكل يقول
انا لاقيت المنقط ده بحوالي 650 الكشافين
و التاني حوالي 400
لو حد عنده فكره يقول

و الله يا كابو انت بتفكر فى اللى بفكر فية ... انا برضة بدور على طقم الفانوس الامامي يكون شكلة جميل و فى نفس الوقت مش مبالغ فية حاجة كدة شياكة .... يا تري انت وصلت لاية دلنا يا وزير نعمل اية ؟

[cuppo]

هقولك انا ظبت حاجات كده زي
سبويلر شنطه الاسمر الصغير
الكشافات خلتها زي العيون
سمرت المكان اللي جنب النمر
من قدام
هعمل مساحه اوكتافيا
فوجات
ستاره كده زي ما بيسموها
اللي هي استيكر اسمر متحدد من الشبكه لاخر الكصدام
هيبره الكشافات

[Mostafa Taher]

هقولك انا ظبت حاجات كده زي
سبويلر شنطه الاسمر الصغير
الكشافات خلتها زي العيون
سمرت المكان اللي جنب النمر
من قدام
هعمل مساحه اوكتافيا
فوجات
ستاره كده زي ما بيسموها
اللي هي استيكر اسمر متحدد من الشبكه لاخر الكصدام
هيبره الكشافات

مساحة الاوكتافيا تتجاب منين يا جميل

احنا قالبين الدنيا على واحدة

عايز اخلى العربية مساحة واحدة من قدام ..

[cuppo]

اصل انا من المحله
لو عايز تيجي و تجمع حاجات من هنا و بسعر رخيص تنورنا

[shrifelmasry]

دة شغل علي كبير يا كابو ، بس سؤالين :

- الاول هتحط فوجات صغيرة و لا ها تركب الاصلي بتاعها اللى على قد الطابة لاني دخت علية و مش لاقية في بر المحروسة .
- الثاني لو تقدر تصور لنا الفوانيس الامامية يبقي كتر خيرك .

[cuppo]

انا لسه مش عملت الفولي بس إن شاء الله لما اعملها هاصورهالك
بعدين الفوجات اشكال كتير
و انا هقطع علي قده في الاكصدام

[shrifelmasry]

انا لسه مش عملت الفولي بس إن شاء الله لما اعملها هاصورهالك

بعدين الفوجات اشكال كتير
و انا هقطع علي قده في الاكصدام

شكرا ً علي ردك بس من الكلام انا فهمت ان الاكصدام بتاعك حتة واحدة و مفهوش مكان للطابة اللي بتتشال و يتحط مكانها الفوج زى اللى في الصورة دى :


انا بقي من زمان بحاول اجيب فوجات بنفس الحجم بتاع الطبة مش لاقيها خالص كلة عامل زي فوجات البومة بلاستيك اسود عريض و في الوسط لامبة الفوج زى الكرة .

عموما كل الامنيات بالتوفيق و مستنين نسمع اخبارك اول باول

[cuppo]

الفوج ده موجود عندنا في كل حته
هبعتلك اميلي علي الخاص
;)

[mazgangy]

يا جماعه يا ريت حد يقولنا تعديلات وحاجات اكتر عن الكريستاله وكل من لديه اى افكار يضعها هنا احسن من فكره الخاص دى انا كمان نفسى اظبط كريستالتى وبرضوا دايخ على فوانيس الشبوره والجنوط الاسبور الاصليه بتاعتها وعاوز اعمل مكان النمر الخلفيه حاجه كده لونها اسود شوفتها فى عربيه قبل كده بس مش عارف بتتعمل ازاى وياريت كلنا نفيد بعض