ضغط العجل المناسب

[zikoziko]

السلام عليكم :
انا معايا لانسر 1600سى سى ممكن اسأل على ضغط العجل المناسب فى الصيف وفى الشتاء.

[أبو إياد]

ص = 28

ش = 30

[mohamedway]

سواء صيف أو شتاء الضغط لازم يكون 2.1Kg.f /cm2والعجل بارد (يعنى قبل ما يسخن منك فى أى مشوار و الكلام ده مكتوب على قايم السواق) (2.1Kg.f/cm2 تكافىء 30psi اللى بيتعامل بيها بتوع الكاوتش عندنا) وفى ملحوظه مهمه بالنسبه لحكايه صيف و شتاء ده و هو ان العجل لما يكون بارد فى الشتاء هيكون بارد قوى و الضغط قليل و فى الصيف هيبقه بارد بدرجه أقل نسبيا و الضغط مش هيبقه قليل قوى نسبيا فسواء كده ولا كده لما توصله وهو بارد ل 30 سواء صيف أو شتاء هيبقه هو ده الضغط المضبوط انما لو العجل سخن و جاى من مشوار جامد و استخدمت الفرامل كتير والجو صيف و حر ما أنصحش حد انه يضبط العجل فى هذا الوضع لانك ممكن تضبطه على 30 تبقه فاكر نفسك نفخه جامد و العجله فى حقيقه الأمر يعتبر ضغطها أقل من المطلوب.

القايم بتاع السواء مكتوب عليه (Coold Inflation2.1 kg.f/cm2)

[Oushy]

سواء صيف أو شتاء الضغط لازم يكون 2.1Kg.f /cm2والعجل بارد (يعنى قبل ما يسخن منك فى أى مشوار و الكلام ده مكتوب على قايم السواق) (2.1Kg.f/cm2 تكافىء 30psi اللى بيتعامل بيها بتوع الكاوتش عندنا) وفى ملحوظه مهمه بالنسبه لحكايه صيف و شتاء ده و هو ان العجل لما يكون بارد فى الشتاء هيكون بارد قوى و الضغط قليل و فى الصيف هيبقه بارد بدرجه أقل نسبيا و الضغط مش هيبقه قليل قوى نسبيا فسواء كده ولا كده لما توصله وهو بارد ل 30 سواء صيف أو شتاء هيبقه هو ده الضغط المضبوط انما لو العجل سخن و جاى من مشوار جامد و استخدمت الفرامل كتير والجو صيف و حر ما أنصحش حد انه يضبط العجل فى هذا الوضع لانك ممكن تضبطه على 30 تبقه فاكر نفسك نفخه جامد و العجله فى حقيقه الأمر يعتبر ضغطها أقل من المطلوب.

القايم بتاع السواء مكتوب عليه (Coold Inflation2.1 kg.f/cm2)

طب يا أستاذ محمد انا عندي في 1300 مقاس الكاوتش بتاعها 185/65/14 ومكتوب في القايم والكتالوج ان قدام 2.1 وورا 1.8 وكنت بقول لبتاع الكاوتش يظبط علي المقاس ده وهوا مش فاهم دول يعني ايه وكان بيظبطهم كلهم 30 فاياريت حضرتك تقولي دول معناهم يطظبطو علي كام Psi

[ahmed_bq]

انا بظبطها 32 وتمام معايا ... وعملتها كده عشان واحد صاحبي كان جايب هوندا زيرو وكانو عملنهالو 32 فقلت نجربها وبصراحه رايقه

[Hosam_Optrawy]

2.1 اللى هو 30

[Ahmed Hassan]

لو بتحمل العربيه حموله قصوى او قريبه من القصوى خليك 30 ورا و قدام. لو غالبا العربيه مفيهاش غيرك او شخص او اتنين بالكتير معاك خلي ورا 28. و الصيف و الشتا زي بعض. و احسن حاجه تضبط الكاوتش في مكان محترم زي بريدجستون لأن مقاس الهواء عند اي حد تاني بايظ بالتأكيد.

[Oushy]

لو بتحمل العربيه حموله قصوى او قريبه من القصوى خليك 30 ورا و قدام. لو غالبا العربيه مفيهاش غيرك او شخص او اتنين بالكتير معاك خلي ورا 28. و الصيف و الشتا زي بعض. و احسن حاجه تضبط الكاوتش في مكان محترم زي بريدجستون لأن مقاس الهواء عند اي حد تاني بايظ بالتأكيد.

متشكر علي ردك وأهتمامك

[mohamedway]

طب يا أستاذ محمد انا عندي في 1300 مقاس الكاوتش بتاعها 185/65/14 ومكتوب في القايم والكتالوج ان قدام 2.1 وورا 1.8 وكنت بقول لبتاع الكاوتش يظبط علي المقاس ده وهوا مش فاهم دول يعني ايه وكان بيظبطهم كلهم 30 فاياريت حضرتك تقولي دول معناهم يطظبطو علي كام Psi

2.1=30

1.8=28

[Ahmed Hassan]

نسيت كمان اوضح حاجه مهمه, ساعات بنلاقي مكتوب على قايم العربيه او الكتالوج (cold tire inflation) و ده اللي بيخلينا نفتكر ان فيه ضغط للجو الحار و ضغط للبارد. لقياس الضغط بصوره سليمه المفروض نقيسه قبل التحرك بالعربيه (اول ما نخرج من البيت مثلا) و ده اللي مقصود بالعباره دي. لو انا محتاج مثلا عارف ان الكاوتش عايز يتزود.. و محتاج اسوق من البيت لبتاع الكاوتش (2 او 3 كيلو مثلا) يبقى اعمل التالي:
1- اقيس الكاوتش قبل ما اتحرك بالعربيه(هلاقيه 27 مثلا و هوه المفروض 30)
2- وصلت عند بتاع الكاوتش.. لو قيسته هناك هتلاقيه بقى 28 او 29.. بس اللي المفروض تعمله انك تزوده على القرايه اللي عند البيت... يعني تزود (3 درجات) علشان توصل القرايه اللي كانت عند البيت لـ 30.

ارجو تكون الفكره واضحه.

[Moh.Fahmy]

يا اخي مافيش احسن من تعليمات المصنع لا نزود و لا ننقص عندها
اولا زي ما الاخوة قالوا مقاس الكاوتش بيكون في القايم اللي جنب السواق

2 تعني اتنين بار و البار = 14.7 Psi اللي هي بيستخدمها بتوع الكاوتش
2 بار = 29.4 بالظبط
1.8 بار = 26.4 Psi بالظبط
الافضل انك تزود العجل نيتروجين و ليس هواء لان النيتروجين غاز خامل و لا يتأثر بالعوامل الجوية بسهولة فبالتالي معامل تمدده و انكماشه اقل كثيرا من الهواء الجوي و ده يخليه يحافظ علي الكاوتش من اي تشقق نتيجة التمدد و الانكماش
الافضل ايضا ان بتاع الكاوتش يكون اقرب ما يكون للبيت عشان يكون الكاوتش لسه بارد
الافضل و الافضل انه يكون معاك مقياس لضغط هواء او نيتروجين العجل و يا سلام لو فيه كومبرسور صغير كده في شنطة العربية عشان تبقي فيه متابعة مستمرة

محمدة فهمي

[M.Nasr]

الف شكر على المعلومات المفيدة

[segsauer]

30psi الصيف و الشتا زي بعض.

[nasr-eldeen]

انا بظبطها 32 وتمام معايا ... وعملتها كده عشان واحد صاحبي كان جايب هوندا زيرو وكانو عملنهالو 32 فقلت نجربها وبصراحه رايقه

العربيات اللي بتيجي من الخارج دائماً بتاخد هو زيادة علشان الشحن والظروف الجوية والحاجات دي .
يعني عربيتي اللانسر كانت ناشفة جداً فقولت أظبط هو وجدت جميع الإطارات ما بين 50 : 53 ولما سألت عرفت معلومة تزويد الهوا علشان موضوع النقل .

أنا ببظبط على 30

[MAX_PIN]

وانا بظبت الهوا فى العجل على 35 عشان العربيه مركونه طول الوقت