عايزين نعمل مقابله لملاك الميتسوبيشي !

[HeMa_LanCeR]

عايزين نعمل مقابله لملاك الميتسوبيشي :k38:
ايه رأيكم
انا كنت عايز اخليها في المقطم
وتكون يوم سبت او جمعه
او نخليها امام مودرن اكاديمي القطاميه (علي دائري المنيب بعد كارفور المعادي بكيلو)
بس عايزين نعرف أراّء الاعضاء ونقدر نحدد مع بعض

[ahmed322]

انا موافق على المقابله دى بالمره كل واحد يعرف حاجات عن عربيه مكنش عارفها ويعرف ايه العيوب اللى فى السيارات وكده

[ahmed322]

وممكن نخليها عند مودرن اكاديمى احسن

[midoelattar]

معاكم يا رجاله و في انتظار الميعاد:b4_564:

[mada121977]

طيب اشمعنى مودرن اكاديمى ؟؟؟
دا انت كده مش هاتخلى اى حد من الاقاليم يييجى المقابله دى
ياراجل دانا شغلى على الكورنيش فى ماسبيرو وبكون جاى من المنصوره مابصدق اوصل للشغل بحس انى كنت سايق لغايه اسكندريه من زحمه وقرف الطريق ... ياريت مكان قريب ويكون فيه مكان للجلوس والمشروبات

[HeMa_LanCeR]

طيب اشمعنى مودرن اكاديمى ؟؟؟
دا انت كده مش هاتخلى اى حد من الاقاليم يييجى المقابله دى
ياراجل دانا شغلى على الكورنيش فى ماسبيرو وبكون جاى من المنصوره مابصدق اوصل للشغل بحس انى كنت سايق لغايه اسكندريه من زحمه وقرف الطريق ... ياريت مكان قريب ويكون فيه مكان للجلوس والمشروبات

هو بصراحه قدام مودرن مافيش مكان ولا لجلوس ولا لمشروبات
بس انا اخترته علشان في مكان كبير فاضي
وانت بالنسبالك لو طلعت الدائري بتاع المنيب بالظبط 5 دقايق وتكون عندها
لكن انا باردو سايب الموضوع مفتوح لأقتراح الاعضاء وهنظبط مع بعض
بس رجاء اللي يعترض علي مكان يقول علي مكان غيره

[Kareem Khattab]

انا دايس يا شباب

[ihab]

معاكوا ان شاء الله لو يوم سبت

[meromar]

فكرة جميلة جدا عشان نتعرف كلنا على بعض ونستفاد من تجارب بعض وخبرات بعض وفالحقيقة كان نفسى اوى اكون معاكو لكن للاسف انا خارج مصر حاليا ..بجد اتمنى اقبلكو واتعرف عليكو ياريت تستنونى لما اجى (: انا جاى الشهر اللى بعد الجاى وباذن الله اشوفوكو ونتجمع وحتى لو انتو اتجمعتو قبل ماجى ان شاء الله حكون على تواصل معاكو من خلال الموضوع بس اوعو تنسووووووووووووونى خدونى معاكوووو :k8:



ـــــــــــــــــــــــــــــــــــــــــ
الحلوة اتكلمت

[ahmed322]

هو مين هنا معاه لانسر 1600 موصفات مصرى كلاسيك
لان انا عندى الفتيش بيعض فى الغيارات

[HeMa_LanCeR]

هو مين هنا معاه لانسر 1600 موصفات مصرى كلاسيك
لان انا عندى الفتيش بيعض فى الغيارات

اتأكد من زيت الفتيس

[zAzU]

كان نفسى اكون موجود بس للاسف انا من المنصوره و مينفعش اجى بالعربيه و غالبا مينفعش من غيرها برده مش تعملوا المقابله فى المنصوره احسن هههههههههه

[ahmed322]

اتأكد من زيت الفتيس

ِشكرا يا باشاعلى الرد السريع
انا كشفت على كل حاجه فى التوكيل بس التوكيل برده مصمم ان الفتيس كده كويس

[ahmed322]

يا جماعه هو الاعضاء مش عايزين يتقابلوا بعض ولا ايه فين الباقى يا جماعه دى احلى حاجه لما نكون كتير علشان نعرف نشوف عربيات بعض اكتر

[HeMa_LanCeR]

فين الاعضاء
اومال بس كل اللانسرات اللي في البلد دي ومافيش اعضاء غير دول
ولا مفيش حد عايز يشوفنا ولا ايه النظام