صيانه 40000 أعملها فين وبكام

[zikoziko]

السلام عليكم :
يااهل المنتدى الكرام انا داخل على صيانه الاربعين الف ودى صيانه ثقيله شويه ممكن حد يقولى افضل مكان فين والصيانه دى بتتكلف كام انا ساكن فى المهندسين والصيانه دى بتاخد قد ايه وقت علما بانى سيارتى 2005 1600سىسى اتوماتيك وكمان خليجى ومالهاش ضمانالتكلفه بتبقى كام تقريبا.

[lovelorn]

بص يا باشا :

1- فلتر بنزين 380
2- فلتر هواء 160
3- بوجيهات 110
4- تيل فرامل 380 مش لازم يتغير .. حسب حالته
5- زيت أوتوماتيك 5 لتر 120
6- رجلشة الفرامل
7- تزويد السوائل
8- تغيير مكان الأطارات

انا من اسكندرية ومعملتهاش فى التوكيل .. بس انصحك لو متعرفش حد مضمون روح على التوكيل .. وأخونا العزيز مهندس طارق ممكن يفيدك فى الموضوع ده من حيث الوقت ولو الأسعار اتغيرت وافضل مركز للصيانة ..

[lovelorn]

وبالنسبة للوقت : كل حاجة خلصت فى نص ساعة بس الصراحة معرفش التوكيل ممكن يخلصها فى قد ايه

[salehgharib]

بص يا باشا :

1- فلتر بنزين 380
2- فلتر هواء 160
3- بوجيهات 110
4- تيل فرامل 380 مش لازم يتغير .. حسب حالته
5- زيت أوتوماتيك 5 لتر 120
6- رجلشة الفرامل
7- تزويد السوائل
8- تغيير مكان الأطارات

انا من اسكندرية ومعملتهاش فى التوكيل .. بس انصحك لو متعرفش حد مضمون روح على التوكيل .. وأخونا العزيز مهندس طارق ممكن يفيدك فى الموضوع ده من حيث الوقت ولو الأسعار اتغيرت وافضل مركز للصيانة ..

السلام عليكم :
يااهل المنتدى الكرام انا داخل على صيانه الاربعين الف ودى صيانه ثقيله شويه ممكن حد يقولى افضل مكان فين والصيانه دى بتتكلف كام انا ساكن فى المهندسين والصيانه دى بتاخد قد ايه وقت علما بانى سيارتى 2005 1600سىسى اتوماتيك وكمان خليجى ومالهاش ضمانالتكلفه بتبقى كام تقريبا.

انا كمان داخل على صيانة 40000 وانا من الإسكندرية ممكن اعرف مكان مضمون أقوم بعمل الصيانة فيه غير التوكيل بس بشرط قطع غيار اصلية

[مصراوي جدا]

صيانة الأربعين ألف كيلو متر :

زيت موبيل وان 210 ج
فلتر زيت 50 ج
بوجيهات 88 ج
فلتر بنزين 413 ج
فلتر هواء 160 ج
زيت باور للعربيات الأوتوماتيك 234 ج

الصيانة (الزوجية) 120 ج
تغيير زيت باور 40 ج

اذا احتاجت تيل فرامل :
تيل فرامل 385 ج
تركيب تيل فرامل 40 ج

يضاف 10 % ض.م على اجمالي الفاتورة

ده اللي بيتم في التوكيل وبياخد حوالي ساعتين تلاته
مراكز الخدمة التابعة للتوكيل او المعتمدة موجودة هنا



فيه منفذ بيع قطع غيار أصلية في جميع مراكز الخدمة وفيه محل قطع غيار تابع للتوكيل مصرية في الكيت كات

[lovelorn]

بوجيهات 88 ج

انا كنت جايبها من التوكيل ب 110 .. يا ترى سعرها قل ولا هما اللى كانوا مزودين السعر ؟؟

زيت باور للعربيات الأوتوماتيك 234 ج

يا ترى ده Mobil ATF 320 ultimate performance ولا الزيت بتاع ال CVT ؟

انا كمان داخل على صيانة 40000 وانا من الإسكندرية ممكن اعرف مكان مضمون أقوم بعمل الصيانة فيه غير التوكيل بس بشرط قطع غيار اصلية

قطع الغيار الأصلية فى التوكيل فقط .. وفى محلات تانية بتبيعها وبتكون أصلى زى التوكيل بس أغلى شوية .. فا أحسن مكان انك تجيبها من التوكيل أو لو تعرف حد فى السعودية يجبهالك من هناك عشان أرخص من مصر .

بالنسبة للى عملت عنده الصيانة هو مهندس تخصصه فى العربيات الأمريكانى بس شغال فى الباقى عادى .. يعنى لما روحتله كان بيعمل عمرة موتور لباسات 1997 وهيونداى و انا كنت التالت و شيروكى ركنه جوه ..

مكانه فى فليمنج واسمه أحمد أما الوصفة باضبط فا مش حعرف اوصفلك عشان انا معرفش اسماء الشوارع هناك , انا اعرف اروحله ازاى بس .

[lovelorn]

زيت موبيل وان 210 ج

أعتقد انه ب 235 ... عشان وانا بشترى زيت شل هيليكس الترا مع صاحبى قالنا انه ب 235 بعد ما كان 220 .. فا سألته وموبيل بكام قالى نفس ثمن شيل .

عموما لو مش حتعمل الصيانة فى التوكيل , اشترى الزيت من محطة موبيل بس اشترى فلتر الزيت من التوكيل .

[lovelorn]

نسيت حاجة معلش :

الزيت بيتغير كل 10000 ... انا مثلا بغيره على ال 45000 بعد كده 55000 وهكذا ... يعنى مش شرط انك تغير زيت الموتور على ال 40000 لو لسه مكملش ال 10000

ولو مهندس طارق قالك ان زيت الأوتوماتيك هو موبيل اللى انا كاتب اسمه .. بردوا اشتريه من المحطة مع زيت الموتور ... بس لو بتاع ال Cvt جيبه من التوكيل ...

و هاتلى معاك ....

[salehgharib]

صيانة 40000 اتكلفت كام مصنعية وكانت شاملة ايه بالضبط
عند المهندس الى موجود فى فلمنج ولو فى رقم تليفون
وشكرا

[lovelorn]

صيانة 40000 اتكلفت كام مصنعية وكانت شاملة ايه بالضبط
عند المهندس الى موجود فى فلمنج ولو فى رقم تليفون

ما انا كنت كاتب فوق ايه الحاجات اللى بتشملها الصيانة وعموما هى :

1- تغيير فلتر البنزين والهواء والبوجيهات وزيت الأوتوماتيك
2- تربيط العفشة
3- الكشف على العربية بالكمبيوتر عشان كان عندى مشكلة فى ال airbag
4- رجلشة الفرامل

دى الحاجات اللى هو عملها وكلفت 150 جنيه .. اعتقد المبلغ معقول أوى عشان الكشف بالكمبيوتر لوحده ب 160 فى التوكيل .


بالنسبة لرقم التليفون فا هو مش معايا .. بس ممكن أروح معاك لو تحب .. أعرفك عليه ومنك ليه بقى ..

على فكرة المهندس ده مش بيشتغل .. يعنى متفتكرش ان هو اللى حيعملك الصيانة .. بس هو بيبقى متابع اللى بيتعمل ويقول ملاحظات مش أكتر ..

الحاجة الوحيدة اللى بيعملها بنفسه هى عمرات الفتيس الأوتوماتيك .

[zikoziko]

شكرا جدا يا جماعه على الردود السريعه .
طب حدعمل صيانه قبل كده فى مركز الرواس اللى فى العجوزه وهل المركز دى كويس ولا الروح قليوب افضل .
وممكن اعرف هل السيارات الخليجى بيكون فرق السعر بينها وبين توكيل مصريه قد ايه.

[zikoziko]

يا اهل المنتدى مفيش حد عمل صيانه فى العجوزه قبل كده

[M.Nasr]

مشكور جدااااا على الموضوع ده انا فعلا كنت محتاج اعرف المعلومات القيمة دى