لو سمحتوا عاوز اعرف

[dr.ayman]

السلام عليكم
انا عندى لانسر مكواه
عندى اللمبه اللى فى زرار الانتظار اللى فى التابلوه مش شغاله
مش عارف دى اوصلها ازاى علشان اغيرها و اللمبه اللى فيها دى اشتريها منين ؟

و حاجه تانيه
كنت عاوز اعرف ازاى افك الكرسى بتاع السواق علشان بقى بيطلع اصوات و بيزيق فكنت عاوز اشوف فيه ايه
و يا ريت لو حد عنده خبره فى الموضوع التزييق ده يقولى ايه الاسباب المحتمله يعنى
معلش هتعبكوا معايا
و الف شكر مقدما

[lovelorn]

كنت عاوز اعرف ازاى افك الكرسى بتاع السواق علشان بقى بيطلع اصوات و بيزيق فكنت عاوز اشوف فيه ايه
و يا ريت لو حد عنده خبره فى الموضوع التزييق ده يقولى ايه الاسباب المحتمله يعنى

هو الكرسى مربوط من الجنبين بمسامير بالضبط فى مستوى الذراع اللى بيحرك الكرسى قدام .. ممكن بعد ما تفكه وتشيله تنضف المجره اللى بيتحرك فيها ويقال ان WD-40 بيضيع صوت التزييق بس معرفش الكلام ده صح ولا غلط .

عندى اللمبه اللى فى زرار الانتظار اللى فى التابلوه مش شغاله

تصدق انا مش فاكر اذا كان زرار الأنتظار فى لمبة اصلا ولا لأ .. حبقى اشوفه بليل ..

[dr.ayman]

شكرا جزيلا
انا كنت عاوز افك الكرسى علشان و هوا ثابت حتى مع المطبات بيطلع صوت قلت غالبا يعنى هلاقى مسمار مهوى شويه ولا اى حاجه ان شاء الله اول ما هافضى هافكه كده و اشوف
و اللمبه بتاعت الانتظار دى انا فاكر ان فى واحده بتنور مع التابلوه على ما اذكر يعنى

و الف شكر

[sherif_m72]

بالنسبه لموضوع لمبة الانتظار دى مش بتتغير لانها ثابته في الزرار يعنى عشان تغيرها لازم تغير الزرار بحاله
اما عن طريقه الوصول ليها فده عن طريق حل الكونسول بتاع التكييف والكاسيت وبتلاقى المفتاح ظاهر قدامك بالكلبسات بتاعته
وللعلم انا برضه عندى مش شغاله

[dr.ayman]

يعنى لازم هاغير الزرار او ممكن يكون الكلبس بتاعه مهزوز و لا حاجه
بس ده مش عارف هلاقى حد بيبيعه ولا ايه ظروفه
و كما الوقتى مؤشر البنزين فى العربيه بأه بيخرف ؟ مش عارف ايه المشكله دى كمان
العربيه اتحسدت ولا ايه ؟؟؟:d:d:d:d