lancer 1600 top speed?

[ahmed_magdy_shaaban]

يا جماعة من فضلكم إيه هي السرعة القصوي بالنسبة للانسر 1600 أوتوماتك.وهل الـds بيفرق في السرعة القصوي.أنا مش من هواة السرعة.بس عاوز أعرف قدرة موتورها.وأرجوكم جاوبوني و ياريت يكون في ناس مجربة

[lovelorn]

180 على ال D ومفكرتش أزود وكانت مرة واحدة ومتكررتش

بس أعتقد لو بعد ما توصل لل 100 وتنقل على Ds العربية ممكن تجيب أكتر من 180

وطبعا لما تنقل من ال D to Ds أو العكس المفروض انك تشيل رجلك من على دواسة البنزين أثناء النقل

[ahmed_magdy_shaaban]

و هل العربية وصلت للسرعة دي بسهولة ولا كانت مخنوقة؟

[lovelorn]

الانسر عموما بتجمع بسرعة أوى لغاية 140 بعد كده بتحتاج تدوس بنزين أكتر عشان فى عوامل بتمنع سرعة العربية من الزيادة بسهولة زى اتجاه الرياح ومقاومتها لأندفاع العربية اللى بتزيد كل ما السرعة تزيد

بس عادى يعنى موتور الانسر يجيب ال 200 مفيش مشاكل وبعدين موتور ال 1600 قوى جدا جدا وخصوصا فى ال Ds مبيعرفش الهزار خالص

[mohamedway]

ال Ds بيزود تسارع العربيه و يخليها توصل لأقصى سرعه ليها فى أقل وقت ممكن و لكنه لا يزيد من الTOP SPEED بتاعت العربيه يعنى لو أخر حاجه جبتها على الD كانت 180 يبقه لو جبت على Ds بردو مش هتزيد عن 180

[lovelorn]

لو أخر حاجه جبتها على الD كانت 180 يبقه لو جبت على Ds بردو مش هتزيد عن 180

هى دى فعلا أكتر حاجة جبتها بس دواسة البنزين مكنتش دايس عليها للأخر فا معرفش هل العربية ممكن تجيب أكتر ولا لأ .

[Kareem Khattab]

الانسر عموما بتجمع بسرعة أوى لغاية 140 بعد كده بتحتاج تدوس بنزين أكتر عشان فى عوامل بتمنع سرعة العربية من الزيادة بسهولة زى اتجاه الرياح ومقاومتها لأندفاع العربية اللى بتزيد كل ما السرعة تزيد

بس عادى يعنى موتور الانسر يجيب ال 200 مفيش مشاكل وبعدين موتور ال 1600 قوى جدا جدا وخصوصا فى ال Ds مبيعرفش الهزار خالص

+111111111111111111

[M.Nasr]

معايا جابت 190 بس كانت مرة واحده بس وماحصلتش تانى وكنت جايب ساعتها Ds

[karim_hhhhh]

اللانسر اخرها 185 ds او مانيوال اخرها 185 وبتاخد وقت عشان تجمع من ال 165 الي 185

[lovelorn]

المصرى غير الخليجى

أكيد تقصد المصرى

[abo samra]

ds بيفرق فى السحب وليس السرعه القصوى
اللانسر اوتو اخرها 195 فى احسن الاحوال
واخرها 178 فى اسوء الظروف
والعادى بتاعها 190
احلى سحب بالعربيه مقارنه بالعربيات اللى فى فئتها هو من 40 الى 120 كم
تحياتى

[karim_hhhhh]

لا انا عربيتي خليجي واخرها 185

[abo samra]

لا انا عربيتي خليجي واخرها 185

هو حضرتك بتجيب السرعه دى على اى طريق وجبتها مره واحده ولا علطول
اصل انا اللى فاكره ان العربيه لو فى طريق عادى بتجيب 190 ولو الهواء مقابل العربيه من 178 الى 185 ولو الهواء معاها 195
تحياتى

[ahmed322]

انا يا جماعه طلعت على الطريق قولت اشوف ايه اخبار العربيه يعد ما اشتريتها لسه بقالى شهر تقربيا

طلعت لحد 140 تقربيا بسهوله بعد كده العربيه بتجمع بطئ جدا علشان تطلع اكتر فا وصلت لحد 160 وبرده لقيتها بتجمع بطئ اووووى بس هو دا اللى حصل معايا

[karim_hhhhh]

هو ده اللي بيحصل يا احمد فعلا في اللانسر بس بتجيب 185 بس بعد عذاب