مساعدة أرجوكم

[ahmedel_rayies]

السلام عليكم ورحمة الله وبركاته

عربيتى لانسر 2008 بوما 1600 أوتوماتيك، طلعت بيها على رصيف من حوالى شهريين وعملتها فى التوكيل
غيرنا الجنط والكوتش والمقص الوكوبلن وقاعدة المساعد فى الجهة الشمال قدام.

من ساعتها وعربيتى خفيفة وبتعوم ووحشة جدا جدا رجعت بيها التوكيل وعملولى ظبط زوايا والحال كما هوا، ممكن تدولنى أعمل إيه أرجوكم

أنا دفعت 10500 جنية فى التوكيل والعربية بايظه

[ahmedel_rayies]

مفيش حد بيرد ليه يالانسراوية

[أبو إياد]

العربيه اكيد اكيد مقاساتها مش مظبوطه
بص لازم تتاكد من العيب الاول وده عن طريق انك تسال بره التوكيل وعند كذا مركز ولما تتوحد الاراء على عيب واحد متفق عليه ترجع للتوكيل وهو يقوم بمعالجة العيب
انا مش بحب اعمل العربيه فى التوكيل مش علشان هما مش كويسين ولاحاجه بالعكس ناس محترمه جدا
بس عن تجربه لازم اتابع العربيه بعينى وهى بتتعمل والكلام ده مش موجود فى التوكيل
لو انت قريب من المهندسين انا على اتم استعداد اقابلك ونكشف على مقاسات العربيه على احدث الاجهزه ونطمن عليها بس باردو انت اسال الاول وخلينى فى الاخر
وان شاء الله بسيطه

وعلى فكره موضوع بقا انك حاسس انها مش مظبوطه ده لازم تحس بيه ودى بتكون اوهام لانك عارف ان العربيه عامله حادثه

[ahmedel_rayies]

العربيه اكيد اكيد مقاساتها مش مظبوطه
بص لازم تتاكد من العيب الاول وده عن طريق انك تسال بره التوكيل وعند كذا مركز ولما تتوحد الاراء على عيب واحد متفق عليه ترجع للتوكيل وهو يقوم بمعالجة العيب
انا مش بحب اعمل العربيه فى التوكيل مش علشان هما مش كويسين ولاحاجه بالعكس ناس محترمه جدا
بس عن تجربه لازم اتابع العربيه بعينى وهى بتتعمل والكلام ده مش موجود فى التوكيل
لو انت قريب من المهندسين انا على اتم استعداد اقابلك ونكشف على مقاسات العربيه على احدث الاجهزه ونطمن عليها بس باردو انت اسال الاول وخلينى فى الاخر
وان شاء الله بسيطه

وعلى فكره موضوع بقا انك حاسس انها مش مظبوطه ده لازم تحس بيه ودى بتكون اوهام لانك عارف ان العربيه عامله حادثه

جزاك الله خير على ردك والله
بالنسبة لموضع إنى متوهم إن العربية مش مظبوطة، أنا خليت واحد ركبها معاه لانسر أختها وقالولى نفس الكلام من غير ما أقولهم العربية حاسس إنها مش مظبوطة، وكمان مهندس من التوكيل جربها وقال نفس الكلام وبردوا ما إتظبطتتش.
وعلى فكرة العربية ماتعملش فيها سكرة خالص غير فى الرفر يعنى تقريبا مالهاش علاقة بالمقاسات بتاعة العربية الشغل كان كله تغيير فى العفشة الناحية الشمال.

طيب هستأذن حضرتك تقولى أعملها فين فى المهندسيين، أنا طبعا يشرفنى أتعرف على حضرتك بس عايز أتعبك والله ولا أضيع وقتك.

[أبو إياد]

احنا لسه مش هانعمل احنا زى ما اتفقنا عاوزين نحدد العيب
انا اعرف واحد ان شاء الله هايعرفنا العيب
وبعدين مافيش اى تعب
انا باقولك يوم الجمعه لان دى اجازتى وبقضيها مع العربيه

[ahmedel_rayies]

احنا لسه مش هانعمل احنا زى ما اتفقنا عاوزين نحدد العيب
انا اعرف واحد ان شاء الله هايعرفنا العيب
وبعدين مافيش اى تعب
انا باقولك يوم الجمعه لان دى اجازتى وبقضيها مع العربيه

بجد أنا مش عارف أشكرك إزاي على ذوقك وإهتمامك.
أنا حجزت فى التوكيل يوم السبت الجاي إن شاء الله وهروح أشوف الموضوع داه، لو ماتحلش تانى هكلمك ونظبط يوم الجمعة اللى بعد الجاي إن شاء الله مش بعد بكرة يعنى.

وبجد ربنا يكرمك ويجازيك خير يا أمير.

أخوك أحمد

[أبو إياد]

وانا تحت امرك وعموما انا مش بتأخر فى اى حاجه اقدر اقدمها

[eltorky]

والله الاستاذ محمد داة راجل محترم و ربنا يطامنك على عربيتك يا استاذ احمد و انشأ الله تكون بسيطة وتتحل

[ahmedel_rayies]

فعلا والله أ/ محمد راجل محترم جدا جدا جدا. ربنا يباركلة

[ahmedel_rayies]

الحمد لله العربية إتظبطت، روحت يوم السبت عملتها فى التوكيل (طبعا روحت التوكيل من 7:30 صباحا ومشيت من هناك الساعه 3) بس المهم إن العربية إتظبطت.

عملولها ترصيص وضبط زوايا رباعي.


ألف ألف ألف شكر بجد على زوقكم.


منحرمش يارب :k32:

[أبو إياد]

الحمد لله ان العربيه اتظبطت وفادك اى حاجه بس المهم تاخد بالك
وانا تحت امركم فى اى استفسار انا ياما اتمرمت من العربيات ابتداء من 128 الى BMW وفى الاخر رسيت والحمد لله على لانسر

[حلواني]

الحمد لله انها اتظبطت .
كلفك كام الترصيص و ضبط الزوايا؟