عربيتى لانسر خليجى

[marwan_147]

السلام عليكم

الاخوة الاعزاء ممكن حد يقولى هل من الممكن اركب المخدع اللى بين الكرسين زى بتاع الانسر المصرى ولو ممكن دة ممكن اشترية منين وتحياتى للجميع

[Oushy]

منتظر رد الاعضاء معاك برضو

[meromar]

انزل شارع دمشق او التوفيقية حتلاقى كتير وانواع واشكال مختلفة بس مش حيكون الاصلى طبعا انما بيقضى الغرض

[karimone]

شارع دمشق...

[Kareem Khattab]

اسال عليه في التوكيل

[onsi]

هل عربيتك 1300؟
لانى اعرف ان الخليجى كلة فى مخدع

[Oushy]

أيوه ال 1300 مابيبقاش فيها المخدع ده ولا الطفايه بتاع السجاير الي ورا فا أحنا بنسأل منين نجيب المخدع بتاع ال 1600 الي بيبقي فيه طفايه من ورا ده عشان نركبو أنا سألت عليه في دمشق قالولي أسأل عليه عند بتوع المستعمل روحت سألت عليها عند بتوع المستعمل في دمشق برضو قالولي لا مش موجوده فا ياريت الي يعرف موجوده فين يقولنا ولو حد يعرف لو موجوده في التوكيل تبقي بكام بالظبط (وانا أقصد طبعا بتاعه العربيه نفسها مش قصدي علي مخدع أكسسوار يتركب يعني )

[onsi]

ممكن تسأل فى التوكيلات وارقام التليفونات كلها موجودة فى المنتدى
مركز الخدمة الرئيسى : ك 16 طريق مصر اسكندرية الزراعى - ت: 42157629 -0122386823
مصر الجديدة: جسر السويس امام سوق القنال - ت: 26982975 - 0121036730
فرع بيع قطع الغيار : شارع السودان - الكيت كات - ت: 3057640
===================================
مراكز الخدمة المعتمدة :
شركة الرواس: ك 12 طريق مصر اسكندرية الزراعى - ت: 42151570
12 عبد الخالق ثروت - ت: 25758130
5 شارع النيل - المهندسين - ت: 3472396
===================================
مراكز الخدمة السريعة:
محطة موبيل المعادى: شارع 9 - ت: 23581857
محطة موبيل خلف مساكن شيراتون -
22671431

This image has been resized. Click this bar to view the full image. The original image is sized 768x1181 and weights 230KB.

[mahmoudzaied]

انا سألت فى التوكيل قبل كدة وطلعت غاااااااااااااااااااالية جدا جدا
كانت ب 1000 وشوية حوالى 1700
شوف فى التوفيقية او اى حتة تانية
واسال تانى فى التوكيل
ولول جبت ابقى قولى لانى عايز اجيب بصراحة

[M.Nasr]

اول مرة اسمع ان فيه لانسر ايا كانت بتنزل من غير مخدع بين الكرسيين انا كان معايا لانسر 1300 مانيوال 2002 وكان فيها المخدع والطفاية اللى ورا و99 % من اللانسر اللى شفتها كانت فيها مخدع

[Oushy]

اول مرة اسمع ان فيه لانسر ايا كانت بتنزل من غير مخدع بين الكرسيين انا كان معايا لانسر 1300 مانيوال 2002 وكان فيها المخدع والطفاية اللى ورا و99 % من اللانسر اللى شفتها كانت فيها مخدع

مااهي فيها كونسول فعلا شبه بتاع ال 1600 بالظبط بس في اخرو في علبه كده دي مش موجوده عندنا الي هي بتبقي طالعه لفوق سنه وممكن تسند ايدك عليها وبيكون ليها غطا بيترفع كده لاكن ال 1300 عندنا مافيهاش العلبه دي ولا الطفايه الي ورا

[Oushy]

انا سألت فى التوكيل قبل كدة وطلعت غاااااااااااااااااااالية جدا جدا
كانت ب 1000 وشوية حوالى 1700
شوف فى التوفيقية او اى حتة تانية
واسال تانى فى التوكيل
ولول جبت ابقى قولى لانى عايز اجيب بصراحة

أنت خضتني علي فكره من السعر الغريب ده
عمتا هحاول أنشاء الله أسأل عليها قريب كده في التوكيل ونشوف وصلت لكام دلوقتي وهحاول أشوف في الأستيراد كده ممكن تكون بسعر كويس

[mohamedway]

إنزل الحرفيين هتلاقى لانسر كتير جدا متقطع إستعمال خارج و هتلاقى فيها كل اللى ممكن تتخيله و كماليات مش نازله فى مصر ولا الخليج كمان............تفاوض مع البائع و فك الجزء اللى انت عاوزه من العربيه اللى تعجبك............هو ده الحل الوحيد.

[أبو إياد]

معلش ياجماعه انى ماشتركتش معاكم فى الموضوع من الاول اصل العنوان ملوش علاقه بالموضوع مع احترامى لصاحب الموضوع
المهم
انا كنت بعانى من الموضوع ده لحد ما توصلت انى اشترى المخدع استيراد من الحرفيين وبعد فصال شديد
وصل سعره لـ 400 جنيه بالعافيه وده لعدم توافره فى محلات قطع الغيار فمافيش ادامك غير حل من التلاته
ا - تشتريه من التوكيل بحوالى 1000 واكتر
2- تشتريه استيراد بحوالى 400 والحاله انت وحظك
3- انك ترضى بنصيبك وتسيب العربيه زى ما هى

[salehgharib]

هذا يعتمد على كماليات السيارة وليس مصرى او خليجى
إذا كانت السيارة Glx لازم يكون فيها مخدع بين الكرسيين والكنبة وظهر الكنبة بيفتح على الشنطة
أما لو Gl مفيهاش الكلام ده

وعندى نصيحة لو العربية مفيهاش بلاش تركب فيها مخادع خلى كل حاجة على طبيعتها أحسن

وطبعا لو ركبت الأصلى أكيد غالية جدا