صوت الموتور

[hmostafaahm]

انا عربيتى لانسر 1600 اوتوماتيك وعاملة لحد دلوقتي 700 كيلو وماشى بالراحة وعلى مهلى علشان لحد ما اعمل 1000 كيلو وصيانة الألف ان شاء الله لكن لاحظت حاجة واعتقد انها عادية ولكن بما ان الهدف من المنتدى هنا هو تبادل الخبرات والتجارب فانا كنت عايز رايكم فيها بحس كتير ان صوت الموتور على وبحس بيه اكتر لو قفلت الإزاز وانا جوة العربية مع الهدوء بحس بصوت الموتور هل ده عادى ولا المفروض ان الموتور صوته واطى مش يتسمع يعنى انا اعرف مثلا عربيات زى الهوندا الواحد ميعرفش اذا كانت دايرة ولا مبطلة لان صوت الموتور واطى اوىى فيا ريت كل واحد يقولى هو حاسس بايه فى صوت الموتور ده
كمان فى صوت تانى بيطلع من فردة الكاوتس الشمال اللى ورا اعتقد انها هتطلع زلطه رشقت فى الكاوتش لان الصوت ده بيسرع مع سرعة العربية مش كده ولا ايه

[أبو_حمزة]

عادى جدا
لانسر أقل نعومة من هوندا و طبيعى جدا تسمع صوت الموتور على السلانسيه لو الدنيا هدوء
كمان حاجة تانية الدركسيون أتقل من باقى اليابانى بس دى عند البعض ميزة

[hmostafaahm]

متشكر اوى على الرد

[mohaismail]

امال هتعمل ايه لو ركبت نيسان صنى اللى معايا الموتور صوته عالى جدا والعربية 2007 جايبها زيرو برضه بس اعتقد ان شكمان عربيتى فيه حاجة لانى اخدت مطبين جامد اوى واعتقد الشكمان اتأثر وهوه اللى معلى الصوت على العموم هروح التوكيل واشوف الشكمان فيه ايه وربنا يباركلك فى عربيتك

[hazem_khidr]

صوت العربيه لسه حينعم انت لسه في مرحله التليين وكل ما تمشي بالعربيه حتلاقي العربيه بقت اهدأ و ان شاء الله بعد صيانه الالف كيلو حيظبطو الموتور و تبقي تمام ان شاء الله.
بالنسبه للصوت حاول ترفع العربيه و اتفرج علي الفرده كويس و حاول تحسس عليها بايدك و شوف لو في زلطه او حاجه شيلها و لو مكانها خرم روح لبتاع الكاوتش و خليه يلحمه

[hmostafaahm]

الف شكر يا استاذ حازم على ردك واهتمامك بس كنت عايز اعرف حاجة لمعلوماتى يعنى ايه عضو ذهبي هو طبعا كلام حضرتك من ذهب واحنا كلنا متفقين على ذلك ولا ايه

[أبوسيف]

العضو اللى مشاركاته بتعدى ال 1000 بياخد لقب عضو ذهبى ، وحازم من أكتر الناس مشاركة فى المنتدى وبصراحة مشاركاته كلها جميلة ومفيدة وعمره ما بيبخل على حد بمعلومة ، ربنا يكرمه. :)

[Dr Ahmed]

صوت الموتور عندى مش مسموع إلا لو دست بنزين ، غالبا الصوت اللى حضرتك بتسمعه صوت احتكاك الكاوتش بالأسفلت التعبان بتاعنا ، أنا كنت فاكره صوت الموتور لحد ما تأكدت إنه مش من الموتور خالص ، وهتاخد وقت بسيط على ما تعرف تميز صوت الموتور من صوت الكاوتش.

[hazem_khidr]

الف شكر يا استاذ حازم على ردك واهتمامك بس كنت عايز اعرف حاجة لمعلوماتى يعنى ايه عضو ذهبي هو طبعا كلام حضرتك من ذهب واحنا كلنا متفقين على ذلك ولا ايه

العفو علي ايه يا باشا دا اقل حاجه و حكايه عضو ذهبي دي زي ما الاخ العزيز ابو سيف قالك بالضبط.

العضو اللى مشاركاته بتعدى ال 1000 بياخد لقب عضو ذهبى ، وحازم من أكتر الناس مشاركة فى المنتدى وبصراحة مشاركاته كلها جميلة ومفيدة وعمره ما بيبخل على حد بمعلومة ، ربنا يكرمه

ربنا يكرمك و م انتحرمش من زوقك ابدا :)

[Dr Ahmed]

عضو سوبر = أكتر من ألف مشاركة

عضو ذهبى = أكتر من ألفين مشاركة

[actronx]

هو صوت الماتور بتاع اللانسر عموما متهيالي اعلي من الطبيعي شويه خصوصا اما يكون الار بي ام فوق ال 3 ...

[hmostafaahm]

شكرا يا جماعة على الردود والإيضاحات

[عمرو عبيد]

انا عربيتى لانسر 1600 اوتوماتيك خليجى و لاحظت ان مع استخدام بنزين 92 صوت الموتور بيعلى و اداءة بيقل اما فى حالة استخدام بنزين 95 الصوت بيقل جدا و اداء العربية ممتاز

[M.Nasr]

انا لاحظت عندى نفس مشكلة الصوت العالى ده مع العلم ان عربيتى 1600 خليجى صوت الموتور على طول عالى

[makram555]

انا كان عندى عربية لانسر 2001 قعدت معايا 5سنين لا اسمع لها صوت موتور مطلقا لدرجة كنت لا اعرف انكانت دايرة ولا مبطلة فارجو الكشف عليها