عايزين نشوف حل للرادار ....

[actronx]

يا جماعه عايزين نشوف حل للرادار الموجود على الطريق .. وهدفنا هيكون ك التالي
- مش عايزين نشوش على الرادار او منتكشفش منه
- كل الي عايزينه ان احنا بس نوصل لجهاز كاشف الرادار من بعد 500 متر لحد كيلو مثلا عشان يحذرنا واحنا نهدي السرعه لحد منعدي المنطقه الخطر..

بس ف لو حد عنده جهاز شغال كده يفيدنا ب المعلومات واعتقد ان اجهزه كشف الرادار دي مش ممنوعه .. لانها بتنزل ف انوع عربيات معينه على حسب ماعرف ...

[Hossam_Hassan]

الحل هو اننا نمشى على 100 بس مش علشان الرادار، لكن علشان مصلحتنا و مصلحة من يحبنا و صدقنى مش هيفرق فى المشوار كتير.

الحل الأسهل ليس دائما الحل الأمثل

[memo_hefnawy]

الموضوع ده عشان تعمله لازم نعرف أجهزة الرادار المستخدمة فى مصر نوعها إيه و بالتالى نعرف الترددات المستخدمة

و بالتالى نبعت نجيب من بره الكاشف بتاعها

غير كده هايكون صعب

[memo_hefnawy]

حسام باشا كلامك سليم 100% بس أنا المرة الوحيدة إللى رخصتى إتسحبت فيها مسحوبة على الزراعى على 97.5

و أنا فى اليوم ده سرعتى مش زادت عن 85 !!!!!!!!!!!! جابوا منين ال 97.5 دى ؟؟؟؟ لأ و نص ؟؟ قال يعنى الدقة واخده حقها معاهم أوى ؟؟؟؟

[actronx]

انا مش بقول كده عشان نجري ونمشي 180 ف طريق لايسمح بسرعه اكتر من 100 مثلا !
لا انا قصدي ان بتوع الرادار و المرور بيستعبطو ... انا على طول ف سفري بجري بسرعه و ف حياتي كلها اتسحبت من الرخصه مرتين مره على سرعه 92 على طريق اكتوبر و التانيه 112 على اسكندريه الصحراوي ! يعني الموضوع مش مستاهل لكن اما نعرف ان في رادار قبلها نهدي السرعه تحت المسوحه بيه احتياطيا ...

بالنسبة لاجهزه كشف الرادار في منها انواع واغلبها دلوقتي بيشتغل على كل اجهزه الرادار الموجوده ف العالم يعني بيغطي كل بانداتها الامريكي و اليابناي والاوروبي .. بس الفكره انا بسال بس لو حد جرب نوع معين واشتغل معاه هنا كويس ؟

[Hossam_Hassan]

عندك حق، أنا كمان اتسحبت رخصتى على سرعة 103 على طريق الفيوم علشان مبظبطش الأمناء (قال أمناء قال)

[hamada2010]

انا معاك لو فى جهاز كاشف الرادار اول واحد اشتريه حكون معاك يا باشا

بس مين يدلنا عليهم وطريقهم مين

وسعرهم كام

واعتقد ان المفروض الجهاز ده يشتغل بالGPRS متصلا بال قمار الصناعية وهو لسه

مفيش فى مصر الخدمه دى على ما اعتقد مش زى الخليخ

احنا متأخرين جدا مش عن اوروبا وامريكا لا وعن الخليخ كمان

[Karim_Monir]

المشكلة انه بيشتغل على كل التردداات
تعدي من جنب مطار يخوتك قاعدة عسكرية يقعد يزمر
حتي ترددات شبكات المحمولة خاصة ال 3.5 والجيل الربع انسى
انا كان معايا في السفر ووكي توكي مداه 5 كيلو تحفة ماركة يوني دين الامريكي كل شوية نلقط تردد شرطة وهما بيبلغوا بعض ونلاقي حد يقولنا اخجوا برة التردد
:mrgreen: :mrgreen: :mrgreen: :mrgreen: :mrgreen: :mrgreen: :mrgreen: :mrgreen: :mrgreen: :mrgreen: :mrgreen: :mrgreen: :mrgreen:

المهم يا جماعة هو لازمتة ايه بس كاشف الرادار انتم عايزين تمشوا بسرعة ليه
وراكم ايه يعني :mrgreen: :mrgreen: :mrgreen: :mrgreen: :mrgreen:
نصيحة لكل اللي عايز يمشي بسرعة امشي بالليل
اول الرادار الساعة 8 صباحا واخرة صيفا 7 مساء وشتاء 4
تركب زينون وتعيش

[hamada2010]

ووكي توكي مداه 5 كيلو تحفة ماركة يوني دين الامريكي كل شوية نلقط تردد شرطة وهما بيبلغوا بعض ونلاقي حد يقولنا اخجوا برة التردد


مينفعش داه يبقى رادار قولى جبته منين وبكام واه هو الووكى تووكى اصلا .هههه. معلش اخوك مالوش فى المسائل

[actronx]

كاشف الرادار ببساطه هو جهاز بيركب علىطابلوه العربيه وحجمه صغير بينور او يدي صوت متقطع لما يحس ب اشاره الرادار ....لان مبدا عمل الرادار انه بيبعت اشاره بتخبط ف جسم العربيه وترجعله تاني ف يعرف سرعه العربيه منها ف الجهاز ده بيستقبل تردد الاشاره دي من بعيد قوي وهي ضعيفه جدا ويحذرك ف تمشي براحه لحد م التحذير ينتهي وبس ده كل الموضوع

[Karim_Monir]

ووكي توكي مداه 5 كيلو تحفة ماركة يوني دين الامريكي كل شوية نلقط تردد شرطة وهما بيبلغوا بعض ونلاقي حد يقولنا اخجوا برة التردد


مينفعش داه يبقى رادار قولى جبته منين وبكام واه هو الووكى تووكى اصلا .هههه. معلش اخوك مالوش فى المسائل

الوكي توكي ده جهاز لاسلكي من عدتين او تلاته بينفع موت في الرحلات والسفاري او لما تنزل البحر
كدة
العادي بيغطي 300 متر
وكيلو في المفتوح
ده جايبة مداه في المفتوح 5 كيلو
روعة علي الطريق خاصة نعرف بعدنا عن بعض ولا لاء ونسلي بعض علي الطريق ولو حد عطل التاني يرجعلة بدل الموبيلات
موجود في راديو شاك يبتدي من 400 جنية وانت طالع
المدي الجامد ده ممنوع دخولة اصلا عشان بيلقط ترددادت الشرطة وكدة
في الاخر مش بتاعي بتاع صاحبي اللي كان معايا
:lol: :lol: :lol: :lol: :lol: :lol: :lol:

[hazem_khidr]

علي فكره اي جهاز بيكشف الرادار و بيتمسك دي بتعتبر جنحه و ليها عقاب بس انا مش فاكره .
قريته مره في كتاب قانون بتاع واحد قريبي بس الكلام دا من عر سنسن.
القانون المصري مش سايب حاجه للظروف يا خوانا :D

[hmostafaahm]

يا جماعة هو انتم أصلا ليه عايزين تكشفوا الرادار يعنى الربع ساعة اللى انت هتوفرها تساوى الخطر اللى انت بتتعرض ليه من السرعة الزيادة صدقونى الالتزام بالسرعات المقررة طريقك للسفر الأمن انا ساكن فى 6 اكتوبر وشوفت حوادث على المحور الواحد يقول مش هازيد ابدا عن 80 كيلو فى الساعة ، يا ريت تعتبروا المشاركة دى منى نداء لكل قائدى السيارات فى مصر بالألتزام بالسرعات المقررة لتدنية المخاطر اللى انت بتتعرض ليها وتعرض غيرك معاك

[sab3aawy]

جميع مخالفات قانون المرور يعاقب عليها بغرامات مالية او إيقاف رخصة القيادة لفترة معينة او دائمة وإعادة الترخيص

ماعدا مخالفتين:

1-القيادة فى حالة سكر

2-حيازة اجهزة كاشفة للرادار

يعاقب عليهما بالحبس

حبسسسسسسسسسسسسسسسسس

يعنى حجز مع المجرمين والعصبجية وتحت رحمة عسكرى شرطة جاهل ومصاب بعقدة النقص

إذا كان حد فيكم عنده استعداد ياخد المخاطرة دى هو حر

[hmostafaahm]

هى مخاطرة الحبس دى مخاطرة كبيرة يا باشمهندس لكن تعمل ايه دى ناس بتخاطر بحياتها وتمشى على سرعات عالية يعنى بيخاطر بحياته كلها مش مجرد انه يتبهدل كم يوم فى الحبس، عموما انا بقترح على إدارة المنتدى انها تعمل على دعم أعضاء المنتدى اللى هيتحبسوا من جراء حيازة اجهزة كاشف الرادار بتوفير عيش وحلاوة ليهم .