تنصحوني بإيه ؟؟

[إسلام شاهين]

أنا لما جبت العربية غيرت زيت عند الألف كيلو الأولى وحطيت زيت شل ألترا اللي بيقعد 10000 عشرة آلاف كيلو وغيرت الفلتر وربط العفشة فسؤالي هو :-
دلوقتي العربية ماشية بالضبط 7200 سبعة آلاف ومائتان كيلو متر يعني الزيت اللي فيها ده بقاله 6200 ستة آلاف ومائتان كيلو ، طيب المفروض أو الصح يتغير على كام بالضبط علشان على الأساس ده همشي على جدول الصيانة اللي كان الأستاذ مصرواي جدا عمله فهل أخليها صيانة فردية ولا زوجية يعني أنزله على ال 10000 عشرة آلاف ولا على ال 7500 ولا 8500 ؟؟

الفكرة بس انا عايز أعرف أمشي على أنهي صيانة لأنها هي اللي هتستمر معايا على طول ؟

[محمد عز]

الاحسن ان تغير الزيت كل 5000 كليو حتى لو الزيت شكله كويس ومش اسود لان ده بيخلى الموتور احسن ويعمر

[إسلام شاهين]

يعني أفهم من كلام حضرتك إني اإير دلوقتي على طول وما أستناش ؟

يعني كده لو غيرته دلوقتي يبقى أمشي على صيانة العشرة آلاف ؟؟

[Nader]

بص يا اسلام المفروض الزيت اللي انت حطيتة دة يكمل الـ10000 يس لطبيعة شوارعنا المتخمة بالاتربة احنا بنفضل تغير الزيت بدري يعني بعد الـ8500 فكر تغيرة وطبعاً هتغير معاة فلتر برضة لان الفلاتر عموماً بتقعد 1000 +او- 10%، ولو اتاكد من الكتالوج.

[boody2]

Re: تنصحوني بإيه ؟؟

أنا لما جبت العربية غيرت زيت عند الألف كيلو الأولى وحطيت زيت شل ألترا اللي بيقعد 10000 عشرة آلاف كيلو وغيرت الفلتر وربط العفشة فسؤالي هو :-
دلوقتي العربية ماشية بالضبط 7200 سبعة آلاف ومائتان كيلو متر يعني الزيت اللي فيها ده بقاله 6200 ستة آلاف ومائتان كيلو ، طيب المفروض أو الصح يتغير على كام بالضبط علشان على الأساس ده همشي على جدول الصيانة اللي كان الأستاذ مصرواي جدا عمله فهل أخليها صيانة فردية ولا زوجية يعني أنزله على ال 10000 عشرة آلاف ولا على ال 7500 ولا 8500 ؟؟

الفكرة بس انا عايز أعرف أمشي على أنهي صيانة لأنها هي اللي هتستمر معايا على طول ؟

اسلام بيه

صباح الفل

انا بغير زيت موبيل 1 في العربية كل حوالي 7000 كم مع فلتر متسوبيشي . هو الزيت المفروض يستحمل 10000 علي كلام الشركة بس جو مصر ما ينفعشي فيه اكتر من 7000 علي شان الحار و الاشارات الكتير و التراب . انا في رئيي انك تغير الان لزينت موبيل 1 و تسيبه لحد عداد 14000 كم افضل مع عمل صيانة ال 10000 في موعدها عادي خالص بدون زيت و فلتر

[محمد عز]

الحقيقة انا قلت كده لانى لما اشتريت الانسر الوكاله هنا بتعمل صيانة مجانية لحد 20 الف كليو وهى عبارة عن صيانة
1000 كم
5000 كم
10000 كم
15000 كم
20000 كم
يعنى كل 5000 كليو وهما فى كل مرة بيغيروا الزيت والفلتر وتقريبا فى صيانة العشرة تلاف بيغيروا السفايف وتيل الفرامل
فانت خليك فى المضمون وغير كل خمسة تلاف هتريح العربية والموتور وكمان هوا مش استندر لانها بتعتمد على حاجات كتير منها حالة الطريق اللى انت ماشي عليه وانت بتشد جامد على الموتر وانت طالع ولا بتطلع وحدة وحدة

[Nader]

يعنى كل 5000 كليو وهما فى كل مرة بيغيروا الزيت والفلتر

بالنسبة للزيت لايمكن يكون زيت موبيل 1 او مثلاً شل الترا اللي ممكن يقعدوا 10000 لان لو كدة ماشتري موبيل xhp سوبر واغيرة كل 5000!! اما بالنسبة للفلتر فواضح انهم بيستنزفوك والله اعلم لان مفيش فلتر "المفروض" انة يتغير عند 5000 كيلو!! احنا اللي بنغيرة بدري لقلقنا على عربياتنا بس مش 5000 ك يعني.

[محمد عز]

بالنسبة للزيت لايمكن يكون زيت موبيل 1 او مثلاً شل الترا اللي ممكن يقعدوا 10000 لان لو كدة ماشتري موبيل xhp سوبر واغيرة كل 5000!! اما بالنسبة للفلتر فواضح انهم بيستنزفوك والله اعلم لان مفيش فلتر "المفروض" انة يتغير عند 5000 كيلو!! احنا اللي بنغيرة بدري لقلقنا على عربياتنا بس مش 5000 ك يعني.

بقلك صيانة مجانية مش يدفع فلوس

[Nader]

طيب يبقى فلوسهم كتير :D

[Powert]

لأ ياسمسم انا انصحك تغير بس بعد فطار رمضان

علشان فلوس التغير دي اكيد فلوس أكلنا :D

[hmostafaahm]

بص يا اسلام زى ما قال المهندس طارق ( مصراوى جدا ) ووفقا لكتيب دليل المالك اللى جاى مع العربية الصيانات بتكون كل 10000 كيلو وفقاً للجدول اللى عرضه المهندس طارق قبل كده فرأيى خليك على تغيير ال 10000 كيلو ، بس انا كنت عايز اسئلك انت ليه بتفضل شيل الترا عن موبيل وان رغم انى لما رحت التوكيل قالوا احنا مش بنستخدم غير موبيل

[hamada2010]

السلام عليكم

اخى وحبيبى اسلام باشا هذه نصيحة منى لك لوجه الله تعالى ومع كامل احترامى لباقى اعضاء المنتدى فأن معظم الكلام

الذى يدور غير صحيح تماما تماما .

أولا أنا ( أعوذ بالله من كلمه أنا ) مهندس وعارف كويس جدا والحمد لله بخصوص هذه الا مور .

حضرتك يا اسلام باشا غيرت زيت فى ال1000 كيلو وفلتر واضفت زيت شيل اللى بيقعد 10000 كيلو

فنصيحتى لك ابتدئ فكر فى تغييره بعد 10000 كيلو لما يخلصوا لان هذه النوعية من الزيوت مصممة لان

تكون معمرة لعمرها الا فتراضى يعنى الزيت ده عشرة يبقى يقعد عشرة واولا واخيرا ده بيعتمد على درجة

الزوجه للزيت ففى الصباح وعندما تكون السيارة بارده قم بقياش مستوى الزيت وايضا خذ بعض منه على اطراف

صوابعك بين الا بهام والسبابة واخلطهم الصابعين وفك صوابعك من بعض بهدوء وشوف مدى اللز وجة اذا كانت

جيده ووجدت قوة تماسك يبقى الزيت لسه بخيره وهكذا.

وجرب وقولى وحتلا قيه بخيره ان شاء الله.

ملحوظة

اليوم تتجه شركات السيارات العالمية بنصيحة لا صحاب سياراتها لكى يحافظوا على مواتير سياراتهم لا طول عمر ممكن

وهذه النصيحة هى 1- استخدام زيت موبيل 1 لانه مع التجارب والا بحاث ثبت انه الزيت الوحيد الذى

يستطيع ان يحافظ على اداء ماتورك ويجعله يدور فى هدوء وايضا طبقاته عندما تلتصق بالبساتم تغطيها تماما حتى مع قلته

مما يعطى وقتا اطول لا زاله الليونه
2- النصيحة الثانيه

بالنسبة للسيارات الحديثة ::: فأن اغلب شركات السيارات تنصح بتغيير الزيت موبيل 1 مش عند العشرة

لا عند 12000 كم بما يحتويه هذا الزيت من درجة لزوجة فائقة تمتد لا طول كم

ماهى خواطر تغيير الزيت عند 7000 او 8000 كم وانا ضايف مثلا موبيل 1 اللى بيقعد عشرة؟

الا جابة

الزيت الجديد يغطى الموتور والبساتم فتكون درجته حاميه على البساتم وبتقل اثناء استهلا ك الزيت

وعندما اغير فى السبعة او فى الخمسة زى ما بعض الا عضاء بيقولو

يؤ دى ذلك الى تأكل البساتم تماما وبعد كده تغنى ظلموه

لان كل شويه اجيب زيت بيقعد عشرة واغير فى السبعة معنى كده انى بجعل طبقة الزيت الجديده الحامية على البساتم عالطول

فطبعا بعد كده مش حتلا قيهم

فأنصحك بالا عتدال

ومفيش حاجة اسمها اصلا بلدنا مليانه تراب ومش عارف مليانه ايه الكلام ده كله مالوش دعوى بتغيير

الزيت خالص

ارجو ان اكون افدتك واعضاء المنتدى .. واسف عما قد بدر منى من اشياء او الفاظ ومش عايز حد يزعل منى

ان بقولكم الكلام الصح عشان تحافظوا على مواتيركم وتضمنوا اداء احسن وفعال ان شاء الله

وفى النهايه كل شخص حر بما يرتضيه ...

والسلام عليكم

[Dr Ahmed]

أولا أنا ( أعوذ بالله من كلمه أنا )

ملحوظة صغيرة خارج الموضوع:
كلمة "أنا" لا يستعاذ منها فهذا من الأخطاء الشائعة ، ولو كان يستعاذ منها لإستعاذ منها الحبيب فى حديثه حيث قال "أنا سيد ولد آدم ولا فخر" ، ولا يوجد أى دليل شرعى على سنة الاستعاذة منها كأنها منكر..
وجزاكم الله خيرا على نصيحتك لنا جميعا.

[hamada2010]

شكرا يا دكتور احمد

ورمضان كريم

[إسلام شاهين]

يعني أفهم من كلامك إني أغير على 11000 لأني حاطط الزيت بعد الأف الأولى وكده أغيره يبقى نزل على 10000 عشرة آلاف ؟؟

طيب الكلام ده على مسئوليتك يعني لو جرى حاجة للعربية بتاعتك !!!!!!!!!!!!!!!!

طبعا أنا بهزر وبشكركم كلكم بس والله إنا برضه لغاية دلوقتي مش عارف اعمل إيه وياريت الدكتور أحمد يدلي بدلوه في هذا الموضوع .

أنا غيرت لشيل " محطتش موبل 1 خالص " لأني سمعت إنه بقه مضروب :roll: :roll: :roll: