سؤال بخصوص التأمين

[nader makram]

انا عندى خبطة على طرف الباب الى قدام يمين وكنت عاوز اصالحها
فهل ينفع اصلحها تبع التأمين (مصر للتأمين) فى أى وقت والا لازم اعمل اجرءات فى الأول؟
و شكرا

[محمد أنور]

لازم الأول تروح شركة التأمين و تقدم بلاغ بالتلفيات و هينزل معاك واحد يصور العربية و بعدين تاخدها تصلحها و تجيبلهم الفاتورة الأصلية يحطوها فالملف بتاعك و بعدين تتابعهم عشان الشيك بالمبلغ اللي دفعته فالتصليح

[nader makram]

يعنى هى حوار كبير والا الموضوع سهل يعنى هياخد وقت طويل والا لأ ؟

[محمد أنور]

اه هياخد وقت .. مكدبش عليك

[General]

بس ياباشا عشان تبقى عارف بخصوص التأمين اللى كتير من الناس ماتعرفش هى بتدفعه لية التأمين الاجبارى اللى بتشطرته كل ادارات المرور فى الجمهورية وفى حاجة اسمها تأمين شامل وهو دة ان لو العربية اتخبطت منك وانت مش غلطان بتقوم بتحرير محضر بالحادثة والمهندسين بيقومة بعمل اللازم ومعرفة من المخطئ بعد كدة بتخد صورة من المحضر وتتختم بختم النسر ويكتب علية صورة طبق الاصل وتأمين دة بيكون تمنة 5000 ج فى السنة وهم بيخدوا منك العربية و بيصلحها فى التوكيل وبترجع زى ماكانت بالظبط اما التأمين الاجبارى ده بيقى حوالى 32 ج فى السنة والتأمين دة بيقى عامل زى ترخيص السلاح يعنى بالظبط عشان لوحد موت حد بية يقولة ان السلاح ( العربية ) كانت متأمن عليها واللهم ابعد عنا اى شر من السيارات

[hamada2010]

مش للدرجاتى

5000 فى السنة طبعا الكلام ده مش مظبوط خالص


التأمين الشامل على لا نسر فى سنة1300 جنيه

وغير كده يبقى نصب عشان تبقوا عارفين

الكلام ده من موظف كبير جدا ومسئول هام فى شركة مصر للتأمين

[محمد أنور]

بجد 1300 بس ؟ أنا امنت عليها ب 2000 جنيه عند المصرية للسيارات وأنا بشتريها.. دة كدة اتنصب علينا وللا اية ؟
ارجو الافادة عشان انا ناوي اجدد التأمين كمان يومين

[General]

hamada2010 الكلام ده بجد