طنبورة الكرنك...مساعدة

[Pharaoh]

يا جماعه حد يعرف ينفع اخرط الترس بتاع الكرنك على عمود الكرنك بالظبط ولا لا؟ او اضيف حاجة زى جلبه نحاس فى الترس عشان تشيل الرفة دى و بالتالى تتحل المشكله ؟؟؟
احسن انا هعيططط :K_crying[1]::K_crying[1]::K_crying[1]:

[Pharaoh]

واضح ان المشكلة كانت صعبه ومحدش متخيلها

انا قلت بردة اقولكم انا عملت اية للافادة

جبت طنبورة كرنك استيراد ب 150 ج
ترس كرنك و الوردة بتاعته ب 180 ج من منفذ بيع التوكيل فى جسر السويس
مسمار كرنك ب 50 ج من التوكيل بردة

وغيرت كله و لاخظت ان لسة فى رفه صغيرة اوى اوى
ودة طبيعى فى العربيه دى
وادينى ماشى و بجرب بس شكلها كدة خير ان شاء الله

ادعولى

[moonport]

السلام عليكم ورحمة الله وبركاته
انا عندى نفس مشكلتك دى بالظبط فى عربيتى ومش عارف اعمل ايه وحصلى تقريبا نفس اللى حصلك
طيب ايه اخر الاخبار يعنى كده خلاصث العيب اتصلح وللا ايه؟
وهل انت متأكد انى لو عملت زيك كده غيرت الطنبورة والترس والوردة والمسمار هاتتحل المشكلة اكيد وللا ممكن يكون عندى العيب من عمود الكرنك نفسه؟!!
آسف للاطالة بس ياريت ترد عليا عشان انا خلاص زهقت ومش عارف اعمل ايه ومقلق وانا ماشى بالعربية

[Pharaoh]

السلام عليكم ورحمة الله وبركاته
انا عندى نفس مشكلتك دى بالظبط فى عربيتى ومش عارف اعمل ايه وحصلى تقريبا نفس اللى حصلك
طيب ايه اخر الاخبار يعنى كده خلاصث العيب اتصلح وللا ايه؟
وهل انت متأكد انى لو عملت زيك كده غيرت الطنبورة والترس والوردة والمسمار هاتتحل المشكلة اكيد وللا ممكن يكون عندى العيب من عمود الكرنك نفسه؟!!
آسف للاطالة بس ياريت ترد عليا عشان انا خلاص زهقت ومش عارف اعمل ايه ومقلق وانا ماشى بالعربية

طبعا احسن حاجةانك تعمل الموضوع باسرع ما يمكن عشان المشكله متزدش معاك
انا غيرت الترس و الطنبورة بس مغيرتش المسمار لانه كان كويس
جبت الترس من التوكيل و الطنبورة استيراد بس هى عايزة واحد كويس عشان لما يركب الترس على الكرنك لو لقى فى بوش وهو بيركبه يبقى لازم يحط حاجة بيبنه و بين الكرنك عشان ميباش فى رفة
وبعدين بعد ما خلصت لقيت فى رفة لسة
كرهت العربيه اكتر و بقيت بعد كل مشوار اروح للميكانيكى اتاكد ان المسمار مربوط كويس
ورحت عشان اشوف عربيات تانية زيها عشان كدة كدة فى رفة فى كل العربيات دى بس لقيتها اقل من اللى عندى
رحت للراجل اللى جبت من عندة الطنبورة و قلتلته انها بايظة و بترف بردة
ادانى واحدة غيرها وركبتها و الرفة بقت بسيطة جدا جدا زى كل العربيات

نصيحتى
هات الترس و الطنبورة و المسمار من التوكيل هيعملوا 750 ج
بس دة بعد ما تفك الطنبورة وتتاكد ان مكانها متاكل والا يبقى تخليها احسن

اة
اعمل حسابك ان الاويل سيل اللى فى وش الكرنك ممكن تحتاج تغيرة
ب 40 ج فى التوكيل و ب 20 ج برة التوكيل
ومصنعيه قول فى حدود 100 ج

اى خدمة

[hishamkenawy]

عندى مشكله يا جماعه بتحصلى كل شويه كدة
عربيتى لانسر 98
بسمع صوت تكتكه فى الموتور
رحت للميكانيكى وخد باله انى لما بزود التكته بتروح
كنت بضطر ساعات امشى بيها و الصوت بيروح واول ما اقف يعلى تانى

المهم الراجل قالى طنبورة الكرنك فيها رفة
ولقى المسمار اللى ماسك فيها مش مربوط كويس
ارطنا على المسمار كويس اوى
وبعدها بكام يوم كنت ماشى مشوار 40 كم كدة و لما جيت اروح دورت لقيتها عملت كدة
غيرت السيور قلت عشان ميعاد الصيانه وارط عليها تانى
وغير حاجة زى زنبه كدة (مع العلم انها بتتربط بمسمار واحد بس والزنبه دى)
الصوت بيروح وقتها بس بلاحظ ان الرفة بتبقى لسة موجودة مش زى بقيه الطنابير اللى بتلف عليها السيور
المهم انهاردة حصل نفس الصوت وانا خايف انه وانا راجع الطنبورة دى تتفك من مكانها

حد يقولى حل نهائى اعمله؟
اغير الطنبورة؟ ولا يمكن الاكس اللى بتركب عليه الطنبورة هو اللى فيه مشكله؟

اسف للاطاله

انا عندى نفس المشكلة ياريت تقولى عاملت اية واتكلفت كام وصلحت فين والعربية عاملة اية دلوائتى وشكرا