عداوة اللانسر

[horas3000]

طبعا اكيد واخدين بالكم ان في اكتر من موضوع كل ما سيرة اللانسر تيجي تلاقي ناس كتير اكهربت و ابتدت تنشد في عيوبها و تطلع القطط الفطسانة اللي فيها.
انا بصراحة عايز اعرف ايه سر العداوة اللي بتوصل الي حد الكراهية دي لاني كمستخدم سابق ليها مش شايف ان العربية تستاهل كل كدة. و كون انها منتشرة اوي و ان في ناس شايفة ان سعرها مبالغ فيه مش اسباب مقنعة للكراهية دي كلها.

يا ريت لو حد عنده سبب مقنع و موضوعي يدلني عليه

[islamaboelnaga]

اموت و اعرف انا كمااان

[the_first_knight]

بص هقولك ... بس بصوووت واااطي عشان مفيش حد من اخوانا دول يسمعونا .

حلم معظم الشباب المصري إنه يركب عربية تكون مواصفات رياضية ( طبعا هيكون قدامه 3 عربيات عمالقة : سيفيك - لانسر - مازدا 3 )
- طبعا الغالبية بتخاف من السيفيك لأنها واخدة سمعة إن أسعار صيانتها عالية , وكمان واطية ( بقى ده كلام ؟؟؟ ) .

- المازدا 3 : ليها عشاقها بس بيخافوا برضه من موضوع التوكيل وقطع الغيار وسعر إعادة البيع .

نيجي للانسر : الغالبية بتلاقي إنها تتمتع بتصميم معقول - ارتفاع عن الأرض - سعر إعادة بيع معقول - توافر قطع الغيار ... فعشان كده الغالبية بتميل للعربية ( كل واحد بيدفع مليم في العربية وتعبان فيه ضروري يكون متأكد إن اختياره صح ... دول 160000 ألف يا جماعة مش مبلغ صغير .


ومش معنى كلامي ده إن اللانسر كاملة في كل شيئ ( أكيد في نقاط معينة ممكن ناس تعترض عليها .... )

بس من وجهة نظري إن الاعتراض يكون على فنيات العربية ( موتور السيارة - الفتيس - العفشة - الأجزاء الكهربائية - التكييف )

مع كامل احترامي :
هل في مشاكل من هذا النوع موجودة في السيفيك أو اللانسر أو المازدا 3 ؟؟؟

أعتقد الإجابة مش صعبة طبعا .................................................. .........

[NaviGator_13]

بالعكس انا شايف انها عربية محترمة وناس كتير جدا بتحيها

[Mostafa_ENG911]

بص هقولك ... بس بصوووت واااطي عشان مفيش حد من اخوانا دول يسمعونا .

حلم معظم الشباب المصري إنه يركب عربية تكون مواصفات رياضية ( طبعا هيكون قدامه 3 عربيات عمالقة : سيفيك - لانسر - مازدا 3 )
- طبعا الغالبية بتخاف من السيفيك لأنها واخدة سمعة إن أسعار صيانتها عالية , وكمان واطية ( بقى ده كلام ؟؟؟ ) .

- المازدا 3 : ليها عشاقها بس بيخافوا برضه من موضوع التوكيل وقطع الغيار وسعر إعادة البيع .

نيجي للانسر : الغالبية بتلاقي إنها تتمتع بتصميم معقول - ارتفاع عن الأرض - سعر إعادة بيع معقول - توافر قطع الغيار ... فعشان كده الغالبية بتميل للعربية ( كل واحد بيدفع مليم في العربية وتعبان فيه ضروري يكون متأكد إن اختياره صح ... دول 160000 ألف يا جماعة مش مبلغ صغير .


ومش معنى كلامي ده إن اللانسر كاملة في كل شيئ ( أكيد في نقاط معينة ممكن ناس تعترض عليها .... )

بس من وجهة نظري إن الاعتراض يكون على فنيات العربية ( موتور السيارة - الفتيس - العفشة - الأجزاء الكهربائية - التكييف )

مع كامل احترامي :
هل في مشاكل من هذا النوع موجودة في السيفيك أو اللانسر أو المازدا 3 ؟؟؟

أعتقد الإجابة مش صعبة طبعا .................................................. .........

سيدي الفارس...آسف إني اقولك إني سمعت كل كلمة قلتها...وآسف إني أقولك إن محدش ركب عربية لانسر مهما كان موديلها إلا و شكر فيها...مش يس كده...عربيه يعتمد عليها في اي وقت...بس عايزه معامله نظيفة...مينفعش تودي العربية للأسطي حمو عشان بس يعملك خدمة في العربيه..تقوم تلاقي مشاكل في العربية و تقول ده عيب...الكلام ده برده في اي عربيه محترمه...كل اللي اقدر اقوله عن العربية قد أراه عيبا هو إن كماليات العربية محتاجة تزيد مثل: parking sensors, electrical auto close side mirrors, auto smart air conditioner...etc

[EslaM_NagY]

لو بتتكلموا على الشارك فانا شايف انها متستهلش الفلوس الى تتدفع فيها - منظر فقط.

لو بتتكلموا على البومة طب ما انا بنفس سعرها اجيب اللانترا او تيدا برقبة البومة.

الناس الى بتشترى بومة بتفكر انها يبانى يعنى ملهاش عيوب وزى الجنيه الدهب - بس بنظرة تانية طب ما كل العربيات فى نفس الفئة دى كدة اشمعنى دى الى الناس بتتهافت على شراءها ؟؟؟؟


زماااااااااااااان مكنش فى غير اللانسر عشان كدة الناس اشترتها عشان مكنش فى إختيارات جيدة غيرها.

انما النهاردة لو عملوا عرض اشترى قلم رصاص وخد بومة 1600 هدية مش حخدها.



دا اليابانين بطلوا يركبوهااااااااااااااااا

[horas3000]

كل اللي اقدر اقوله عن العربية قد أراه عيبا هو إن كماليات العربية محتاجة تزيد مثل: Parking sensors, electrical auto close side mirrors, auto smart air conditioner...etc

من حيث النقطة انا متفق معاك جزئيا لان الفئة اللي بتجلنا من اللانسر تعبر اول فئة مع كل المكاليات اللي فيها و انا بحكم اني في الخليج شفت و ركبت ال gt و احب اقول انها حاجة تانية و فيها كماليات اكتر من اللي بتجلنا في مصر ده حتي ال 1500 الخليجي كماليتها اكتر من المصري و انا بصراحة بلوم التوكيل في النقطة دي

بص هقولك ... بس بصوووت واااطي عشان مفيش حد من اخوانا دول يسمعونا .

حلم معظم الشباب المصري إنه يركب عربية تكون مواصفات رياضية ( طبعا هيكون قدامه 3 عربيات عمالقة : سيفيك - لانسر - مازدا 3 )
- طبعا الغالبية بتخاف من السيفيك لأنها واخدة سمعة إن أسعار صيانتها عالية , وكمان واطية ( بقى ده كلام ؟؟؟ ) .
- المازدا 3 : ليها عشاقها بس بيخافوا برضه من موضوع التوكيل وقطع الغيار وسعر إعادة البيع .

نيجي للانسر : الغالبية بتلاقي إنها تتمتع بتصميم معقول - ارتفاع عن الأرض - سعر إعادة بيع معقول - توافر قطع الغيار ... فعشان كده الغالبية بتميل للعربية ( كل واحد بيدفع مليم في العربية وتعبان فيه ضروري يكون متأكد إن اختياره صح ... دول 160000 ألف يا جماعة مش مبلغ صغير .
ومش معنى كلامي ده إن اللانسر كاملة في كل شيئ ( أكيد في نقاط معينة ممكن ناس تعترض عليها .... )
بس من وجهة نظري إن الاعتراض يكون على فنيات العربية ( موتور السيارة - الفتيس - العفشة - الأجزاء الكهربائية - التكييف )
مع كامل احترامي :
هل في مشاكل من هذا النوع موجودة في السيفيك أو اللانسر أو المازدا 3 ؟؟؟
أعتقد الإجابة مش صعبة طبعا .................................................. .........

انا يا باشا قرات المداخلة بتاعتك فوق ال 5 مرات عشان اعرف انت مع و لا ضد اللانسر بس في الاخر استنتجت انك معاها. بص الكمال لله وحدة و مفيش عربية ما فيهاش عيوب و حتي لو ربنا وفق و العربية الكاملة اتعملت اكيييد مش هتبقي في الفئة بتاعت اللانسر و السيفك و ال 3 . انا مش ضد ان الواحد يبين عيوب اي عربية بس لازم يكون بموضوعية و عن تجربة. لكن انا بكلم عن الناس اللي بتنقد و خلاص و كل معلوماتة من السمع و الاشاعات و المشكلة انو بيستميت عشان يثبت وجهة النظر ده.


في الاخر اللي قبلنا قالو لولا اختلاف الاذواق لبارت السلع و اللي مش عاجباة عربية ميجبهاش و اللي جابها و معجبتوش دي مشكلتك كان لازم تتحري من الاول و عموما ملحوقة ربنا يسهلك في بيعها لكن الدخول في جدلات ملوش لازمة و في الاول و الاخر دول شوية حديد لا راحم و لا جم و لا اية

[akram2010]

طبعا اكيد واخدين بالكم ان في اكتر من موضوع كل ما سيرة اللانسر تيجي تلاقي ناس كتير اكهربت و ابتدت تنشد في عيوبها و تطلع القطط الفطسانة اللي فيها.
انا بصراحة عايز اعرف ايه سر العداوة اللي بتوصل الي حد الكراهية دي لاني كمستخدم سابق ليها مش شايف ان العربية تستاهل كل كدة. و كون انها منتشرة اوي و ان في ناس شايفة ان سعرها مبالغ فيه مش اسباب مقنعة للكراهية دي كلها.

يا ريت لو حد عنده سبب مقنع و موضوعي يدلني عليه

اللانسر من اجود سيارات السوق ولاتزال يا عزيزى .. فالمصرى ماله عزيز عليه ويحب لما يشترى حاجه يشتريها مرة وينساها ومش فاضى لسكك توكيلات وقطع توكيلات يعنى عندة فاتورة اولويات اهم من العربيه ولذلك اللانسر واحدة من السيارات التى نجحت فى تحقيق هذا الهدف .. الكلام دة حقيقى

[horas3000]

لو بتتكلموا على الشارك فانا شايف انها متستهلش الفلوس الى تتدفع فيها - منظر فقط.
احب اعرف رايك ده مبني علي اي اساس و اللي جابوها دول مغفلين يعني؟؟ كلامك مش منطقي و مش موضوعي

لو بتتكلموا على البومة طب ما انا بنفس سعرها اجيب اللانترا او تيدا برقبة البومة.
انت حر في اختيارك محدش هيغصب عليك حاجة
الناس الى بتشترى بومة بتفكر انها يبانى يعنى ملهاش عيوب وزى الجنيه الدهب - بس بنظرة تانية طب ما كل العربيات فى نفس الفئة دى كدة اشمعنى دى الى الناس بتتهافت على شراءها ؟؟؟؟
محدش قال ان العربية ما فيهاش عيوب. (هاتلي عربة ما فيهاش عيب) و زي ما انت حر الناس دي برضة حرة في اختيارها و ده اقتناعهم و محدش ضربهم علي اديهم.

زماااااااااااااان مكنش فى غير اللانسر عشان كدة الناس اشترتها عشان مكنش فى إختيارات جيدة غيرها. انما النهاردة لو عملوا عرض اشترى قلم رصاص وخد بومة 1600 هدية مش حخدها.
مين قال كدة هي السيفك و الكرولا و المازدا (323 سابقا) دول معمولين امبارح مهو طول عمرهم موجودين و الناس كانت بتشتريهم. و يا سيدي لتاني مرة انت حر محدش هيغصبك علي حاجة و لو حد اداهلك هدية قولي و انا هاخدها منك و هديلك قلم رصاص تاني بدالها
دا اليابانين بطلوا يركبوهااااااااااااااااا
و هيركبوها ليه منعدهم اللي احسن منها مليون مرة و برضة هما احرررررار

بعد ما جاوبت علي استفساراتك اسمحلي اسالك حضرتك عندك لانسر عشان تكون عنها الراي ده.
و هفترض انك تعرف حد عنده اللانسر و قالك الكلام ده يا تري مسالتوش جابها ليه و هل بعد ما اشتكي منها بعها و لا و هل ده دافع مقنع انك تبني رايك عليه؟؟؟؟

يا ريت يا جماعة اللي ينقد في اي حاجة يكون كلامة علي اساس سليم و بلاش التعصب الاعمي و الحجر علي الاراء اللي احنا فيه ده.

[MAX_PIN]

هل الأنتشار لأى عربيه يكون عيب؟؟؟؟؟؟؟؟
الناس عاوزه لما الواحد يجيب عربيه
مايشوفش واحده زيها فى الشارع نهائى
عشان يقولك اصل انا بحب التميز
مدام بتحب التميز عندك خمس تلاف عربيه غير اللانسر وسيب اللانسر للناس العمليه الناس الى مش فاضيه كل شوية والتانى افتح الكبوت وغير ده وشيل ده وارفعها وربط و...........!!!
أنا لما اشتريت اللانسر عشان معجب بأدائها فى أصعب الظروف
وهى ظروف الصعيد لأن الطرق صعبه والجو أشد من جو المحافظات
الشماليه وبالرغم من كده اللانسر مااستسلمتش للظروف ديه عكس
عربيات لاداعى لذكرها لحسن الحرب العالميه العاشرة تقوم
ومحدش سأل ليه اللانسر عربيه مفضله عند اصحاب معارض تأجير السيارات؟
هل عشان هوا محتاج عربيه كل واحد يخدها
تعطل بيه ويجبهالوه بايظه وصاحب
المعرض يكع مصاريف بالهبل فى تصليح العربيه؟؟؟؟؟؟

ده رأيى الشخصى...شكرا

[Haitham10]

لو بتتكلموا على الشارك فانا شايف انها متستهلش الفلوس الى تتدفع فيها - منظر فقط.

لو بتتكلموا على البومة طب ما انا بنفس سعرها اجيب اللانترا او تيدا برقبة البومة.

الناس الى بتشترى بومة بتفكر انها يبانى يعنى ملهاش عيوب وزى الجنيه الدهب - بس بنظرة تانية طب ما كل العربيات فى نفس الفئة دى كدة اشمعنى دى الى الناس بتتهافت على شراءها ؟؟؟؟


زماااااااااااااان مكنش فى غير اللانسر عشان كدة الناس اشترتها عشان مكنش فى إختيارات جيدة غيرها.

انما النهاردة لو عملوا عرض اشترى قلم رصاص وخد بومة 1600 هدية مش حخدها.



دا اليابانين بطلوا يركبوهااااااااااااااااا

كلمة زمان دى امتي قبل القرن ال19 مثلا ؟ ولا لما نزل مصر عربيتين كانوا
128
لانسر

بالمناسبة انا مبحبش اللانسر بس لاسباب غير كل الناس وانا مازلت بركبها وكان عندي واحدة لكن علشان تقول تجيب النترا او تيدا برقبتها متهيقلي دة رأيك لوحدك ورقبتك لوحدك برضه والحكايه مش هتقف علي رأي ولا اتنين سوق ماشي غصب عني وعنك لان دة واقع الكلام ملوش لازمة ولا فايدة والواقع هو الي ممكن نتكلم عليه لما تعطل او تحب تبيع او تشتري او ليل نهار تقف جنبها ابقي اتكلم وقول برقبتها وبرقبة العصافير كمان

معلش ياجماعة اتخنقت بجد انا مبحبش اساسا شكل البومة بجد ولا شكل التابلوه من جوه تماما ولا حابب صوت الموتور لما بيكون عالي شوية عشان العزل بس مش كل حاجة الواحد مبيبحبهاش يبقي خلاص العربيه فرامل وعزم وموتور قليل الاعطال ومعمره دي خلاصه الكلام انا حاسس المنتدى هيبقي خناقة بسبب الموضوع دة
اديني بعتها ومقضيها موتورجل مصري ولا ياباني ولا كوري ولا هندي

[akram2010]

اركب القرش ودلع نفسك سيارة حكايه

[Mostafa_ENG911]

لو بتتكلموا على الشارك فانا شايف انها متستهلش الفلوس الى تتدفع فيها - منظر فقط.

لو بتتكلموا على البومة طب ما انا بنفس سعرها اجيب اللانترا او تيدا برقبة البومة.

الناس الى بتشترى بومة بتفكر انها يبانى يعنى ملهاش عيوب وزى الجنيه الدهب - بس بنظرة تانية طب ما كل العربيات فى نفس الفئة دى كدة اشمعنى دى الى الناس بتتهافت على شراءها ؟؟؟؟


زماااااااااااااان مكنش فى غير اللانسر عشان كدة الناس اشترتها عشان مكنش فى إختيارات جيدة غيرها.

انما النهاردة لو عملوا عرض اشترى قلم رصاص وخد بومة 1600 هدية مش حخدها.



دا اليابانين بطلوا يركبوهااااااااااااااااا

بص يا أستاذي.....الشارك اللي بتنزل مصر للاسف(و ربنا يسامح التوكيل) للاسف اقل من اقل فئة من العربيه اللي بتنتجها الشركة الأم بس العربية دي ناجحة جدا بره بدليل انها كانت من أقوي العربيات المرشحة لتكون (Car of the year 2008) لفئه السيارات الCompact sedan واللي مترحش لهل اصلا اللالنترا ولا التيدا اللي بتقول عليها( ولا حتي الصني اللي بتنزل بره بأسم سنترا)
و موضوع شعبية العربيه دي في الخارج....علي الأقل بص علي الyahoo auto حتلاقي الإجابه.
نسيت كمان...خش علي التقييم اللي موجود في top gear حتلاقي اجابة مذذذذذذهله
بالنسبه للبوما يكفي ان موتور السياره من اقوي مواتير الفئه دي في مصر(إذا ما كنش الأقوي) و صندوق تروس فئة CVT اللي بيحقق اعلي تحميل مع اقل استهلاك للوقود لان مافيش فاقد للطاقه عند تغيير نسبة الدوران (نقل التروس يعني) مش بس كده...التسارع بتاعه من صفر الي مئة كلم/س في 10.8 ثانية (بيانات المصنع)...ممكن تلاقي مواضيع عن المقارنات من هذا النوع في "سبور أوتو"
الحاجه الوحيده بس اللي ممكن تبقي مقبولة ان السيارات دي ازواق...زي الستات...واحد بيحب البيضاء و واحد بيحب السمراء.....وواحد بيحب الصلعاء....و يجعله عامر

[hamada2010]

لو بتتكلموا على الشارك فانا شايف انها متستهلش الفلوس الى تتدفع فيها - منظر فقط.

لو بتتكلموا على البومة طب ما انا بنفس سعرها اجيب اللانترا او تيدا برقبة البومة.

الناس الى بتشترى بومة بتفكر انها يبانى يعنى ملهاش عيوب وزى الجنيه الدهب - بس بنظرة تانية طب ما كل العربيات فى نفس الفئة دى كدة اشمعنى دى الى الناس بتتهافت على شراءها ؟؟؟؟


زماااااااااااااان مكنش فى غير اللانسر عشان كدة الناس اشترتها عشان مكنش فى إختيارات جيدة غيرها.

انما النهاردة لو عملوا عرض اشترى قلم رصاص وخد بومة 1600 هدية مش حخدها.



دا اليابانين بطلوا يركبوهااااااااااااااااا

انت باين عليك اساسا هتموووت وتجيب واحده ومش عارف ههههههههههههههههههههههههههه

ربنا ينولهالك وتا خدها على القلم الرصاص عشان ساعتها هتعرف يعنى اييه لانسر ههههههههههههه

[Dr.SherifMansy]

كل واحد حر فى رأيه و الناس اللى بتكره (مش هاقول "مش بتحب" لأن الحكاية حاسس انها اكبر من كده) اللانسر حرة فى آرائها و لكن بعض نقاط التوضيح بعد اذنكم لابد منها :

* ماحدش قال ابدا او ادعى سواء من ملاك اللانسر (و انا منهم من عام 1992 حتى الآن) او غيرهم او الوكيل او حتى المصنع ان اللانسر احسن عربية موجودة او انها مافيش زيها خالص. هى مجرد سيارة لها عيوب و مميزات و ليست عيوب فقط كما يدعى "الأخوة الأعداء". و للأسف الهجوم عليها مبنى اساسا على هذا الأدعاء مع محاولة تفنيده و لثبات انه خطأ. و لكن اصلا بتنفوا حاجة ماحدش قالها !!!

* انتشار العربية فى السوق اكبر دليل على النجاح ، لأنه ياما سمعنا عن عربيات انتشرت فى سنتها بشدة سواء للدعاية او الثمن المتدنى او.. او.. او ... و لكن سرعان ما تنكشف حقيقتها و ينتهى الأقبال عليها و لكن هناك سيارات اثبتت انها جديرة بالأقتناء على مدى تاريخ السوق المصرى و اللانسر احداهم (نذكر 128 ، بيجو 504 ، على سبيل المثال لا الحصر) ، و هذا الأنتشار ليس عيبا كما يدعى الأخوة و انما دليل نجاح (ما المرسيدس فى مصر منتشرة فهل المرسيدس كده تبقى وحشة؟؟)

* كون ان العربية ظهر بعدها تكنولوجيا اعلى فى عربيات تانية فده مش عيب فيها لأن كل وقت و له اذان ، يعنى اللى بيقارن الألنترا 2008 باللانسر البومة اللى بدأت من 2003 يبقى مقارنته غلط ، قارن لى الألنترا 2003 معاها ، او قارن الألنترا 2008 بالشارك و شوف مين هايكسب المقارنة

* سبب نجاح السيارة هو اللى خلى الموديل يستمر و ده مش عيب ، ما عندك موديلات نجحت و استمرت سنوات بدون تغيير (مثلا بيجو 405 ، و المرسيدس العيون ، استمروا فترة مش قصيرة بدون تغيير لأنهم موديلات ناجحة و مطلوبة) فهل النجاح و طلب الأستمرارية عيب ؟؟؟

* واضح جدا من العيوب اللى الناس بتقولها (ما عدا المناقشات المعقولة الموضوعية اللى بتناقش عيوب بجد) انهم بيطلبوا مواصفات فى دماغهم ما طلعتش فى اللانسر ، و قبل ما نقول ده عيب او لأ لازم نراجع اولا مواصفات العربية المذكورة فى الكتالوج (دايما باقول كده) ، و الله لو طلعت اللى انا عايزها يبقى كويس ، ماطلعتش يبقى اشوف غيرها ، لكن ماطلبش حاجات مش موجودة فيها و اقول وحشة و دى تبقى عيوب

* تانى مرة باطلب مراجعة المواصفات و لكن هنا لمطابقتها بالعربية ، و هنا سؤال مهم : هل ميتسوبيشى قالت حاجة فى الكتالوج من حيث المواصفات و الأداء و طلعت مش موجودة فى العربية ؟؟ ساعتها ده يبقى عيب و لكن الواقع ان العربية فيها كل اللى مذكور فى الكتالوج و بالتال مافيش لا غش و لا خداع و لا عيوب.

هو ده رأيى مع كامل احترامى لآراء الأخوة الأخرى سواء مع او ضد هذا الرأى