Tweet
بالرغم من انك ممكن تكون حريص جدا علي عربيتك وخصوصا لو زيرو بتبقي خايف عليها من الهوا الطاير الا انك لازم تفوق علي حاجة مهمة جدا انك مش عايش لوحدك في الدنيا دي :roll: و لازم تحط في اعتبارك ان لازم في يوم معين حييجي اللي يفوقك من الوهم اللي انت عايش فيه
اهه اليوم المعين ده كان امبارح بالنسبة لي...كنت راكن في امان الله امام محل محمد نور للنظارات اللي في شارع كنيسة الاقباط في الاسكندرية و كان امامي عربية برضه راكنة و فيه بينا يدوب مكان لعربية تركن و انا بدور العربية عشان امشي لمحت في المرايا عربية نوبيرا سوداء و داخل يركن في المساحة اللي بيني و بين العربية اللي امامي تخيلوا داخل يركن ازاي :?: :?: داخل يركن ببوز العربية و هو داخل حك في الاكصدام الامامي عندي ناحيتي ..المهم انا شايف البابين عنده بيطبقوا فقلت في سري ده زمان الاكصدام عندي ادمر خالص خصوصا و ان الفيبر مع اي خبطة بيدي صوت فظيع قوي نزلت و انا فاقد اعصابي لكن ما ارتحتش غير لما لقيت الحمد لله الاكصدام زي ما هو ما حصلهوش اي اعوجاج سوي حك جزء من البوية في الزاوية اليسري العليا من الاكصدام و اتهمت الراجل بالاستهتار خصوصا انه نزل من عربيته بدلا من ان يعتذر و ينهي الموضوع بادرني بكلمة انا حدفعلك اللي انت عايزه بعنجهية و كأنه ما عملش اي حاجة و كأن فلوسه هي اللي حتحل المشكلة اتعصبت عليه و قلتله و تدفعلي انا ليه احنا حنعمل محضر و تروح التوكيل تشوف طلباتهم ايه الي ان تدخل احد الواقفين و بصراحة قام بالواجب معاه و فهمه ان شاف الموقف كله و انه غلطان و قاله بدل ما تنزل تعتذر للراجل تقوله انا حدفعلك اللي انت عايزه هو انت بتتعامل مع عربجي و لا سواق تاكسي المهم جالي و قالي طيب حنعمل محضر و احنا في رمضان انا اسف يا سيدي فاخبرته ان اسف دي لو قلتها في اول القصة كان الموضوع انتهي و علي العموم توكل علي الله مش عايز منك حاجة
ناس كتير بقي من اللي واقفين قالولي اني غلطان كان المفروض ادفعه عشان هو غلطان و من اتلف شيء عليه اصلاحه انا اخدتها ان ده مقدر و مكتوب و الحمد لله انها جت علي قد كده
انا بقي كنت عايز اعرف الباكيتات او الجرايد اللي بتتركب علي الاكصدامات انواعها ايه و سعرها كام من اي حد مركبهم لاني امبارح اكتشفت ان دول قد ايه مهمين و بيقللوا الخساير الي حد كبير
محمد فهمي
اهه اليوم المعين ده كان امبارح بالنسبة لي...كنت راكن في امان الله امام محل محمد نور للنظارات اللي في شارع كنيسة الاقباط في الاسكندرية و كان امامي عربية برضه راكنة و فيه بينا يدوب مكان لعربية تركن و انا بدور العربية عشان امشي لمحت في المرايا عربية نوبيرا سوداء و داخل يركن في المساحة اللي بيني و بين العربية اللي امامي تخيلوا داخل يركن ازاي :?: :?: داخل يركن ببوز العربية و هو داخل حك في الاكصدام الامامي عندي ناحيتي ..المهم انا شايف البابين عنده بيطبقوا فقلت في سري ده زمان الاكصدام عندي ادمر خالص خصوصا و ان الفيبر مع اي خبطة بيدي صوت فظيع قوي نزلت و انا فاقد اعصابي لكن ما ارتحتش غير لما لقيت الحمد لله الاكصدام زي ما هو ما حصلهوش اي اعوجاج سوي حك جزء من البوية في الزاوية اليسري العليا من الاكصدام و اتهمت الراجل بالاستهتار خصوصا انه نزل من عربيته بدلا من ان يعتذر و ينهي الموضوع بادرني بكلمة انا حدفعلك اللي انت عايزه بعنجهية و كأنه ما عملش اي حاجة و كأن فلوسه هي اللي حتحل المشكلة اتعصبت عليه و قلتله و تدفعلي انا ليه احنا حنعمل محضر و تروح التوكيل تشوف طلباتهم ايه الي ان تدخل احد الواقفين و بصراحة قام بالواجب معاه و فهمه ان شاف الموقف كله و انه غلطان و قاله بدل ما تنزل تعتذر للراجل تقوله انا حدفعلك اللي انت عايزه هو انت بتتعامل مع عربجي و لا سواق تاكسي المهم جالي و قالي طيب حنعمل محضر و احنا في رمضان انا اسف يا سيدي فاخبرته ان اسف دي لو قلتها في اول القصة كان الموضوع انتهي و علي العموم توكل علي الله مش عايز منك حاجة
ناس كتير بقي من اللي واقفين قالولي اني غلطان كان المفروض ادفعه عشان هو غلطان و من اتلف شيء عليه اصلاحه انا اخدتها ان ده مقدر و مكتوب و الحمد لله انها جت علي قد كده
انا بقي كنت عايز اعرف الباكيتات او الجرايد اللي بتتركب علي الاكصدامات انواعها ايه و سعرها كام من اي حد مركبهم لاني امبارح اكتشفت ان دول قد ايه مهمين و بيقللوا الخساير الي حد كبير
محمد فهمي
Comment