التوكيل فشل في حل مشكلتي

[doctor_msg]

عندي لانسر 1600 اوتوماتيك الوكيل موديل 2007 - غيرت تيل فرامل أصلي من شهر في شركة العدوي وهي وكيل الميتسوبيشي في المنصورة - بدأت اسمع صوت معدني أمامي أثناءالدوران ببطء وعند التوقف احيانا - ذهبت للتوكيل مرة أخري فقالوا لي لازم نغير كلبسات التيل ودفعت لهم 125 جنيه - ومع ذلك الصوت لا زال موجود - بما اني مشغول جدي في عملي فأنا لم استطع الذهاب لهم مرة أخري وقدامي اكتر من أسبوع علشان أفضي أروح لهم
السؤال.....
هل فيه خطورة عليا أو علي السيارة اذا أهملت الصوت ده؟
ولكم جزيل الشكر
د/ محمد

[أبو إياد]

اكيد فى فى مشكله لكن مش خطوره عليك ولا حاجه

هو من كلامك كده ان المشكله فى التيل او التنابير

- ذهبت للتوكيل مرة أخري فقالوا لي لازم نغير كلبسات التيل ودفعت لهم 125 جنيه -

وفين الكليبسات بتاعتك الاصليه اساسا ؟؟؟؟؟؟؟؟؟؟؟؟؟؟؟؟؟

وليه تدفع 125 ج وهى بتنزل مع التيل الاصلى

وتمنهم فى التوكيل بيع فقط 68ج

[ahmedel_rayies]

عندي لانسر 1600 اوتوماتيك الوكيل موديل 2007 - غيرت تيل فرامل أصلي من شهر في شركة العدوي وهي وكيل الميتسوبيشي في المنصورة - بدأت اسمع صوت معدني أمامي أثناءالدوران ببطء وعند التوقف احيانا - ذهبت للتوكيل مرة أخري فقالوا لي لازم نغير كلبسات التيل ودفعت لهم 125 جنيه - ومع ذلك الصوت لا زال موجود - بما اني مشغول جدي في عملي فأنا لم استطع الذهاب لهم مرة أخري وقدامي اكتر من أسبوع علشان أفضي أروح لهم
السؤال.....
هل فيه خطورة عليا أو علي السيارة اذا أهملت الصوت ده؟
ولكم جزيل الشكر
د/ محمد

المشكلة دي عندي من فترة كبيرة، أنا عربيتى لانسر 2008 أوتوماتيك وإتكلمت عليها فى المركز الرئيسي فى قليوب كتيير ومازالت الموجودة

المشكلة بالظبط بسمع صوت طقطقة لما بدوس فرامل ولما أجي أشيل رجلى من على الفرامل عشان العربية تتحرك بسمع نفس الصوت أنا ماشى كدا بقالى تقريبا 40 ألف كيلو، ومفيش فايدة

م/ طارق زويل بعد السلام عليكم

بعد إذن حضرتك هل فى حل للموضوع داه؟ أنا دايما ملتزم بصيانات عربيتى فى التوكيل خاصة فرع قليوب وصوت الفرامل داه موجود بالإضافة طبعا لصوت الصفارة بتاعة التيل اللى موجودة دائما لما برجع للخلف.

[مصراوي جدا]

مدير الصيانة اكد لي ان حل مشكلة الصوت وخاصة مع الرجوع لورا هو صاجة التيل بس المهم تتأكد انها موجود في قطع الغيار لأن احيانا بتخلص وننتظر للطلبية اللي بعدها

[M.Nasr]

انا كان عندى نفس المشكلة دى بس لما كنت مركب تيل مش اصلى ولما ركبت التيل الاصلى فى التوكيل مابقاش فى طقطقة لكن فى صفارة خفيفة بس

[doctor_msg]

شكرا لمروركم جميعا. شكر خاص للمهندس طارق زويل
جزاكم الله خيرا
د/ محمد

[Abdo_Eldesokey]

عندى نفس الموضوع في التويوتا والسبب صاجة التيل زي ما بشمهندس طارق قال

بس للأسف مش موجودة في توكيل تويوتا الي عندنا في المنصورة

فماشى بيها كده ومش مأثرة في حاجة ، والواحد اتعود على الصوت خلاص