لانسر99

[temokemo]

مساء الخير علي احلي اعضاء
انا قدامي عربية لانسر موديل 99 كاملة منيوال فيريقة من الداخل والخارج عملة 19000(تسعة عشر الف كيلو فقط ) تساوي كام من وجهة نظر خيراء الانسر وخصوصيا انة طالب سعر عالي

[islamaboelnaga]

حضرتك متأكد من الكيلومتر ؟؟؟؟ لو مظبوط يبقى سعرها عالى جدا على فكره !!!!

[NaviGator_13]

بالكيلو متر دا 55 الف كويس عليها

[temokemo]

ايوة انا متاكد وهو في الحقيقة طالب سعر عالي طالب 60000الف جنية
اية رايكم يا جماعة

[NaviGator_13]

ايوة انا متاكد وهو في الحقيقة طالب سعر عالي طالب 60000الف جنية
اية رايكم يا جماعة

عالى
مش ذنبنا انه كان رافع العربية
العربية ياباشا 10 سنين فاتت
وتقريبا دا كان سعرها جديد !!!
حاول تنزل معاه شوية لو العربية عجبتك

[temokemo]

انا معك علشان كدة انا باحاول انزل في السعر علشان في الحقيقة انا شايف انة حرام ادفع 60000 الف في عربية مها كانت حالتها هية بردو عربية مستعملة والسعر مع شوية تاني يجيب حاجة زيرو بس انتم رايكم تساوي كام من الاخر لو مرتيش يبقا خالص اسيبني منها

[NaviGator_13]

55 كويس قووى لو فعلا ماشية الكيلو متر اللى انتا كاتبه

[bmya]

باشا انا ابن خالتي بايع عربيته لانسر 99 كامله اتوماتيك فبريقه دواخل اجزاء من الخارج glx ب 53000 من شهرين تقريبا كانت ماشيه 125000 وهي كده كان عليه بتاع 1500 مثلا بس عشان العربيه اول يد واستعمال نضيف جدااااا
اعتقد سعر العربيه دي لحد 56 تبقي كويسه

[Bossy_Fadl]

19 الف كيلو بس؟؟؟؟؟؟؟؟؟؟؟؟

ليه هواشتراها و نسيها؟

ياريت حضرتك توديها لحد يفهم و يعرف يفرق اذا كان العداد كان مظبوط او لا

عموما لو الكيلو متر مظبوط يبقي كويس عليها 55 او 56 الف


العربيه موديل من عشر سنين فاتوا

60 كتييييييييييير

[temokemo]

الف شكر ياجماعة علي رائكم اللي الواحد بيستفيد منة

[otefa]

باشا انا ابن خالتي بايع عربيته لانسر 99 كامله اتوماتيك فبريقه دواخل اجزاء من الخارج glx ب 53000 من شهرين تقريبا كانت ماشيه 125000 وهي كده كان عليه بتاع 1500 مثلا بس عشان العربيه اول يد واستعمال نضيف جدااااا
اعتقد سعر العربيه دي لحد 56 تبقي كويسه

انا شايف لو العربية اتباعت بالسعر ده وماشية 125000
يبقي العربية الي ماشية 19000 تستاهل ال60000 لانك بتشتري عربية بحالة الزيرو ومهما كان هاتبقي احسن من الكوري ده في راي حتي لو افترضنا انك هاتخدها اغلي من السوق 2-3 جنيه بس انتي بتشتري راحة بالك خصوصا لوحاطط في دماغك تستعملها كذا سنة

[ConDoR]

57 الف جنيه انسب واحسن سعر ليها في السوق دلوقتي بس الكريساله عربيه جميله جدا ماشاء الله وفعلا العربيه لقطه وتستاهل كانك بتشتري عربيه زيرو فعلا

[bmya]

انا شايف لو العربية اتباعت بالسعر ده وماشية 125000
يبقي العربية الي ماشية 19000 تستاهل ال60000 لانك بتشتري عربية بحالة الزيرو ومهما كان هاتبقي احسن من الكوري ده في راي حتي لو افترضنا انك هاتخدها اغلي من السوق 2-3 جنيه بس انتي بتشتري راحة بالك خصوصا لوحاطط في دماغك تستعملها كذا سنة

علي فكره ياباشا 125000 في 10 سنين مش كتير خاااااااالص ده يعتبر قليل كمان ما علينا يعني ده مش موضوعنا بس مهما كانت العربيه دي نضيفه وفلا ماشيه 19000 بس برده متزيدش عن 56000 لان السعر ده اصلا نت كده تجيب مكوه اللي هي 2001

[otefa]

معليش ياباشا لو الواحد هيشتري للاستعمال ياخذ الشكل الاجدد وماشية 90000 ولا الشكل القديم وماشية 19000!!!
بس فيه حاجة بردة رفعت العربية واستعمالها مرة في السنة لو متعملش بطريقة صح هايخلي العربية تطلع مشاكل بردة يعني العملية عايزة فحص كويس


و125000 في 10 سنين طبعا مش كثير بس لما تقارنها ب 19000

[bmya]

كلام سليم ياباشا
بس برده العربيات الجديده بتتعامل في الغالب بالموديل مش بالكيلو لان فرق السنين مش كتير
مش زي مثلا المرسيدس القديم الزلموكه والتمساحه الحاجات اللي بقالها 20 و 30 سنه الحاجات دي اللي الكيلو يفرق لان بتتكلم في عربيه بقالها ربع قرن فلما تجي وحده مديل 1985 وماشيه 90 الف تبقي لقطه فعلا لكن معلش لانسر بقالها 10 ماشيه 19000 بتمنها ممكن اجيب 2001 2002 ماشيه طبيعي مش كتيير فدي ممكن تخلي ناس كتيير تستغليها
ودي برده ازواق