للاهمية القصوى

[hazem66]

الحمد لله على كل حال ، فجأة وانا نازل يوم الجمعة الصبح فوجئت بأن زجاج سيارتى البومة 2009 الخلفى مسرطن وبلمسة واحدة انهار بالكامل
فأسأل اخواننا بالمنتدى هل من الضرورى اعادة تركيبه فى التوكيل ولو بره التوكيل يكون عند مين وممكن يتكلف كام
لكم جميعا كل التحية

[A.Saad]

ممكن يتركب عند د . جريش
مصنعه فى العاشر من رمضان
بس مش عارف يتكلف كام او ليهم موزعين هنا ولا لا
اما تختار الزجاج
بص فيه الاول اتاكد من وضوح الرؤية

[onsi]

الزجاج عند د جريش = حوالى 300 جنية انا كنت مغيرة قريب بس كان الزجاج الامامى, لكن الخلفى اعتقد انة هيكون اغللى شوية لانة زجاج حرارى
وفى نوعين كمام من الزجاج نوع سعودى مائل للاخضر ونوع صينى برضة فى نفس كفائة جريش

[emad2002]

السلام عليكم ورحمة الله
بص انا كان عندى شرخ غى الزجاج الامامى بس كان نقرة بسيطة واتعالجت والحمد للة عند د/خالد انا سالت فى المكان اللى صلحت فية الشرخ
ممكن يعالج الشرخ الطولى مثل حالتك وعرفت انه يتعالج حتى لو وصل لمتر بعرض او طول الزجاج والتكلفة بسيطة جدا وخلال 20 دقيقة تقدر تعالجة ومش حيبان على العموم لو عايز تليفوناتهم مفيش مشكلة والتكلف حتصل ال 60 جنية وضمان مدى الحياة على عيوب الاصلاح لو ظهرت بعد كدة رقم خدمة العملاء 0106316063 اتصل بيهم بس ده فرع اكتوبر هو لية فروع كتير حيقولك على اقرب فرع وده الداخلى 38365736 وهو لية فلرع فى مصر الجديدة وبيركب كمان جديد وبيعالج القديم

[مصراوي جدا]

استاذ حازم

سعر الزجاج الأصلي في التوكيل 1600 جنيه شامل ضريبة المبيعات

لو العربية متأمن عليها يبقى المفروض ان التأمين هيتحمل الفاتورة بالكامل زجاج وتركيب

ممكن تكلمهم وتاخد موافقة منهم على شراء وتركيب الزجاج في التوكيل ولو وافقوا شرفنا في اي يوم بدون حجز ويركب علطول باذن الله

[hazem66]

المهندس طارق/ لك كل التحية والتقدير على اهتمامك وسرعة استجابتك بهذا الامر ، وانا فعلا اتصلت بشركة التأمين وخلصت الاجراءات وبالفعل كما ذكرت حضرتك طلبوا منى التوجه للتوكيل واحضار فاتورة وتقديمها وسوف يقومون بصرف القيمة
لك كل التحية والتقدير،،