الي المهندس المحترم طارق زويل

[samboo]

انا قريت كتير عليك من مواضيع الاعضاء و طبعا الي قريته يقول انهم لو عملوا انتخابات في ميتسوبيشي مصر علي رئاسه مجلس الاداره هتكسبها باكتساح . دي مش مجامله والله ولكن ده رايي فيك من اراء الاعضاء بالاجماع.

انا معايا لانسر 2007 سوبر اكشن خليجي عامله 40000 كم وكنت بعمل صيانتها بره التوكيل ، وبعد ما اشتركت في المنتدي وقرأت الي الاعضاء كتبوه عنك والي انته عملته معاهم قررت اني اتجرأ واعمل الصيانه بتاعتي في التوكيل مع العلم اني من الشرقيه بس عايز اجيلك مركز الصيانه بتاعك واتعرف عليك لاني بجد نفسي اقابلك وشكرا جزيلا لك واتمني اني مااكنش طولت علي حضرتك .




عمر الطويل - الشرقيه

[مصراوي جدا]

ايه الكلام الجميل ده يا استاذ عمر .. بس كده الحاج سيد الرواس صاحب الشركة ورئيس مجلس الادارة هيرفدني

شكرا يا باشا على اطرائك وانا ما بعملش غير الواجب سواء نحو شركتي وتحسين صورتها امام الناس او نحو اي حد من الأعضاء محتاج مشورة او رد على سؤال من التوكيل

بخصوص صيانة الأربعين تشرفنا طبعا في اي وقت في مركز الخدمة الرئيسي في قليوب وحضرتك حدد بس عاوز تيجي امتى وانا احجز لك ويفضل بلاش السبت انما لو هو ده اليوم المناسب لك يبقى ممكن لكن مش السبت القادم مباشرة وتشرفنا بدري الساعة 8

[samboo]

لا والله دي مش مجامله ولا حاجه ، و انا اشكرك علي اهتمامك وان شاء الله هاجي الاسبوع ده او بالكتير الاسبوع الجاي
بس هل لازم حضرتك تحجزلي قبل ما اجي

وشكرا لزوقك كمان مره


عمر الطويل

[مصراوي جدا]

هو يفضل تحديد يوم والحجز فيه انما ممكن الحضور بدون حجز لو جيت الساعة 8 الى 9 صباحا

[samboo]

انا ان شاء الله هبلغ حضرتك اليوم الي هاجي فيه وبرضو هاجي بدري ان شاء الله الساعه 8 بس اقابلك ازاي ياريت تقولي

ولك مني جزيل الشكر لانك فعلا واجهه محترمه لشركتك


عمر الطويل

[مصراوي جدا]

حضرتك اسأل اي حد هيدلك لأن المبنى الاداري مبني واحد وادارة الكمببوتر في الدور التالت فوق واهلا بيك في اي وقت