* الكرسيتالة * vs * المكواة *

[el-shimy]

السلااااااااااااااااااااااااااااااااااام عليكم

ايه الفرق بين
الكريستالة (96-97-98-99-2000)
المكواة (2001-2002-2003)
ومين أحسن ؟

المكواة كلها برضه 1300 سى سى والاتوماتيك بتاعها سحبه تعبان زى الكريستالة

فى منها 1500 / 1600 سى سى

ممكن
يتسقط للمكواة مواتير زى الكريستالة
ولو ينفع بتبقى نفس مواتير الكريستالة ؟


مع الشكر
تقبلوا تحياتى

[MoMohsen]

انا هقولك اللى اعرفة على قد خبرتى لانى معايا مكواة 2001 وموتورها 1300 سى سى
بالنسبه للسحب مش هتحس بفرق كبير وان كان سحب الكريستاله افضل واعتقد دة عشان وزنها اخف.
بالنسبه للموتور الاتنين بينزلو مصر موتور 1300 كربرادتير ولكن ممكن تسقط للكريستاله موتور استيراد 1500 او 1600 و انا لما سألت للمكواة لقيت فيه موتور 1800 و 2000 كمان وطبعا كله انجكشن.
بالنسبه للثبات هما الاتنين تقريبا واحد.
بالنسبه للارتفاع فهو لصالح المكواه لان يعتبر العيب الوحيد فى الكريستاله انها فعلا واطيه زيادة بس طبعا دة فى صالح الثبات.
بالنسبه للصالون فصالون المكواة هو نفس صالون البومة و هو يعتبر كويس.
بالنسبه لاداء التكييف فهو رائع حتى مع موتور 1300 واكيد طبعا بيأثر على السحب.
بالنسبة لسحب البنزين فى المكواة فهو عالى شويه داخل المدينه (9كم/لتر)ولكن ممتاز على الطرق السريعة(12/كم/لتر).
بالنسبه لقطع الغيار فهى متوفرة للموديلين وان كان فى الكريستاله ارخص عشان موديل اقدم.
من الاخر العربيتين زى الفل و ان كان يعيبهم موتور 1300 كربرادتير اللى فعلا مخلى سحبهم ضعيف ومن الاخر كدة متفكرش تجيب اتوماتيك لان فعلا سحب العربيه مش مستحمل خصوصا مع التكييفز

[M.FOUAD]

الكريستالة سحبها مش تعبان و لا حاجة مش معنى انها 1300 يبقى سحبها ضعيف .
العربية سحبها و موتورها قوي جدا

[madoo_600]

الكريستاله زي الفل يا جماعه وسحبها حتى مع التكييف قشطه بس حطوا بنزين 90 مش 92 ولا تستعجبوا للاسف هي دي الحقيقه

[islamaboelnaga]

ايه الفكره من البنزين ال90 ؟؟ الطبيعى ال 92 احسن و انظف

[madoo_600]

بص يا باشا انا في اعتقادي زيك بالضبط ان 92 انظف بس حضرتم انا بتكلم بناء على التجربه الفعليه ولما سألت ناس تانيه بردوا اكدولي ان الحريق بتاع الغيار في 90 اطول من 92 بناء على كلام عملاق الكريستاله هيما لانسر

[أبو_حمزة]

بستعمل بنزين 92 و جربت 90 وكمان 80 (للتجربة فقط) فى كريستالة 99 اتوماتيك
92 افضل فى السحب و الاستهلاك.
فرق الاستلاك بسيط بس فرق السحب ملموس
95 مش فارق عن 92 خالص

[bmya]

بص ياباشا المكوه احسن في كل حاجه
شكل احدث ودي ازواق في ناس كتير مش بتحب الشكل ده
اتقل واثبت علي الطريق
اشيك من جوه وصالونها نفس البومه
الكريستاله سحبها احسن شويه عشان اخف
بالنسبه للبنزين كان معايا كريستاله وكانت دايما تسقف من بنزين 90 وتبقي مكتومه حاطيط 92 بقيت زي الفل وعمرها ما عملت تسقيفه او كركرت حتي مع التكييف

[nokian70]

ياجماعة حيرتونا معاكم انا معايا كريستالة 99 و مانيوال و بحط 92 ......عايز اعرف انهى أفضل 90 ولا 92 ..... من المفترض ان كل لما الأكتان زاد يدى سحب للعربية أكتر و يتحرق أسرع....بس انا عندى باب البنزين ماكتوب علية 90 .....اعمل اية بقى

[bmya]

ياجماعة حيرتونا معاكم انا معايا كريستالة 99 و مانيوال و بحط 92 ......عايز اعرف انهى أفضل 90 ولا 92 ..... من المفترض ان كل لما الأكتان زاد يدى سحب للعربية أكتر و يتحرق أسرع....بس انا عندى باب البنزين ماكتوب علية 90 .....اعمل اية بقى

مش المفترض ياباشا هو الصح ان البنزين يتحطعلي حسب نسبه انضغاط الموتور مش شرط ان كل متحوط بنزين اعلي يديك سحب افضل وهضرب لحضرتك مثال انا مجربه بنفسي
صديقي معه مرسيدس موديل 1986 190 e طول عمره بيحوطلها 90 والعربيه ماكنتش بتسحبوانا كنت بتحايل عليه يحوط 80 لان العربيه قديمه المهم جرب 80 مره العربيه بقيت طياره 160 دي بتجبهم هواااااا بعد ماكان اخره 140
فمش شرط المهم تحوط بنزين مناسب للرعبيه
بالنسبه للكريستالهفعلا مكتوب علي التانك 90 بس مكتوب +90 يعني 90 وانت طالع تمام كده
وبما ان حضرتك فيمصر المحروسه ال 90 = 80 لان التانكات مش نضيفه وكلها رواسب وبتكون قديمه ومتهالكه فمياه الغسيل بتنزل علي البنزين فطبعا البنزينبيكون زي الزفت
عشان كده 92 افضل كثيرا وده عن تجربه والله
العربيه معايا ال 90 كانت بتعمل حاجات غريبه وخصوصا لما اشغل التكييف تسمع احلي تشجيع وتسقيف وتصفير وكل حاجه من يوم ما حطيت 92 والعربيه ماشيه ماشاء الله زي الفل لحد ما بعتها واللي اشتراها برده بيحوط 92

[el-shimy]

جزيل الشكر للأخوة الكرام على مشاركتهم

بس رجاء الأفادة عن الأستفسار ات الكتير انا عارف اللى أنا مش عارف عنها اى حاجة وهى:
اقتباس:
مين أحسن (الكريستالة * المكواة )؟

المكواة كلها برضه 1300 سى سى والاتوماتيك بتاعها سحبه تعبان زى الكريستالة

فى منها 1500 / 1600 سى سى

ممكن
يتسقط للمكواة مواتير زى الكريستالة
ولو ينفع بتبقى نفس مواتير الكريستالة ؟

*
ياريت شوية نصايح تكون عن تجربة من أصحاب الكريستالة أزاى الواحد يتغلب على مشكلة ضعف السحب فى حالة (اتوماتيك + تكيف )

مع تقديرى واحترامى

[bmya]

ياباشا تصحيح بس اولا لانسر السحبب تاعها مش تعبان ولا حاجه
ثانيا المكوه تقيله شويه عن الكريستاله وعشانكده سحبها اقل من الكريستاله
ثالثا السحب بيتقل مع التكييف تمام كده بس عايز اقولك ان معظم العربيات بتبقي كده مع التكييف الصني معايا واهي 1600 واتنين كامه ومع ذلك مع التكييف بتتقل جامد
فده طبيعي مع مراعاه انك هتركب عربيه مش زيرو انت عربيه بقالها 10 مثلا ماشيه في مصر يعني تراب وقرف وبنزين تعبان وصنايعيه تعبانه فاكيد الموتور مش هيكون بحالته
حاجه كمان حضرتك بقه لو عاز اصلا سحب وسرعه وغاوي شد ن الاول متجيبش اتوماتيك خاااااالص لا مع التكييف ولا من غيره لان التوماتيك معموله للراحه مش للشد والجري
ولذلك مفيش طريقه للتغلب علي ضعف السحب مع التكيييف عشان ده مش عيب في العربيه عشان بتعالج ويارب اكون افدتك
بالنسبه للتسقيط والحوارات دي انا بصراحه مش خبير فيها وفي ناس خبره هنا ترود عليك ان شاء الله

[MoMohsen]

احب اوضحلك حاجة انا لما قلت ان المكواة او الكريستاله موتورهم سحبه مش جامد كان قصدى انها بالموتور دة مش بتاعة جرى وشد.يعنى ببساطة متبقاش راكب موتور 1300 و اتوماتيك و تروح تشد مثلا مع فيرنا و تقولى اصل انا راكب يابانى.
من الاخر الموتور دة كويس جدا بالنسبه لمواتير 1300 و مش هتحس خالص انه 1300 هقولك حاجة توضحلك اد ايه الموتور دة كويس.
انا معايا كيا برايد سيدان 1300 كربراتير .بتطلع 62 حصان.
عارف المكواة 1300 اللى بردة معايا بتطلع كام حصان. 78 حصان !!!!!!
واضح الفرق بين موتورين 1300 كربرادير قد ايه .دة غير طبعا ان الفرق فى النعومة مش طبيعى.

[el-shimy]

ياباشا تصحيح بس اولا لانسر السحب بتاعها مش تعبان ولا حاجه
حاجه كمان حضرتك بقه لو عاز اصلا سحب وسرعه وغاوي شد ن الاول متجيبش اتوماتيك خاااااالص لا مع التكييف ولا من غيره لان التوماتيك معموله للراحه مش للشد والجري

احب اوضحلك حاجة انا لما قلت ان المكواة او الكريستاله موتورهم سحبه مش جامد كان قصدى انها بالموتور دة مش بتاعة جرى وشد.يعنى ببساطة متبقاش راكب موتور 1300 و اتوماتيك و تروح تشد مثلا مع فيرنا و تقولى اصل انا راكب يابانى.
.

أولاّ : متشكر جداّ جداّ لحضراتكم على المشاركة والأهتمام
ثانياّ : انا مش بتاع شد وحركات ولا حاجة بس هى الفكرة أن أن مبحبش خاااااااااااااااالص أركب عربية
تكركر وتسقف واحس انها مش قادرة تمشى خصوصاّ لو راكب معاك أتنين أوتلاته
ولا مشغل تكيف أو حتى طالع كوبرى
الموضوع ده هو اللى مخوفنى وخصوصاّ أن تجاربى مع الأتوماتيك محدودة جداّ

مع جزيل الشكر

[Ahmed Samy]

بس هى الفكرة أن أن مبحبش خاااااااااااااااالص أركب عربية
تكركر وتسقف واحس انها مش قادرة تمشى خصوصاّ لو راكب معاك أتنين أوتلاته
ولا مشغل تكيف أو حتى طالع كوبرى
الموضوع ده هو اللى مخوفنى وخصوصاّ أن تجاربى مع الأتوماتيك محدودة جداّ

مع جزيل الشكر

لا لا

مافيش الكلام ده في المكوة - اللي اعرفها كويس- العربية بتمشي بالتكييف و تطلع مطالع و هي محملة اربعة و شنط و عادي ...ولا كركرة ولا تسقف

اللي بيقولك ان الموتور مش قد كده يقصد مقارنة بالحاجات التانية 1600 مثلا

انما انا كانت معايا مكوة 3 سنين تقريبا ...عمري محسيت ان الموتور قصر رقبتي


____________

المكوة كمان عربية ثابتو بشكل مرضي و جبت بيها 170 (بالعفية صحيح بس جابتها) وكانت حلوة ماتخوفش في المشي

الشنطة واسعة كويسة

الصالون ظريف هو هو بتاع البومة .

الارتفاع عن الأرض مناسب جدا و عملي جدا (ودي ميزة قدام الكريستالة اللي فضحتنا في العجمي و مطباته زمان)