لانسر 2007 توكيل مصرية

[أبوسيف]

كنت بدور على لانسر 1600 مانيوال ولقيت الموجود كله 2008 وسعره زايد حوالى 6000 جنيه عن 2007 رغم عدم وجود اى فرق بين الأتنين ورحت للرواس قالى ال 1600 الخليجى هاتوصل كمان أسبوعين وسعرها فى حدود 99 ألف ، والنهاردة رحت معرض المصرية اللى فى المعادى ولقيت عندهم لانسر 1600 مانيوال 2007 ضمان الوكيل مش خليجى وعارضينها ب 98000 وال 2008 ب 104 ومفيش فرق بينهم غير يمكن الطارة بتاعة الدركسيون مختلفة شوية.
السؤال بقة ، هل السعر دة مناسب بالنسبة لل 2007 ولا ممكن ينزل عن كدة وخاصة انهم بيصفوها.
والسؤال التانى : هل حد اتعامل مع معرض المصرية قبل كدة لأنى سمعت من بعض الناس انهم مش تمام.
أفيدونى أفادكم الله لأنى خلاص ناويت ان شاء الله.

[أبو عبدالله]

انا متاكد ان اللانسر هتنزل بالذات ان الشكل الجديد ليس له اقبال كبير للمبالغه في السعر

[amir]

بالعكس في ظل السوق المحترمه اللي التجار (راسبي معهد نصب و احتيال) مسيطرين عليه فا المتوقع مع ارتفاع سعر اللانسر 2008 ان معظم الناس اللي مش عايزه 1300 تجري علي ال 2007 1600 و طبعا ساعتها التجار ( راسبي نفس المعهد) هيتنططو في الاسعار براحتهم و دا ممكن كمان يرفع سعر ال2007 1600 مستعمل بشكل مش ظبيعي الايام اللي جايه

[Powert]

دايما اسعار العربيات بتنزل في شهر يناير بعد نزول موديلات الجديدة وثبات اسعارها

واكيد سعر الانسر هينزل عن كده

[mohey]

والسؤال التانى : هل حد اتعامل مع معرض المصرية قبل كدة لأنى سمعت من بعض الناس انهم مش تمام.
أفيدونى أفادكم الله لأنى خلاص ناويت ان شاء الله.

- معارض المصريه للسيارات من أسوء الناس اللى ممكن تتعامل معاهم عن سابق خبره معهم
وطبعاً أكيد سيادتك عارف إن "مصريه "غير "المصريه للسيارات"
أما بخصوص تجربتى مع أحد موزعى مصريه وكلاء متسوبيشى:
أنا لسه شارى لانسر رياضيه 2007من هورس موتورز بالأسكندريه "موزع معتمد لمصريه" منذ أسبوعين
وبصراحة ناس محترمه جداً فى تعاملهم وعندهم منظومه

[vitara]

ابو سيف
ما معنى ضمان الوكيل مش خليجى

هو ضمان الوكيل ماليزى
والخليجى بيجيبوها المستوردين !!

mohey
مصرية اللى عندهم معارض فى المعادى و هليوبلس والاسكندرية وطنطا و شرم ؟؟؟
المصرية للسيارات

هى اللانسر الـ1600 مانوبال ماليزى ولا مصرى و لا يابانى
وايه الاحسن ؟ وإزاى اعرف الخليجى من غيره؟
يا ريت باشا من باشاوات اللانسر يعملنا موضوع مفسر عن اللانسر الــ 1600 خليجى و يابانى و ماليزى و ايه الاحسن
و هل هى بتخبط فى المطبات ؟
لانه يبدو الكورولا القادمة ستكون غالية جدا (نزلت امبارح قطر و الكويت)
و اضمن مكان تشترى منه ؟ الاسكندرية
مع الشكر لمجهودكم

[أبوسيف]

المقصود بضمان الوكيل ان توكيل ميتسوبيشى اللى هو شركة مصرية هو اللى بيستورد العربية من اليابان وهو اللى بيدى ضمان للعربية ، أما المقصود بالخليجى فهى العربيات اللى التجار بيستوردوها من دول الخليج زى السعودية والكويت والإمارات ، طبعا العربيات كلها يابانى ومفيش حاجة اسمها ميتسوبيشى مصرى وميتسوبيشى ماليزى ، هى بس جملة لانسر مصرية بتتقال على اللانسر اللى جاية عن طريق الوكيل ، ولانسر خليجى اللى التجار بيستوردوها من دول الخليج والفرق بينهم عبارة عن كماليات ، أنا لسة شارى الخليجى 1600 مانيوال وماشاء الله عليها زى الفل فيها كاسيت سى دى MP3 وأبانوس فى التابلوه وفوانيس كريستال وفرش بيج وأرخص من اللى بضمان الوكيل حوالى 5000 جنيه مع العلم ان المصرية بتنزل من غير كاسيت بس فيها ABS اللى مش موجودة فى الخليجى.

[Ahmed Hassan]

المقصود بضمان الوكيل ان توكيل ميتسوبيشى اللى هو شركة مصرية هو اللى بيستورد العربية من اليابان وهو اللى بيدى ضمان للعربية ، أما المقصود بالخليجى فهى العربيات اللى التجار بيستوردوها من دول الخليج زى السعودية والكويت والإمارات ، طبعا العربيات كلها يابانى ومفيش حاجة اسمها ميتسوبيشى مصرى وميتسوبيشى ماليزى ، هى بس جملة لانسر مصرية بتتقال على اللانسر اللى جاية عن طريق الوكيل ، ولانسر خليجى اللى التجار بيستوردوها من دول الخليج والفرق بينهم عبارة عن كماليات ، أنا لسة شارى الخليجى 1600 مانيوال وماشاء الله عليها زى الفل فيها كاسيت سى دى MP3 وأبانوس فى التابلوه وفوانيس كريستال وفرش بيج وأرخص من اللى بضمان الوكيل حوالى 5000 جنيه مع العلم ان المصرية بتنزل من غير كاسيت بس فيها ABS اللى مش موجودة فى الخليجى.

انته متأكد ان الخليجي 1600 مشفيهوش ABS؟

[أبوسيف]

أنا جايبها خليجى من غير ABS

[Ahmed Hassan]

بصراحه اول مره اعرف الموضوع ده... انا كنت فاكر كل اـ 1600 abs

[vitara]

ابو سيف
شكرا جدا على الاهتمام
انا انهارده سالت عنها فى احد المعارض قالى 1600 سىسى مانيوال خليجى "بضمان الوكيل "فول اوبشن بــ 101
و الـ 1300 مانيوال 91 الف

[mohey]

بصراحه اول مره اعرف الموضوع ده... انا كنت فاكر كل اـ 1600 abs

اللانسر الرياضيه والسوبر أكشن هما فقط إللى بينزل فيهما ABS ,عدد 2 إيرباج

[أبوسيف]

ابو سيف
شكرا جدا على الاهتمام
انا انهارده سالت عنها فى احد المعارض قالى 1600 سىسى مانيوال خليجى "بضمان الوكيل "فول اوبشن بــ 101
و الـ 1300 مانيوال 91 الف

ازاى خليجى بضمان الوكيل؟
ممكن ضمان رواس أو ضمان المعرض أنما ضمان الوكيل لأ ، لأن الوكيل مش بيضمن الخليجى.

[mohaismail]

معرض المصرية يعتبر اسوء معرض فى مصر تقدر تقول سرقة عينى عينك نصيحة متشتريش منه

[vitara]

ابو سيف باشا
شكرا لاهتمامك
الفرق بين المصرى و الخليجى 1600 مانيوال 2007 اللى غالبا سيستمر لعام 2008 ايضا
ميزة المصرى فيه abs airbags immobilizer ضمان الوكيل مصرية
ميزة الخليجى فيه كاسيت او cd - عفشة ناعمة - سعر ارخص - وضمانه بيبقى لمراكز الخدمة الخليجى و ليس مصرية رمسيس

هل العفشة الناعمة بتاعة الخليجى معناه ان المساعدين الامامين غاز
اما المصرى مساعدين زيت
برضه للـ 1600 مانيوال
شكرا مقدما لمساعدتكم