فلتر التكييف في البومه 05 1300 فين يا ترى

[karimbow1]

يا ريت حد يفيدني يا اخوانا لأني فوجئت وانا بظبط التكييف وبشحنه ان الفلتر بتاع التكييف مش موجود في مكانه وكل اللي موجود حتة حديده متقفله ، البشمهندس صاحب الورشة قال لي ممكن يفتح فتحة في الحديد اللي موجود ويركب الفلتر في مكانه فهل ده حل مناسب وبعدين ازاي البومه تازله من غير فلتر للتكييف ياريت حد يفيدني بسرعه وشكرا و جزاكم الله خيرا

[authority973]

فلتر التكييف فى البومة تحت درج التابلوه من جوه العربية
لما بتفتح التابلوه بتشيل حاجة زى كلبسة كدة سودة صغيرة بتبقى جوة التابلوه على الشمال هى اللى بتخللى الدرج ميوقعش (ميفتحش على الاخر) اول ما يفتح لأخرة هتلاقى هما مسمارين هتفكهم هيطلع معاك الفلتر (لو فعلا مش موجود فى مكانة (الى هو ده) يبقى فى حاجة غلط

[barrii]

فلتر التكييف موجود فى موديلات 2006 و ما بعدها

[أبو إياد]

2005 مافيهاش
الفلتر ده نازل فى اواخر موديلات 2006 الى فوووووووووووووق

[hprima]

1300 مفيهاش فلتر تكييف

[authority973]

فعلا 2005 مفيهاش انا كنت فاكر 2005 زى 2006 الكلام ده فى 2006 فيما فوق