اشتريت لانسر مكواة

[bahaaothman]

اخوانى اللانسراوية

انا خلاص بعت عربيتى ال 128 واشتريت لانسر مكواة 2001
انا كنت حاسس انى راكب مكوك (مش مكواة) فضائى مش عريبة (طبعا بعد ال128)

المهم العريبة محتاجة شوية حاجات يا ريت تساعدونى فبها
1- الزجاج الامامى مشروخ عايز اعرف هو بكام واجيبه منين
2-الفانوس اللى ورا فيه حته مكسورة عايز اعرف تمن الفانوس كام ومنين برضه
3-الاكصدام فيه شوية خرابيش هو ينفع يترش لوحده بنفس لون العربية بكام ومنين
4-الزجاج الكهربا اللى ورا مش شغال والزرار بتاعه مش موجود (مش عارف ده محتاج ايه بالظبط)
5-في ايه تانى ممكن يتعمل فى العربية عشان انا لسه شاريها

شكرا ليكوا وانا مبسوط اوى انى بقيت واحد منكوا

[أبو صلاح]

الف الف مبروك ياباشا
واكيد بعد ال 128 هيبقى ليها طعم تاني خالص
بالنسبة للمشاكل اللي عندك مش هقدر افيدك آسف

[cuppo]

اخوانى اللانسراوية

انا خلاص بعت عربيتى ال 128 واشتريت لانسر مكواة 2001
انا كنت حاسس انى راكب مكوك (مش مكواة) فضائى مش عريبة (طبعا بعد ال128)

المهم العريبة محتاجة شوية حاجات يا ريت تساعدونى فبها
1- الزجاج الامامى مشروخ عايز اعرف هو بكام واجيبه منين
2-الفانوس اللى ورا فيه حته مكسورة عايز اعرف تمن الفانوس كام ومنين برضه
3-الاكصدام فيه شوية خرابيش هو ينفع يترش لوحده بنفس لون العربية بكام ومنين
4-الزجاج الكهربا اللى ورا مش شغال والزرار بتاعه مش موجود (مش عارف ده محتاج ايه بالظبط)
5-في ايه تانى ممكن يتعمل فى العربية عشان انا لسه شاريها

شكرا ليكوا وانا مبسوط اوى انى بقيت واحد منكوا

اولا ربنا يهديك خيرها و يكفك شرها
ثانيا الف كبرووووك يا معلم
بس ممكن تعرفنا السعر و الحاله و اتكلم عنه
1 الزجاج اللي قدام هيعمل من 300 لي 350
2الفانوس ممكن تعمله وش لو الوش بس اللي مكسور بس سعره مشفتيش فيه
3 ينفع طبعا الاكصدام يترش لوحدو
4الزجاج ده امره سهل هتجيب الزرار من اي حد بتاع قطع غيار و الكهربائي يعملو في 10 دقايق
5 تغير طقم سيور و فلاتر انشاء الله
سير كاتينه سير دينامو و تكيف و بوجيهات و فلتر (بنزين و هوا و زيت
و ممكن كمان تيل الفرامل

[أبو_حمزة]

أولا ربنا يبارك لك فيها
ثانيا اصبر شوية على العربية و ما تبدأش تصرف على الشكليات
يعنى بلاش دهان الاكصدام دلوقت و لو الفانوس مش مبهدل برضه استنى حبه
بس طبعا لو اللى واخد منه العربية ما تعفهوش و ما تعرفش تاريخ صيانة العربية يبقى اول حاجة سير كاتينة و زيت و فلتر يتغيروا
اى حاجة تانية ممكن شوية شوية

الزجاج الاصلى فى التوكيل معدى 1400 بتركيبه
بره ها تلاقى حاجات من أول 300
زجاج دكتور جريش بحوالى 350 و الناس بتشكر فيه وصناعة مصرية و اخويا مركبه من 5 سنين و بدون مشاكل و التركيب عنده فى المصنع نضيف (بس فى العاشر من رمضان)
لو الشرخ بسيط و انت مش داخل على فحص يبقى الحمه و امشى بيه

[أبو_حمزة]

اه بالنسبة لزرار الزجاج اعتقد انه ها يتعبك شوية و صعب تلاقيه
اسأل عند حد بتاع استيراد بس الاول كهربائى كويس يشوف عشان لو في حاجة تانية بايظة تجيبها بالمرة

[faron525]

الف مبروك
ممكن تقول اشترتها بكام ؟

[bahaaothman]

اشتريتها ب50 هى فابريقه جوا وراشة برة ماعدا السقف بس فيها شوية الحاجات اللى قولتلكوا عليها دى
انا عايز اعرف هو اى حد بيشتغل فى العربية يعنى نفس الميكانيكى والكهربائى اللى كنت يتعامل معاهم ايام الاميرة بطة (128) ولا لازم حد معين
ويا ريت لو تساعدونى اسميها عشان انا لازم اسمى العربية

[madoo_600]

هيا اوتوماتيك ولا مانيوال وعامله كام كيلو ولونها ايه

[M.FOUAD]

اشتريتها ب50 هى فابريقه جوا وراشة برة ماعدا السقف بس فيها شوية الحاجات اللى قولتلكوا عليها دى
انا عايز اعرف هو اى حد بيشتغل فى العربية يعنى نفس الميكانيكى والكهربائى اللى كنت يتعامل معاهم ايام الاميرة بطة (128) ولا لازم حد معين
ويا ريت لو تساعدونى اسميها عشان انا لازم اسمى العربية

الف مبروك سعر ممتاز جدا لو فابريقة بالكامل من جوة

[wildwest100]

ربنا يباركلك فيها

[MoMohsen]

بالنسبه للفانوس الخلفى انا جبته تايوانى من 6 شهور و شكله زى الاصلى بالظبط عامل 185
و زرار الزجاج الخلفى هتلاقيه بيتباع جديد بس معرفش سعرة كام بس معتقدش انه هيعدى 100 جنيه.
و السعر اللى انت جايبه بيها كويس فعلا لو العربيه فابريقة جوة و حالتها نضيفة لان النضيف فيها بيبدا من 55 و انت طالع لحد 62 اقصر حاجة.و المانيوال احسن فى المكاة عشان هى 1300

[M.FOUAD]

اخوانى اللانسراوية

انا خلاص بعت عربيتى ال 128 واشتريت لانسر مكواة 2001
انا كنت حاسس انى راكب مكوك (مش مكواة) فضائى مش عريبة (طبعا بعد ال128)

المهم العريبة محتاجة شوية حاجات يا ريت تساعدونى فبها
1- الزجاج الامامى مشروخ عايز اعرف هو بكام واجيبه منين
2-الفانوس اللى ورا فيه حته مكسورة عايز اعرف تمن الفانوس كام ومنين برضه
3-الاكصدام فيه شوية خرابيش هو ينفع يترش لوحده بنفس لون العربية بكام ومنين
4-الزجاج الكهربا اللى ورا مش شغال والزرار بتاعه مش موجود (مش عارف ده محتاج ايه بالظبط)
5-في ايه تانى ممكن يتعمل فى العربية عشان انا لسه شاريها

شكرا ليكوا وانا مبسوط اوى انى بقيت واحد منكوا

الفانوس الخلفي لو الكسر صغير و دة الفانوس الاصلي فيم الفانوسين احمر و ريح دماغك لانك عمرك ما هتلاقي زي الاصلي

[bahaaothman]

يعنى ايه افيم الفوانيس وده بيتعمل فين والعربية مانيوال وعاملة 200000 كم وانا جبت معايا ميكانيكى وسمكرى وانا بشتريها وفحصوها كويس
انا عارف ان تمنها كده كويس جدا وبالذات انى فى نفس اليوم ده شفت عربية مكواة 2002 حالتها اوحش من دى وصاحبها ماكنش راضى ينزل عن 57 مليم
الحكد لله ده توفيق من ربنا

كنت عايز اعرف بأه لو هانقل العربية باسمى هاتكلف كام تسجيل وترخيص

وشكرا لكل اللانسراوية

[asd14]

الف مبروك ياباشا وسعرها حلو وياريت تحافظ عليها علشان كل اللي معاهم لانسر مابيرحموش العربية ويقولولك ياعم ده ياباني دوس ومايهمكش بس انا رافض ده طبعا

[bahaaothman]

امبارح كنت باسجل العربية فى الشهر العقارى واتكلفت 820 لسه بأه اما نشوف الترخيص هياخد كام

انا كنت عايز اسال على حاجة ازاى استفيد من عداد ال rpm عشان زى مانتو عارفين ماكنش موجود زيه ايام ال 128
وصوت العربية واطى ومابقاش عارف اغير امته

شكرا