سؤال لأصحاب البومه ( هل العربيه فيها Rev limiter ؟ )

[Ahmed Nouh]

سلام عليكم ورحمه الله وبركاته

من كام يوم صديق لى اشترى فلتر رياضى لعربيته البومه ولأن عربيته فى التجديد ركبه عندى فى العربيه يسمع صوته

المهم ركبت الفلتر ودخلت ازود بنزين نسمع صوت الفلتر مع تقسيمه الموتور

فوجئت بان العداد وصل معاى ل 7 ونص RPM من غير ما يفصل

اللى طول عمرى بشوفه ان العربيه عاده بتفصل فى المنظقه الحمرا من ال RPM وصوتها بيقطع او فى بعض العربيات على الاقل بتثبت وده علشان تحافظ على الموتور من التلف نتيجه سرعه دورانه المرتفعه

لكن اللانسر كانت مكمله معاى وكان فاضل جزء صغير جدا على قفل العداد خالص بدون ما تفصل

السؤال بقى هل العربيه اساسا مفيهاش Rev limiter اللى بيوقف سرعه المحرك عند حد الخطر ؟

ارجو المشاركه من ملاك العربيه

العربيه اللى معاى 1300 مانيوال وكيل

[hprima]

السؤال ده محتاج المهندس طارق شخصيا

[EslaM_NagY]

أعتقد البوما فيها Rev limiter طالما إنجكشن

[Ahmed Nouh]

أعتقد البوما فيها rev limiter طالما إنجكشن

مهو انا كنت مسلم بالموضوع ده لغايه ما لقيتها امبارح معندهاش مشكله فى قفل العداد

بصراحه غريبه فعلشان كدا بسأل لتكون المشكله عندى انا

[mohamedway]

بص يا سيدى

العلامه الحمراء بتبتدى من 6500 rpm لغاية 8000 rpm لما بتدوس بنزين على الأخر و انت واقف المؤشر بيوصل لغاية 7000 rpm و بعدين الموتور بيفصل لغاية ما المؤشر يوصل ل6500 وبعدين يرجع يزيد لغاية 7000 و يفصل و هكذا يظل متذبذب بين 6500 و 7000 و المنطقه ده كلها حمراء و لكن بداية المنطقه الحمراء و لن تستطيع بأى حال من الأحوال إنك تخلى المؤشر يعدى ال7000 rpm و أكيد شركة متسوبيشى عارفه ان الموتور يستحمل لغاية 7000 وإلا كانت خلبته يفصل بدرى عن كده ولكنه لو عارف ان موتوره يستحمل 7000 rpm أقصى حاجه طبيعى انه يحطلك العلامه الحمراء من أول 6500 rpm

[Ahmed Nouh]

شكرا لردك يا استاذ محمد

اللى حصل عندى ان المؤشر بالفعل عدى ال 7 وكان مكمل فى طريقه ل 8

أظن كدا عندى فى مشكله صح ؟

[mohamedway]

شكرا لردك يا استاذ محمد

اللى حصل عندى ان المؤشر بالفعل عدى ال 7 وكان مكمل فى طريقه ل 8

أظن كدا عندى فى مشكله صح ؟

كده يبقه فيه مشكله فعلا و لكن هل أنت متأكد ان عربيتك إنجكشن؟..........أنا أعرف ان البومه كلها انجكشن ولكن يمكن كانت فى أول موديلات 2003 كربراتير ولا حاجه؟؟؟؟؟ هو موديل عربيتك ايه؟؟ لو هى كربراتير يبقى طبيعى ان مايبقاش فيها Limit ولو هى مكواه و انت فاكرها بومه (انت مذكرتش الموديل) يبقى بردو طبيعى لأن المكواه كانت معظمها كربراتير.

[Ahmed Nouh]

لا عربيتى بومه 2008 انجكشن

الكربراتير طبيعى فعلا مفيهوش ليمت لكن كدا واضح ان فى مشكله

كدا محتاج اتاكد تانى مره اخيره ان العربيه مش بتقف عند ال 7 وهراسل البشمهندس طارق بالمشكله

شكرا جزيلا يا استاذ محمد على المشاركه

[EslaM_NagY]

لا عربيتى بومه 2008 انجكشن

الكربراتير طبيعى فعلا مفيهوش ليمت لكن كدا واضح ان فى مشكله

كدا محتاج اتاكد تانى مره اخيره ان العربيه مش بتقف عند ال 7 وهراسل البشمهندس طارق بالمشكله

شكرا جزيلا يا استاذ محمد على المشاركه

ابقى طمنا وصلت لإيه.

[Ahmed Nouh]

ان شاء الله انا بس اليومين دول مشغول حبتين لكن هتابع هنا فى الموضوع اول ما اعرف ايه المشكله

[مصراوي جدا]

انا عرضت الموضوع على المهندس أحمد عناني مدير الورشة في مركز خدمة شركة مصرية الرئيسي في قليوب وقال الآتي :

اولا : من المفترض عند تركيب أي أجزاء اضافية الرجوع الى التوكيل للتأكد من أنه مصرح بها من المصًنع وتكون قطعة الغيار مصنعة بمعرفة المصًنع واصلية

ثانيا : لا يوجد في السيارة rev Limiter وعداد RPM الموجود بالعدادات يقوم بهذه الوظيفة لأنه أمام قائد السيارة ومحظور السير بالسيارة وعداد RPM على المنطقة الحمراء لفترات طويلة الا للضرورة القصوى


بيني وبينك انا حبيت اتأكد فقلت بأه اعمل زي عبد السميع واحل الموضوع بطريقة اعلى شوية

قمت سألت مدير عام الصيانة نفسه فقال لي ان فعلا اللانسر مفيهاش Rev. Limiter وانه موجود فقط في الايفوليوشن والباجيرو لأنها المواتير اللي يتخاف ان اصحاب العربيات يقرصوا عليها بشكل كبير نظرا لقوتها انما اللانسر كبيرها 1600 مش مفروض حد يقرص عليها اوي كده اساسافقلت له لأ فيه ناس بتقرص

[bmya]

مع احترامي لحضرتك يا بشمهندس طارق بس ازاي معروفاي عربيه انجكشن بيكون فيها نظام حمايه ده
ولو دوست بنزين لي الاخر العربيه بتفصل زي مالشاب بيقول

[zAzU]

يا جماعه انا عربيتى 1600 و بتفصل فعلا لما توصل ل7 بترجع 6.5 و بعدين 7 و تفضل كده تذبذب كده و كل اللانسر اللى اعرفهم كده و كل العربيات الانجكشن اصلا

[Ahmed Nouh]

انا عرضت الموضوع على المهندس أحمد عناني مدير الورشة في مركز خدمة شركة مصرية الرئيسي في قليوب وقال الآتي :

اولا : من المفترض عند تركيب أي أجزاء اضافية الرجوع الى التوكيل للتأكد من أنه مصرح بها من المصًنع وتكون قطعة الغيار مصنعة بمعرفة المصًنع واصلية

ثانيا : لا يوجد في السيارة rev limiter وعداد rpm الموجود بالعدادات يقوم بهذه الوظيفة لأنه أمام قائد السيارة ومحظور السير بالسيارة وعداد rpm على المنطقة الحمراء لفترات طويلة الا للضرورة القصوى


بيني وبينك انا حبيت اتأكد فقلت بأه اعمل زي عبد السميع واحل الموضوع بطريقة اعلى شوية

قمت سألت مدير عام الصيانة نفسه فقال لي ان فعلا اللانسر مفيهاش rev. Limiter وانه موجود فقط في الايفوليوشن والباجيرو لأنها المواتير اللي يتخاف ان اصحاب العربيات يقرصوا عليها بشكل كبير نظرا لقوتها انما اللانسر كبيرها 1600 مش مفروض حد يقرص عليها اوي كده اساسافقلت له لأ فيه ناس بتقرص

اولا شكرا جزيلا ليك يا بشمهندس طارق على اهتمامك بالموضوع وكرمك فى السؤال عن المشكله

بصراحه انا مصدوم ان حاجه زى كدا صغيره جدا بس مهمه جدا الشركه شايفه انها ملهاش لزمه

دا اى عربيه فى الدنيا ايا كان سعرها طالما انجكشن بتفصل عند حد معين علشان تحافظ على اجزاء الموتور من السرعه العاليه لا قدر الله لأى سبب حصل مثلا ان الدواسه اتحشرت او السلك اتشد او خلافه يبقى الواحد على ما يبطل العربيه الله اعلم هيكون ايه اللى جرا

هو الواحد عمره ما بيعدى ال 6 مهما كان الظروف بس حركه مش حلوه :(:(

[mohamedway]

انا عرضت الموضوع على المهندس أحمد عناني مدير الورشة في مركز خدمة شركة مصرية الرئيسي في قليوب وقال الآتي :

اولا : من المفترض عند تركيب أي أجزاء اضافية الرجوع الى التوكيل للتأكد من أنه مصرح بها من المصًنع وتكون قطعة الغيار مصنعة بمعرفة المصًنع واصلية

ثانيا : لا يوجد في السيارة rev Limiter وعداد RPM الموجود بالعدادات يقوم بهذه الوظيفة لأنه أمام قائد السيارة ومحظور السير بالسيارة وعداد RPM على المنطقة الحمراء لفترات طويلة الا للضرورة القصوى


بيني وبينك انا حبيت اتأكد فقلت بأه اعمل زي عبد السميع واحل الموضوع بطريقة اعلى شوية

قمت سألت مدير عام الصيانة نفسه فقال لي ان فعلا اللانسر مفيهاش Rev. Limiter وانه موجود فقط في الايفوليوشن والباجيرو لأنها المواتير اللي يتخاف ان اصحاب العربيات يقرصوا عليها بشكل كبير نظرا لقوتها انما اللانسر كبيرها 1600 مش مفروض حد يقرص عليها اوي كده اساسافقلت له لأ فيه ناس بتقرص

مع إحترامى للبشمهندس طارق و جميع المهندسين اللى فى التوكيل ولكن اللانسر فيها RPM Limiter و أنا معايا العربيه و متأكد من كلامى و لكن من الواضح ان البشمهندسين فى التوكيل فهموا السؤال غلط و إفتكروا العضو بيسأل على تحديد سرعة العربيه إلكترونيا و ده فعلا بيبقه موجود فى العربيات اللى موتورها قوى بدرجه كبيره فبيبقى فيه خوف ان الموتور يوصل بالسياره لسرعه أعلى من عدادها و من إمكانيات الإستابليتى بتاعتها فبيخلو كمبيوتر السياره يراقب عداد السرعه و بأكرر (عداد السرعه و ليس عداد الRPM )عشان لما العربيه توصل لأقصى سرعه مسموحه ليها بالكمبيوتر فالكمبيوتر ما يسمحش للموتور بأنه يزود أكتر من كده حتى و لو كان الRPM مش على الآخر ولا حاجه وده طبعا مش موجود فى الانسر لأن قوة موتورها أصلا مش بتقفل ال220 اللى موجوده فى عدادها ولكن لو حضرتك ركبت أى عربيه لانسر من اللى عنكم فى التوكيل و دوست بنزين على الأخر و هى واقفه و على و ضع اللاتعشيق و فضلت دايس لغايه ما الموتور يجيب أخره هتلاقى ان الRPM لا يمكن يوصل لأخره عند 8000RPM وهتلاقى الموتور قعد يفصل مابين 6500 و 7000 وهتلاقى ده ليه صوت مميز متذبذب و ده فى كل العربيات الإنجكشن مش فى الانسر بس.