لكل المهتمين بفرامل الانسر البومة الأوتوماتيك

[lovelorn]

السلام عليكم أولا ... الواحد غايب عن المنتدى أكتر من 3 شهور ومش مصدق انه رجع تانى

المهم ندخل فى الموضوع ..

طبعا فى كتير - وانا أولهم - اللى مش راضيين بفرامل الانسر الأوتوماتيك ..

فا انا حبيت احكيلكم اللى انا فكرت فيه عشان أحل مشكله الفرامل دى

أولا : جاه على بالى انى أشترى فرامل brembo عشان شوفت فى monster garage وهما بيركبوها وكانت العمليه سهلة .... بس رحعت عن الفكرة عشان خفت من المصريون العباقرة يخربولى العربية .

ثانيا : فكرت انى اجيب ديسكات وتيل brembo ودى كانت عمليه سهلة وممكن اعملها بنفسى .

ثالثا ( اللى انا عملته ) : كنت جايب من السعودية ديسكات لانسر ( والمهندس طارق قال انها هيا اللى بتتباع فى مصر ) + تيل فرامل ب 250 ( والمهندس طارق قال عليه فى أحد المواضيع : بطلنا نجيبه نظرا لأن عملاء كتير كانوا بيشتكوا منه مر الشكوى وبيصفر وسىء )

المهم اللى حصل فى العربية كالتالى :

1- رجلشة الفرامل

2- تغيير الديسكات الأمامية

3- تغيير التيل الأمامى

4- سحب هواء من الفرامل

بينى وبينكم كنت حاسس ان كل دا ملوش لازمة ومش حيكون له أى تأثير على الفرامل

بس النتيجة كانت تحفة ...

الفرامل بقت تربط بقوه رهيبة , لدرجة انى كنت الاقى العربيات واقفة فى الأشاره واروح حارق جامد عشان أشوف العربية حتقف زى منا عايز ولا لأ ..

تكلفه الموضوع ده :

الديسكات 1100 ( فى مصر أرخص ) + تيل 250 ( فى مصر 385 ) + الميكانيكى 30

بالنسبة لسوء جودة التيل اللى المهندس طارق قال عليه ... فا الحمد لله انا مشيت عليه 1000 كم وزى الفل .. ولو حصل منه أى صوت أو مشاكل حقولكم عشان لو ان شاء الله طلع كويس حيبقى توفير جامد أوى فى سعر شراء التيل سواء كان sumitomo اللى بيخلص بسرعة وبيصفر أو AK المعمر واللى بيخرب الطنابير )

نصيحة صغيرة :

اللى رجله طويلة وبيقرب الكرسى ... يا ريت يرجعه ورا شويه عشان يخلى مجال لرجله انها تضغط على الفرامل بقوة

اللى بيدوس على طرف بدال الفرامل اليمين - زى منا كنت بعمل - ... يفضل انه يضغط فى منتصف البدال ... حتحس بقوة فرمله أكتر بكتير من الدوس على طرف البدال ..


يا رب الموضوع يفيدكم

[eltorky]

1000 مبروك علي التغير يا باشا بس الديسكات دية اللي هية الطنابير و لا قصدق علي حاجة تاني و بعد أذنك ممكن توضح نوع التيل و بيتباع فين في مصر و لك جزيرر الشكر

[lovelorn]

انا اقصد بالديسكات الطنابير زى ما حضرتك قلت

وبالنسبة للتيل فا المهندس طارق كان قال ان التوكيل كان بيشتريه وبطل يجيبه من كثرة شكاوى الناس منه .. بس انا شايف ان التيل كويس .. وعموما لو طلع فيه أى مشاكل حبقى أقولكم

الطريقة الوحيدة انك تجيب التيل ده ان يكونلك حد فى السعودية أو التوكيل يرجع يشتريه تانى

ودا لينك الموضوع وفيه صور التيل http://www.nilemotors.net/Nile/showthread.php?t=66978

[mohamedway]

أنا بعد تجارب كثيره جدا بأستخدم الSUMITOMO الأخضر (الأصلى اللى بتنزل بيه زيرو) و مركب فردتين قدام Bridgestone TURANZA GR-80 و نسيت بعدها ان فيه أى شكاوى أو عيوب فى فرامل الانسر بس التيل الSUMITOMO بيخلص أسرع شويه و لكن مش مهم بالمقارنه بفوايده العديده و فرملته المضبوطه و حفاظه على الطنبوره اللى هى مش رخيصه خالص والتيل اللى انت بتقول عليه ممكن يكون فعلا ضبطلك أداء الفرامل و لكن متضمنش هيعمل ايه مع الطنبوره و أنا ملاحظ انه AK بردو زى النوع الرمادى اللى فى التوكيل حاليا و لكن Grade أقل من الرمادى!!!!!

[hprima]

ومنين الواحد يقدر يشترى الطنابير

[lovelorn]

منين الواحد يقدر يشترى الطنابير

متوفرة فى التوكيل

sumitomo الأخضر (الأصلى اللى بتنزل بيه زيرو)

عندى كان لونه أسود


على فكرة ak اللى التوكيل بيجيبه خسارة فيه الفلوس ... انا الطنابير عندى بقى فيها عالى وواطى كتير أوى + ان وزن الطنابير نقص 700 جرام عن الوزن الأصلى بتاعها اللى هو 10 كجم ..

انا ماشى بيه 26000 كم وبالرغم من كده لسه ناقص فيه أكتر من نصه بس دا على حساب الطنابير اللى أكلها ..

أتمنى ان التوكيل ميتعاملش فى النوع ده تانى

[أحمد كمال]

هو التوكيل مش بيركب Mitsubishi ؟؟؟؟

[lovelorn]

هو التوكيل مش بيركب mitsubishi ؟؟؟؟

حضرتك تقصد ايه بالضبط ؟

[lovelorn]

Bridgestone TURANZA GR-80

اعتقد لو انا ركبتهم الأداء حيتحسن أكتر و أكتر ..

بس سؤال يا أستاذ محمد ...

هل تركيب نظام فرامل brembo بالكامل فى العربيه معقد وصعب على المصريين ؟؟

اصل بصراحة انا شفت العمليه سهلة أوى بس دا كان مع الأجانب ...

[mohamedway]

متوفرة فى التوكيل



عندى كان لونه أسود


على فكرة ak اللى التوكيل بيجيبه خسارة فيه الفلوس ... انا الطنابير عندى بقى فيها عالى وواطى كتير أوى + ان وزن الطنابير نقص 700 جرام عن الوزن الأصلى بتاعها اللى هو 10 كجم ..

انا ماشى بيه 26000 كم وبالرغم من كده لسه ناقص فيه أكتر من نصه بس دا على حساب الطنابير اللى أكلها ..

أتمنى ان التوكيل ميتعاملش فى النوع ده تانى

أولا بالنسبه للSUMITOMO فهو بالفعل اللى كان راكب فى عربيتى و هى زيرو كان لونه أسود ولكن من أول موديلات 2008 بقه بينزل فيها الSUMITOMO الأخضر زيرو من بلدها و أنا شوفته أكتر من مره فى عربيه زيرو 2008و بقه موجود فى التوكيل كمان و تقدر تشتريه و مكانش الSUMITOMO موجود فى التوكيل أصلا و كان الAK وبس و أنا من أول مره غيرت فيها تيل لاحظت ان التوكيل بيدينى تيل غير اللى راكب فيها و قلتله أنا عاوز زى اللى راكب فيها قالولى ده بردو أصلى و لما لاقيت أداؤه حلو سكت و بعدين إكتشفت العيوب اللى بدأت تظهر بسبب هذا التيل و هى ان الدركسيون بدأ يغربل مع الفرامل و بعد شويه بقى يغربل على السرعات العاليه حتى من غير فرامل و كان السبب هو بوظان الطنابير و ده مكنتش متوقعه و اكتشفته بعد الترصيص و الزوايا و الذى منه لغايه مغيرت الطنابير و اتأكدت انها هى السبب بس للأسف مكانش قدامى غير إنى أركب الAK برده لأن الSUMITOMO مكانش موجود و قولت ان ممكن يكون كان حظى وحش مع الطنبوره الأولانيه و العيب مش هيحصل تانى مع الطنبوره الجديده و لاكن نفس العيب رجع تانى و الAK بوظ الطنبوره الجديده و نفس السيناريو اتكرر تانى و ساعتها إقتنعت تماما إن الAK رغم قوة أداؤه و عمره الطويل و لكن لا يجب استخدامه أبدا و خرطت الطنبوره و ركبت تيل غير أصلى من الحاجات اللى فى السوق و جربت حوالى 5 أنواع و كلهم معجبنيش أداؤهم و لاقيت منهم اللى بيصفر و بدأ يعمل خطوط ريجه جامده على الطنبوره و منهم اللى فرملته و حشه و بيضيع مع السخونيه و غيره و غيره و كذا مره أروح للتوكيل بالSUMITOMO الأسود الخلصان اللى فكيته من العربيه أول مره لأنى محتفظ بيه و أقولهم أنا عاوز زى ده و ده اللى كان نازل فى عربيتى و إزاى ما يبقاش موجود عندكم و ان هو ده الأصلى مش اللى عندكم لغاية ما لاقيت عندهم فى مره من المرات الSUMITOMO الأخضر قولت لازم أجربه و لو انى مكنتش مستريح قوى لأنه مش أسود زى اللى معايا و لكن لما جربته حسيت فعلا انه الأصلى بجد و إنه فعلا SUMITOMO و انتهت معاه كل المشاكل و لاحظت انه بيخلص أسرع و لكنى مستمر عليه لأنى مقتنع تماما انه مينفعش خلاص أركب حاجه تانيه و كمان أصلا الAK عمرى ما سيبته يخلص للأخر لأنه بيكون بهدل الطنبوره جامد و الغربله التمام فدايما كنت بغيره و فاضل فيه نصه على الأقل لأنى كنت بفكه عشان أشوف حل فى الطنبوره إذا كنت هخرطها و لا أغيرها و لا إيه و طبعا ما كنتش بركبه تانى بعد كده ناهيك عن تكلفه شراء الطنابير الأصليه و قرف الخرط (أنا خرطت حوالى 3مرات و إشتريت طنابير جديده حوالى 3 مرات كمان) يبقه أركب الSUMITOMO ولا لأ؟؟؟؟؟؟!!!!!! وكمان هى هى لأن الSUMITOMO بيفضل زابط العربيه لأخر فتفوته فيه و لما بغيره بيكون خلصان على أخره و استفدت بيه كله و كمان حافظت على الطنبوره و أداء العربيه و الAK كنت برميه مليان.........



أما بالنسبه للفرامل الBrembo فأنا معرفش حد معين بيشتغل فيها بس أكيد الناس اللى شغاله و متخصصه فى تعديل العربيات زى إسلام مشهور و غيره و أعتقد فى ناس فى الحرفيين كمان هيبقه سهل عليهم يعملولك ده بس إسأل كويس و لو كنت أعرف حد عمل الموضوع ده مكنتش هعز عليك المعلومه.........

[lovelorn]

حضرتك عانيت أوى مع الفرامل أكتر منى ...

بصراحة انا كرهى للفرامل وصلنى انى أفكر فى بيع العربية بس لقيت انى حخسر فيها كتير وده كان السبب انى أفكر فى ال brembo .. بس طالما انتا شايف ان تغيير الكاوتش ظبط معاك الفرامل ...وانا شايف ان التيل والطنابير الجداد ظبطولى الفرامل ... فا نحمد ربنا ان الفرامل مستواها اتحسن .. وأكيد لما أغير الكاوتش حبقى أجيب اللى انتا اشتريته .. بس انا مش عارف الكاوتش المفروض يتغير بعد قد ايه ... انا ماشى حوالى 50000 كم والكاوتش زى الفل .. وسمعت انه المفروض يتغير على ال 60000 بس معرفش الكلام ده صح ولا غلط ..

انا حيقى ادور على ال utube لو فيه فيديو لتركيب الفرامل ولو لقيت حبعتلك اللينك

[mohamedway]

حضرتك عانيت أوى مع الفرامل أكتر منى ...

بصراحة انا كرهى للفرامل وصلنى انى أفكر فى بيع العربية بس لقيت انى حخسر فيها كتير وده كان السبب انى أفكر فى ال brembo .. بس طالما انتا شايف ان تغيير الكاوتش ظبط معاك الفرامل ...وانا شايف ان التيل والطنابير الجداد ظبطولى الفرامل ... فا نحمد ربنا ان الفرامل مستواها اتحسن .. وأكيد لما أغير الكاوتش حبقى أجيب اللى انتا اشتريته .. بس انا مش عارف الكاوتش المفروض يتغير بعد قد ايه ... انا ماشى حوالى 50000 كم والكاوتش زى الفل .. وسمعت انه المفروض يتغير على ال 60000 بس معرفش الكلام ده صح ولا غلط ..

انا حيقى ادور على ال utube لو فيه فيديو لتركيب الفرامل ولو لقيت حبعتلك اللينك

حضرتك ماشى 50000كم بالكاوتش.
أنا بقه كنت لسه مغير الفردتين اللى قدام بفردتين ميشلان عشان كان فى واحده منهم اتقطعت فغيرت الجوز ميشلان و لما كنت بركب الميشلان كنت ساعتها دايخ على الBridgestone TURANZA GR-80 بنفس المقاس بتاع الانسر و ما كنتش لاقيه خالص فكبرت دماغى و قولت الميشلان تمام و مكنتش أصلا متأكد من كلام الناس على الGR-80 و انه هيزبط العربيه قوى كده لأنى مكنتش جربته و علفكره الميشلان حلو برده و ما يقلش عن الأصلى بس بردو الفرامل مكانتش مكيفانى....... المهم من فتره للتانيه كنت بأسأل على الGR-80 لغايه ما لاقيت أخر فردتين عند موزع مع العلم انه كان خلصان من التوكيل نفسه فروحت شاريهم فورا و مركبهم (خلى بالك انك مش لحظة ما تقرر انك تركب هذا الكاوتش هتلاقيه بسهوله لأن بييجى بكميات محدوده و بيخلص هوا و فيه ناس بتبقه حاجزاه كمان فى التوكيل و خصوصا مقاس الانسر) و فعلا يستاهل و بعد ما جربته مش هركب غيره حتى على الأقل قدام و ممكن ورا أى حاجه تانيه محترمه و فعلا ضبط العربيه مش بس فى الفرامل و لكن فى كل حاجه و حسيت ان الدركسيون كمان تقل فى أيدى على السرعات العاليه و إحساس تانى خالص و بصعوبه جدا تسمع صوته مع أى فرمله لدرجة ان ساعات الABS بيشتغل مع فرمله جامده من غير ما أسمع صوت مرحله الصفير بتاع الكاوتش اللى بتبقه قبلها.......بجد تحفه و فعلا SUPER Silent و كمان ماسك حلو قوى و المفروض كان هذا الموديل من ريدجستون كان يبقه هو اللى نازل فابريقه فى العربيه مش الER30 خصوصا ان متسوبيشى كده كده متعامله مع نفس الشركه و نفس الGrade وهم الأتنين Bridgestone TURANZA Made in japan ولكن الفرق ما بين لGR-80 و ER30 فرق السما و الأرض.........المهم نسيت أقولك انى لما لاقيت الGR-80 وركبته كان الفردتين الميشلان اللى قولتلك عليهم عاملين معايا 15000كم فقط و جداد نوفى و رغم كده فكيتهم عشان أركب الGR-80 و الفردتين الميشلان مرميين عندى فى البلكونه!!!!!

[lovelorn]

حضرتك ماشى 50000كم بالكاوتش.

انتا شايف ان كده كتييير ... على فكره 75% منهم على الصحراوى .. لأ وكمان كان فيهم كام مسمار من اللى قلبك يحبهم .. بس صلحتها فى بريدجستون + انا بستخدم نيتروجين على طول ...

عموما انا لما أقرب من ال 60 ألف ليا صاحبى فى السعودية بينزل بعربيته , حخليه يشتريهم من هناك عشان أكيد حيكونوا متوفرين ولو مش متوفرين فا هوا جن وعارف كل خووون فى جدة .

بس حاسس انك مغير الكاوتش بدرى بدرى ... وكمان عارف تفاصيله .. انا كل اللى أعرفه عن الكاوتش انه بريدجستون تورانزا r15 غير كده لا افقه عنه شىء ..