مساعده ضرورى لشراء لانسر

[acs]

السلام عليكم الاخوه الاعزاء بمنتدنا الحبيب
انا معروض علية لانسر موديل 2005 سبورت اوتوماتيك 1300 سى سى كامله فتحه سقف كهربا و جنوت
لا يوجد بها اى خدش 50000 كيلو
المطلوب
هى عليها قسط لمده 3 سنوات القسط الشهرى 1500 جنيه يعنى 54 الف لمدة 3 سنين
و صاحب العربيه عايز 40 الف جنيه
اية رأيكم فى العربيه لان انا خايف من موضوع 1300 سى سى ده بسمع ان سحبه مش حلو
وكمان اية رأيكم فى السعر
ارجوا الافادة من اصحاب الخبره

[Mohammmed]

هى الاتوماتيك ال 1300 سحبها مش حلو
لكن مش وحش قووى
يعنى لو مش بتاع شد وجرى اشتريها وانتا مطمن

[acs]

للاسف انا بحب اجرى
والانوس معلمانى الادب مش عايز اطلع من سحلفه ادخل فى بطه

[Ahmed Hassan]

هوه ال ١٣٠٠ فيه منها بفتحه سقف؟!

[acs]

انا لسة ماشفتش العربيه بس دى المواصفات اللى قلى عليها النهاردة ولسه هروح اشفها بس انا كنت عايز اعرف اية اخبار الـ 1300 ده قبل ما اروح عنده وكمان السعر

[Mohammmed]

هوه ال ١٣٠٠ فيه منها بفتحه سقف؟!

ايوا فيه منها فتحة سقف فل اوبشن

[lovelorn]

وفى 1300 glx وكمان فيها ABS

[أحمد كمال]

94 ألف كتيييييييييييييير جدا على العربية دي

ثانيا القسط مش هيتفك الحظر الا اما يخلص و ممكن صاحبها يستندل ساعتها

فكك من العربية دي

[أبو_حمزة]

من غير ما نتكلم فى قيمة العربية و تستاهل وللا لأ
انت بتشترى مستعمل يبقى تجيب حاجة خالصة من غير ديون و لا قسط
دى ميزة المستعمل انك بتجيب على اد اللى معاك من غير سيف القسط على رقبتك
الاربعين المقدم دور بيهم او زود عليهم و هات على قدهم
لانوس خالصة احسن من لانسر وراها موال اقساط و ديون بدون المقارنة بين العربيتين

[acs]

انا فعلا معايه لانوس دلوقتى وشغاله زى الفل
بس قلت يمكن تكون فرصه كوييسه واغير
الف شكر يا شباب على الافادة