ارجوا المساعدة من الباشمهندس طارق وكل الاصدقاء الاعضاء

[Azimco]

انا الحمد لله ربنا كرمنى بعد تفكير طويل واشتريت لانسر البومه 1600 الخليجى وللدقه الخلبجى السعودى وطبعا دى موديل 2009 وعملتلها صيانه ال 1000 فى مركز معتمد فى الغردقه و عاوز اعرف من حضرتكم الاتى
1| المركز دا كويس ومعتمد والا لا وكمان ليه اسعاره اغلى وكمان دول صصمموا على زيت شل ال 10000
2| اى زيت انظف موبيل والا شل
3| لو عاوز اغير الكاوتش ايه احسن نوع وايه الميزه فى كاوتش السرعات؟
4| بالنسبه للجنوط والكاوتش ممكن اغير الجنوط ل جنوط لسبور 16 والا دا بيبوظ العفشه؟ و لو ممكن يتغير طاب ايه افضل نوع؟
اسف على الاطاله وشاكر على المساعده

[lovelorn]

زيت شل للموتور انضف " انا عن نفسى بستخدمه "

الكاوتش فى اعضاء هنا بيشكروا أوى فى bridgestone GR-80 ومش موجود فى السوق بكثرة ..

[مصراوي جدا]

اولا مبروك العربية ربنا يديك خيرها ويكفيك شرها

لو مركز الخدمة اسمه المارينا فهو معتمد فعلا وموجود في اعلان الوكيل مصرية لمراكز الخدمة المعتمدة





1- بخصوص السعر الأغلى ارجو تحديد هو اغلى في ايه لأنه المفروض ملتزم بأسعار الوكيل فأرجو التحديد لمناقشة الأمر مع مدير الصيانة في التوكيل

2- زيت موبيل وشل الاتنين كويسيين وفيه مقارنات بينهم في المنتدى العام يمكن البحث عنه

3- كذلك موضوع افضل كاوتش للانسر فيه مواضيع كتير بخصوصه يمكن البحث عنها هنا في منتدى ميتسوبيشي وهتستفيد كتير من الموضوعات دي (خاصة موضوع الأخ المهندس محمد mohamedway )

4- لا انصح بتغيير مقاس الجنط لأن ده بيأثر على العفشة ودليل ذلك ان عفشة اللانسر البومة 1600 مقاس 15 بوصة تختلف عن عفشة اللانسر البومة 1300 مقاس 14 بوصة او ال 1600 موديلات 2006 وما قبلها لما كانت الجنوط فيها مقاس 14 بوصة

[Azimco]

شكرا اوى للبشمهندس طارق و lovelorn على المعلومات المفيدة دى
بالنسبة للتوكيل هو فعلا المارينا
قطع الغيار والزيوت اغلى من كل التوكيلات الاخرى
وكمان اسعار الخدمات غاليه قوى