إعـــــــلان

Collapse

.

,
See more
See less

وش الفانوس الخلفى!!

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    وش الفانوس الخلفى!!

    واحد ربنا يسامحه معندوش ضمير ماشى منغير فرامل, بعد ما خبطنى طلعنا من نهر الطريق نبص على الخبطه كان هيخبطنى تانى و احنا بنقف معوش فرامل خالص, ربنا يهديه, خبطلى الفانوس الخلفى, و حته من الشنطه, و الحمد لله الوش بس الى اتكسر.
    كنت عايز اعرف بقى ممكن اجيب الوش لواحده, لو ممكن اجيبه منين و بكام؟!
    و الشنطه صوت التكه بتاعتها و هى بتفتح بقى عالى قوى و مبتقفلش غير لما تترزع بس القفل بتاعها سليم مش عارف المشكله فين؟!
    شكراا
    [CENTER][FONT=Palatino Linotype][SIZE=2][COLOR=RoyalBlue]It doesn't matter how fast you are, As long as you are reving it up to the max
    [/COLOR][/SIZE][/FONT][/CENTER]
    الكلمات الدلالية (Tags): 20, 2009, 50, bmw, احنا, الخلفى, الفانوس, ام, انى, بس, سامح, صوت, عايز, على, عن, فرامل, فلتر, فوانيس, في, كل, ما, مشكله, مع, من, هي, وش
  • #2
    للاسف حضرتك مش هتلاقى وش الفانوس لوحده لازم تشترى فانوس كامل على بعضه .. فيه نوع اسمه debo ده تايوانى بس ممتاز جدااا هتلاقى تقريبا الفانوس الخلفى ب 150 او 170 جنيه مش فاكر بالضبط..
    بالنسبه للشنطه ممكن حضرتك تروح لاى حد سمكرى يضبطهالك هتلاقى من الخبطه القفل بتاعها مش مضبوط هيدق عليه دقتين تلاته هيتظبط ان شاء الله

    Comment

    • #3
      الوش موجود وبيتباع و 40ج بس اوعى تشتريه اختراع فاشل جدا وبالذات لو شفاف
      زى ما قالك الاستاذ / احمد
      اشترى فانوس دييبو وابعد عن الصينى بس هاتتعب شويه على ماتلاقيه لانه قليل شويه فى الوقت الحالى وسعره مش هايقل عن 180ج

      بالنسبه للشنطه اى حد بتاع ظبط ابواب هايرجعها زى الاول ومش هايكلفك 10ج

      Comment

      • #4
        الف شكر يا جماعه, انا فعلا سالت فى الحرفيين و لقيت ان الوش بيتصب او بيتجاب جاهز بس الراجل قلى انو فعلان فاشل و بيصفر بعدين, ولقيت التيواني فعلان فى حدود 150 180 جنيه, بس انا عندى فكره كده و مش عارف تنفع ولا ايه, اصل الفانوس مكسور منو حته صغيره كده بتاع 2 سم * 5 سم و الباقى كله سليم معده اللمبه الى اتحرقت, مينفعش الزق الحته الى اتكسرت فى الوش بالامير, و بعد كده افيم الفانوسين بدرجه فيميه خفيفه, ياترى ينفع الحوار ده ولا شكلها هيبان او مش هتنفع اصلا؟!
        [CENTER][FONT=Palatino Linotype][SIZE=2][COLOR=RoyalBlue]It doesn't matter how fast you are, As long as you are reving it up to the max
        [/COLOR][/SIZE][/FONT][/CENTER]

        Comment

        • #5
          بص لو الفانوس لونه احمر من غير ماتلزق حاجه فيم حته على الاد وخلاص لو شفاف فيمه كله احمر او اسود
          انا عندى فى كسر صغير فى الفانوس فيمته ومش باين اى حاجه والاهم بقا ان الفاميه هايحميه من المياه والتراب اللى هايخلوا الفانوس يصفر

          بص فى الصوره كده

          Comment

          • #6
            الف شكر لاهتمام حضرتك, ربنا يباركلك.
            هو للاسف شفاف, تفتكر حضرتك لو فيمت محتاج افيم بفيميه درجه كام علشان ميبانش!؟, انا عايزه فيميه خفيف بقدر الامكان علشان الاشارات تبقى واضحه.

            [CENTER][FONT=Palatino Linotype][SIZE=2][COLOR=RoyalBlue]It doesn't matter how fast you are, As long as you are reving it up to the max
            [/COLOR][/SIZE][/FONT][/CENTER]

            Comment

            • #7
              انا كمان بتاعى شفاف
              فيمه احمر او عسلى ومش لازم تلزق الحته المكسوره
              لو عملتهم بنفسك مش هايكلفوك فير ثمن الفاميه ولو حد بتاع اكسسوار هايكلف 20ج للفانوسين

              Comment

              • #8
                مش عارف اشكر حضرتك ازاى, ربنا يكرمك.
                [CENTER][FONT=Palatino Linotype][SIZE=2][COLOR=RoyalBlue]It doesn't matter how fast you are, As long as you are reving it up to the max
                [/COLOR][/SIZE][/FONT][/CENTER]

                Comment

                • #9
                  طيب لو جه يغسل العربية فى بنزينة ضغط مسدس رش المياه ميقطعش الفاميه
                  ؟؟؟؟؟؟؟؟؟؟؟؟؟؟

                  Comment

                  • #10
                    ??????????????

                    Comment

                    • #11
                      انا لزقت الحته المكسوره بالامير, و عملت فوقيه بسولتاب عريض ثلاث لزقات كده, و بعد كده فيمته. غسلتها فى البنزينه عادى خالص, الراجل غسل بمسدس الضغط و بالفورشه كمان و مدخلتش الهواء.
                      [CENTER][FONT=Palatino Linotype][SIZE=2][COLOR=RoyalBlue]It doesn't matter how fast you are, As long as you are reving it up to the max
                      [/COLOR][/SIZE][/FONT][/CENTER]

                      Comment

                      • #12
                        بص يا باشا واحد صاحبي نفس الخبطة بتاعتك حصلت له
                        كان امامه خياران اول حاجة يجيب فانوس اصلي او تايوني
                        والخيار الثاني انه يصب الفانوس
                        قابل صانيعي محترم عمل عملة زي العسل
                        حل الفانوس وكان عنده كمية كسر غير طبيعية من فوانيس قديمة
                        كمل الفانوس المكسور لحام من الكسر بحيث لم تزيد عن قطعتين ولحمهم بطريقة اكثر من رائعة
                        لازم علشان تشوفها تلزق وشك في الفانوس
                        في ناس متخصصة في الموضوع ده
                        ومش هيكلف كتير بس هتحافظ علي الفانوس الاصلي
                        والي انت عملته ده عين العقل بس يا ريت الامير يستحمل الحر ولا يسيح
                        عموما ربنا يوفقك لما فيه الخير

                        Comment

                        • #13
                          طيب ممكن عنوان اللى عمل الفنوس لصحبك

                          Comment

                          • #14
                            لا متقلقش خالص

                            Comment

                            • #15
                              المشاركة الأصلية كتبت بواسطة hemaaa مشاهدة المشاركة
                              طيب ممكن عنوان اللى عمل الفنوس لصحبك
                              اخي العزيز انا من المنصورة والراجل ده كان تقريبا في المحلة
                              لو المكان قريب
                              قولي وانا اتصل بصاحبي واسالة وارد عليك

                              Comment

                              السابق template التالي
                              Working...
                              X