استفسار عن تيل الفرامل

[lemeurtrier]

السلام عليكم و رحمه الله و بركاته

انا كنت عاوز اغير تيل الفرامل لانه خلاص خلص
و سالت عن الموجود فى السووق و لقيت 3 انوااع
الاصلى 420 جنيه و طبعا غالى اوى و احتمال انه يصفر
الاسبانى 170 جنيه تقريبا و يقال انه احلى من الاصلى بس بيخلص بسرعه
التركى و ده 65 جنيه و ده انا مش مستريحله
فكنت عاوز اخد رايكوا هنا اعمل ايه
و انا ميال اكتر للاسبانى لان سعره معقوول و يقال انه حلو
و انا استهلاكى للتييل كتيير
فكنت عاوز نصيحتكوا فى اسرع وقت

[أحمد كمال]

خليك في الاصلي

و اياك تسترخص في التيل

لانه في لحظة بيبقى بينك و بين الموت تيل الفرامل !

[mohamedway]

روح التوكيل و هات التيل الsumitomo الأخضر ورقمه mn 116604 (وده الأصلى اللى العربيه نازله بيه) و فيه نوع تانى فى التوكيل كويس بردو و معتمد من متسوبيشى بس ما أنصحكش تجيبه و لونه رمادى و رقمه mn102878 و الأتنين بنفس السعر حوالى 425 جنيه و لو ركبت أى حاجه غير اللى قولتلك عليه فى الانسر بالذات ذنبك على جنبك و مش هقولك ايه اللى هيحصل لأننا شبعنا كلام فى الموضوع ده و ممكن حضرتك تقلب فى المواضيع القديمه هتلاقى مواضيع كتيييييييييييير بتتكلم فى الموضوع ده و عن العيوب اللى هتظهر فى عربيتك لو استخدمت تيل تانى.

[mohamedway]

http://www.nilemotors.net/Nile/86295-a.html

شوف لينك الموضوع ده من ضمن المواضيع الكتييير عن التيل و ده أحدثهم تقريبا و بيتكلم عن انواع التيل اللى فى التوكيل أما بالنسبه للأنواع اللى فى السوق فأنا جربت معظمها و كلها و حشه و يمكن أحسنهم فعلا الأسبانى و لكن أحسن الوحش و لا يقارن بالأصلى.

[lemeurtrier]

شكرا للجميع على الرد و المتابعه
و مستنى ارااء باقى الاعضااء