استياء من عدم تفاعل اللانسراويه

[أبو إياد]

السلام عليكم ورحمة الله وبركاته

اول شىء شدنى بجد فى المنتدى وقبل تصفح اقسام نايل موتورز بجد كنت معجب جدا بقسم الميتسوبيشى ومن تفاعل جميع اعضاءه والتصارع من اجل تقديم المساعده والاستشاره وعلى رأسنا المهندس طارق زويل لكن فى الفتره الاخيره وجدت تكاسل غير عادى والمواضيع لا تجدد ومافيش ردود ولا اى مشاركات جديده ليه مش عارف على الرغم من ان اتعمل حصر باعضاء المنتدى مالكى اللانسر كان العدد 160 سياره شاركوا فى الاستطلاع ومافيش اكتر من العربيات اللانسر فى مصر بصراحه انا لما شوفت الحال ده دخلت على اقسام اخرى للسيارات فى منتدانا بصراحه ماشاء الله على الموضوعات وعلى تفاعل الاعضاء مع بعضها رغم ان احنا كثره ومعنا مهندس استشارى ومعانا ناس ماشاء الله خبره ولو دخل اى حد فى اى استشاره قله مننا يفيد فى الرد والمشاركات والكثير يدخل للموضوع ويبخل فى الرد على الاستفسار

اسف لكلامى بس بجد انا شايف ان احنا ممكن نكون احسن من كده وخصوصا بعد ما فوجئت ان فى اقسام اخرى يضرب بها المثل بدون ذكر اسماء لان اكيد كلنا عارفين هذه الاقسام واحنا كنا كذلك لكن مستوانا بقا اقل بكتير ياريت نتفاعل وننمى هذا القسم ,,,,,

[مصراوي جدا]

هو يمكن في الفترة الأخيرة كان المنتدى بشكل عام بيتعمل له تطوير في حاجات كتير وبيتنقل من سيرفر في امريكا لسيرفر في ألمانيا وده سبب توقفه عده مرات وحدوث بعض المشاكل الفنية اللي خلت الناس تقلل في مشاركاتها او احيانا لما تدخل تلاقي المنتدى واقف فميحاولش يدخل تاني خلال اليوم


المهم ان دلوقتي الحمد لله كل المشاكل الفنية دي انتهت والمنتدى اصبح مستقر وسريع وبناء عليه ندعو جميع اللانسراوية الى المشاركة الفعالة تاني


وانا اساسا بهذا الخصوص كان ليا عتاب برضه على اللانسراوية وهو ان في الفترة الأخيرة معظم المواضيع ان لم تكن كلها اصبحت اسئلة وعرض مشاكل ومطلوب حلها

امال فين المواضيع الجديدة التي تثري المنتدى زي مثلا :

- معلومات عن العربية الميتسوبيشي سواء البومة او الشارك او اي موديل تاني باجيرو - كولت - جالنت - غيرها

- كذلك تجارب الأعضاء مع العربية (حتى وان كان فيه زيها قبل كده) ،

- ممكن حد من الأعضاء يعمل تبويب وتقسيم وتجميع لأهم المواضيع في منتدى ميتسوبيشي لتسهيل الوصول للمعلومة من خلال تجميع كل المواضيع اللي بتتكلم عنها في مكان واحد

ومننساش ان ادارة المنتدى بتختار كل شهر أفضل موضوع ليتم تثبيته لمدة شهر والاشادة بكاتبه

فشدوا حيلكم يا لانسراوية ومنتظرين المواضيع الجديدة

[mada121977]

المشكله ان غالبيه المواضيع فى الفتره الاخيره هى مواضيع مكرره واسئله اتجاوب عليها مئات المرات ولو الاخ صاحب الموضوع دور فى القسم كويس هيلاقى اجابه لكل الاسئله ..
ثم كان فيه موضوع عن مقابله الانسراويه ومش عارف الموضوع راح فين ياريت يبقى فييه تفعيل للمقابله دى علشان نتستفيد كلنا من بعض بصوره عمليه ويبقى طبعا معانا اخونا الكبير الباشمهندس طارق زويل

[mohamedway]

انا كنت فعلا عاوز افتح الموضوع ده و بصراحة انا كتير جدا بقيت بتنرفز من الأسئلة المكرره و عدم الإجتهاد فى البحث فى المنتدى و كله عاوز المعلومه على الجاهز و أنا شايف ان المنتدى مش هيتحرك تانى إلا بالتخلى عن المواضيع الدارجه المكرره مليون مره زى خليجى و لا مصرى و أبانوس و لا عادى و عتب و لا دلايات و اللى عاوز يسعر عربيته رغم ان ده ليه أماكن تانيه.........إلخ

المواضيع المفروض تكون تجارب فنيه و ميكانيكية و تحليل لعيوب السيارة و حلولها و نصائح من كل اللى حصل معاه مشكله و مش عاوز حد يقع فى نفس المشكلة تانى.

ده الى جانب اللى يقدر يكتب مواضيع تشرح تقنيات عامه و الجديد فى السيارات عموما يكتب.

[Mohammmed]

بص ياريس انا اقولك على الاسباب:
1- احنا فى فترة صيف دلوقتى والاعضاء اغلبهم بيصيفم
2- حكاية ان المنتدى فيه صيانة وبيقع فترات كبيرة دى مأثرة برده
3- اغلب المواضيع اصبحت مكررة تقريبا

[HeMa_LanCeR]

نفس احساسي بالظبط
والله انا بقيت ادخل علي الاقسام التانيه واشوف المواضيع وارد عليها من قله المشاركات هنا
دا حتي موضوع المقابله عملته 3 مرات وفي زميل عمله مره وحده
هو كام عضو يدخلو مش علشان يوافقو لا بالعكس
بيدخلو علشان يغيرو الميعاد وبعدها مايدخلش تاني

[أبو إياد]

انا اللى بيضايقنى ان عدد المشاهده مقارنه بعدد الردود كبير جدا
ياعنى ممكن تلاقى موضوع عدد المشاهدات فيه 120 وتلاقى عدد الردود 7 مثلا
حاجه فعلا غريبه طيب الناس اللى دخلت دى بتعمل ايه ؟

[Mohammmed]

خد بالك ان المشاهدات بتتحسب حتى لو اى مستخدم غير عضو بالمنتدى فتح الموضوع