شارك في الاستطلاع : هل تفضل السبورت الاوتوماتيك ام المانوال؟

[mohamedway]

المانيوال طبعا بس حاجه غير ميتسوبيشى، لأنها عربية عواجير حتى الفيات 128 بتتسارع أحسن منها.

انا غير موافق على الكلام ده و انا معايا لانسر 2006 1600 مانوال و ما شاء الله ما شاء الله طلقة فى السحب و بقدر أجيب بيها أى عربيه و حتى الإلنترا اللى بيقولوا عليها موتورها أقوى من الانسر بتبقى متساويه معايه و بتبقى مانوال بردو.

[mada121977]

دلوقتى نسبه المفضلين للمانيوال زادت عن نسبه المفضلين للاوتوماتيك
.. ياريت الباشمهندس طارق يعرفنا رأى التوكيل ايه فى الموضوع ده :)

[MAX_PIN]

انا اتمنى ياأستاذ طارق انكم تطلبوا اللانسر الشارك السبورت سواء كانت مانيوال او اوتوماتيك يكون فيها الأضاءة الزينون وحساس المطر
بمعنى تانى ان فى فئة الاسبورت يكون فيها
كماليات الوكيل المصرى زائد
كماليات الخليجى وتكون إختياريه
لأن السعر أكيد هيعلى بالكماليات الزياده
تحياتى

[mohamedway]

ايه الحكاية ؟؟؟؟!!!! الناس بطلت تشترك فى هذا الموضوع ليه؟؟؟ انا رأيى إنه من أهم المواضيع من فترة طويلة فى هذا المنتدى خصوصا انه ممكن يترتب عليه ان الانسر ينزل منها أوبشن عمرنا ما شوفناه و ناس كتير طالباه!!!!!!

علفكره انا عربيتى 1600 مانوال و عندى فكرة كويسه جدا عن الفتيس الCVT من قراءاتى و تجارب الناس و فهمى لتقنية عمله و إن أداؤه حلو و لكن بصراحة من كام يوم فقط سنحت ليه الفرصة لأول مرة و ركبت عربيه لانسر CVT و كانت الصدمه انه فعلا معجبنيش خالص و العربيه بتبقه مخنوقه عن المانوال جامد و استجابتها أقل بكتير بإستثناء الDs و لكن الواحد مش معقول هيفضل ماشى على الDs علطول بالمقارنه بالمانوال العربية بتبقه فايقه علطول

[mada121977]

شوف حضرتك لما يبقى 326 واحد يدخل يشوف الموضوع و47 بس هما اللى يصوتوا تسمى السلبيه دى ايه ؟؟
يعنى مكسلين يختاروا ولا مطنشين ولا ايه بالضبط !!

[simon659]

انا متهيألي كلمه الاخ ماتور مايفك 1600 دي جميله الاستفاده منها ان الهورس باور يزيد يبقي مثلا 140 انا عارف مش علي مزاجي بس انا اتمني ان الشارك الماتسوبيشي تبقي بجداره افضل من الهوند والمازدا والتيوتا مع احترامي ليهم وانا فعلا عمري ما اتشديت لعربيه زي ما اتشديت لعربيه زي دي من بره ومن جوه وده تأكيد جميل علي قوه الشركه بس مش عارف ليه مطلعين عندنا علي الشارك سومعه وحشه حتي في سوق الجمعه مهما يكن ايه هي افضل عربيه رأيتها عيني وفعلا بعد الاودي ولكن كنت اتمني تحسين من التوكيل مش عارف البلاد العربيه التانيه احسن مننا في يه بس برضو الكمليات ماتبقاش لدرجت ان الاسبويلر تمنه 3000 متهيألي ده اسمه استهبال ولازم اطفش حرام بجد

[mada121977]

ايه الاخبار ياباشمهندس طارق

[MAX_PIN]

ايه الحكاية ؟؟؟؟!!!! الناس بطلت تشترك فى هذا الموضوع ليه؟؟؟ انا رأيى إنه من أهم المواضيع من فترة طويلة فى هذا المنتدى خصوصا انه ممكن يترتب عليه ان الانسر ينزل منها أوبشن عمرنا ما شوفناه و ناس كتير طالباه!!!!!!

علفكره انا عربيتى 1600 مانوال و عندى فكرة كويسه جدا عن الفتيس الCVT من قراءاتى و تجارب الناس و فهمى لتقنية عمله و إن أداؤه حلو و لكن بصراحة من كام يوم فقط سنحت ليه الفرصة لأول مرة و ركبت عربيه لانسر CVT و كانت الصدمه انه فعلا معجبنيش خالص و العربيه بتبقه مخنوقه عن المانوال جامد و استجابتها أقل بكتير بإستثناء الDs و لكن الواحد مش معقول هيفضل ماشى على الDs علطول بالمقارنه بالمانوال العربية بتبقه فايقه علطول

معلش هو بس تلاقى الناس معندهاش وقت تدخل فيه المنتدى وخصوصا ان الوقت فى رمضان بيجرى بسرعه والواحد بيكون عاوز يعمل ستين حاجة بس الوقت الى زانقه عموما ننتظر الاعضاء كلهم انشاء الله فى العيد

بالنسبة يابشمهندس محمد لتجربة حضرتك مع الفتيس ال cvt فأنا شايف إن العربيه ديه إحتمال يكون فيها حاجة ياأما الفتيس مش تمام ياأما الموتور مش مظبط يعنى عوامل كتيرة
ومنها ان حضرتك متعود على الفتيس المانيوال ومتعود ع الاحساس والتحكم بيه اكتر من ال cvt الاوتوماتيك(وكل ده حضرتك أدرى بيه عنى)
بس الى احب انى اوضحه بالنسبة لعربيتى البومه الاسبورت موديل 2009 1600 سى سى اوتوماتيك cvt وكلامى ده من خلال قيادتى لعربيتى
فانا عاجبنى اداء الفتيس ده جدا لأنه بيوصل العربيه لسرعات عاليه فى وقت كويس وتجميعه سريع وخصوصا لو كان على الوضع الرياضى ds ده اصلا بيخلى العربيه يركبها العفاريت الى فى الدنيا كلها وتجيب اشد عربيه بسهوله
وعلى فكرة لو قرصت جامد وانت على الd وضع القيادة العادى هتلاقى العربيه بتجمع معاك حلو وبتوصل لسرعات عاليه فى وقت قصير ولو حسيت ان
السرعة ثبتت عند حد معين على سبيل المثال 160 كم تشيل رجلك من ع دواسه البنزين وتضغط تانى لأخر الدواسه هتلاقي سرعة العربيه زادت اكتر(لا أنصح أى حد بالسرعات العاليه نهائى)
وفى الاخر مش هقدر اقارن فتيس اوتوماتيك بفتيس مانيوال اكيد المانيوال يكسب
وزى ماالمانيوال ليه عشاقه الاتوماتيك ليه الى بيحبوه برضه وكل واحد بيختار على حسب متطلباته والشىء الى شايف راحته فيه
أسف لو كنت خرجت بره الموضوع بالرد على الباشمهندس محمد mohamedway
تحياتى

[د.احمدالشافعى]

أنا بقه طماع شويه و لو البومه نزلت فول أوبشن (كماليات السام) بموتور 1500 مايفك + فتيس مانوال أو فتيس أتوماتك عادى مش cvt للى عاوز أتوماتك و تنزل بالفرامل الخلفيه الديسكات فى إعتقادى ممكن متسوبيشى تفضل تبيعها فى مصر لغاية سنة 2020 و مش ببالغ لأنه هيعتبر تطوير للموديل و بدون تكاليف على شركة متسوبيشى لأن الشكل هيبقه هو هو و الموتور و الفتيس اللى انا بقول عليهم موجودين بالفعل و بيركبوهم فى الشارك و ههيبقه الفارق بين البومه و الشارك الشكل الأحخدث و الكماليات الأكثر و الوسع و العزل و الإستابلتى الأحسن و ياريت البومه بالمواصفات اللى انا قولت عليها ده يبقه فى منها موديلين فقط واحد مانوال و التانى اتوماتك بكماليات السام و بلاش تنوع الموديلات بكمالياتها الكتير زيادة عن اللزوم اللى توكيل متسوبيشى خيالنا بيه و ياريت ماتجيبوش 1300 خالص و لو ال1600 مايفك يبقه مسحتو الإلنترا و السيراتو بأستيكة.

+99999999999999999999

[adel1414]

المانيوال بعشقة لو حتى راكب جاجوار-راييى الشخصى ولايعمم-

[Xander2010_Evo]

بأمانة يا مهندس طارق لو نزلت الانسر الأسبورت أو السام بمانيوال جير
تبقي مالهاش حل
وف الحال أغير عربيتي ال1600 العادي بالسام دايركت
من غير تفكير طبعآآآ

[Dr.SherifMansy]

معلش هو بس تلاقى الناس معندهاش وقت تدخل فيه المنتدى وخصوصا ان الوقت فى رمضان بيجرى بسرعه والواحد بيكون عاوز يعمل ستين حاجة بس الوقت الى زانقه عموما ننتظر الاعضاء كلهم انشاء الله فى العيد

بالنسبة يابشمهندس محمد لتجربة حضرتك مع الفتيس ال cvt فأنا شايف إن العربيه ديه إحتمال يكون فيها حاجة ياأما الفتيس مش تمام ياأما الموتور مش مظبط يعنى عوامل كتيرة
ومنها ان حضرتك متعود على الفتيس المانيوال ومتعود ع الاحساس والتحكم بيه اكتر من ال cvt الاوتوماتيك(وكل ده حضرتك أدرى بيه عنى)
بس الى احب انى اوضحه بالنسبة لعربيتى البومه الاسبورت موديل 2009 1600 سى سى اوتوماتيك cvt وكلامى ده من خلال قيادتى لعربيتى
فانا عاجبنى اداء الفتيس ده جدا لأنه بيوصل العربيه لسرعات عاليه فى وقت كويس وتجميعه سريع وخصوصا لو كان على الوضع الرياضى ds ده اصلا بيخلى العربيه يركبها العفاريت الى فى الدنيا كلها وتجيب اشد عربيه بسهوله
وعلى فكرة لو قرصت جامد وانت على الd وضع القيادة العادى هتلاقى العربيه بتجمع معاك حلو وبتوصل لسرعات عاليه فى وقت قصير ولو حسيت ان
السرعة ثبتت عند حد معين على سبيل المثال 160 كم تشيل رجلك من ع دواسه البنزين وتضغط تانى لأخر الدواسه هتلاقي سرعة العربيه زادت اكتر(لا أنصح أى حد بالسرعات العاليه نهائى)
وفى الاخر مش هقدر اقارن فتيس اوتوماتيك بفتيس مانيوال اكيد المانيوال يكسب
وزى ماالمانيوال ليه عشاقه الاتوماتيك ليه الى بيحبوه برضه وكل واحد بيختار على حسب متطلباته والشىء الى شايف راحته فيه
أسف لو كنت خرجت بره الموضوع بالرد على الباشمهندس محمد mohamedway
تحياتى

1000000000+

كلام سليم و انا موافق عليه مليون% .... و عن تجربة

و تحياتى

[احمدعبدالعزيز]

جميع كماليات السوبر اكشن ماعدا الفتيس افضل العاده (كده يبقا انا ركبت bmw)

+10000000000000