مشكلة فى التكيف

[sonyericsson]

التكيف فية مشكلة لما بشغلة بيشتغل تمام بس بعدها بشوية بيفصل ويفضل دقيقة فاصل وبعدين يرجع يشتغل

حوالى عشرين ثانية ويرجع يفصل تانى فى الاول كان شغال علطول مكنش بيفصل بس لما عملتة لقيتة بيعمل

كدا يشتغل ويفصل عايز اعرف اية المشكلة واحد بيقولى الترمستات وانا معرفش مكانها ولا هويعرف ماكنها لو حد يعرف مكان

الترمستات فى لانسر98 يقولى

[nobody]

غالبا الفريون ناقص و محتاجة شحن فريون

[sonyericsson]

انا لسة شاحنها وبعدين لو نااقصة فريوووون التكيف ميشتغلش

[HeMa_LanCeR]

انا لسة شاحنها وبعدين لو نااقصة فريوووون التكيف ميشتغلش

العربيه لو مافيهاش فريون خالص التكيف هيشتغل
بس فعلا لازم تكشف علي الفريون حتي لو لسه شاحن علشان يوجد انواع فريون صيني وطبعا وحشه جدا

[sonyericsson]

العربيه لو مافيهاش فريون خالص التكيف هيشتغل
بس فعلا لازم تكشف علي الفريون حتي لو لسه شاحن علشان يوجد انواع فريون صيني وطبعا وحشه جدا

بس اكيد مفيش عيب فى الترومستات


معلش لو حد يعرف سعر الكمبورصر يعمل كام فلوس يقولى

[mohamedway]

أولا عندى تصحيح معلومة اتقالت وهى ان الفريون لو ناقص التكييف ممكن يشتغل و لكن لو فاضى خالص مش هيشتغل لأن فيه حساس لضغط الفريون و لو قل أو زاد بشكل كبير عن المفروض بيفصل الكمبرسور.

نصيحة اتأكد من ضغوط الفريون كويس الأول و بعدين ممكن يبقى الثرموستات بس غالبا ضغوط غير مضبوطة و إن شاء الله العيب مش هيخرج عن كدة.

[HeMa_LanCeR]

أولا عندى تصحيح معلومة اتقالت وهى ان الفريون لو ناقص التكييف ممكن يشتغل و لكن لو فاضى خالص مش هيشتغل لأن فيه حساس لضغط الفريون و لو قل أو زاد بشكل كبير عن المفروض بيفصل الكمبرسور.

نصيحة اتأكد من ضغوط الفريون كويس الأول و بعدين ممكن يبقى الثرموستات بس غالبا ضغوط غير مضبوطة و إن شاء الله العيب مش هيخرج عن كدة.

طيب انا كان معايا تويوتا كورسيدا والماسوره اتخرمت والفريون كله طلع بس لما نشغل التكييف الكمبروسر كان بيشتغل ومش بيفصل خاااالص غير لما احنا نفصله
علشان كده قلت انه ممكن يشتغل عادي

[sonyericsson]

يا شباب معلش انا عايز افهمكم المشكلة بالظبط


انا بشغل التكيف عادى بيشتغل حلو بس بعدها بشوية


التكيف يفصل بس فى هواء عادى طالع مش الفريون


بيقعد حوالى دقيقى فاصل وبعدها الكمبروصر يشتغل


يوم ما جيت شحنت لقيت المشكلة دى رقم ان التكتيف فضل فترة مشتغلش لدرجة ان الكمبروصر بقى الكبس بتاعة بقى ضعيف


بس لما بدوس بنزين الكبس بتاعة بيكون حلو فا ممكن يكون بقى العيب من الكمبروصر ولا زى ما الراجل اللى شحنة بيقولى الترمستات بتفصلة


ياريت الافادى مع شرع لة العيب فى الترمستات هية مكانها فين فى العربية لانة مش عارف يوصل لماكنها

[rawy-ali]

شوف الفلتر

[sonyericsson]

يعنى ممكن يكون الفلتر



بس ممكن اعرف العربية فيها ترمستات ولا لا ولو موجودة مكانها فين


وشكرا

[sonyericsson]

يا شباب وين الرد ويارت اعرف الفلتر فين فى العربية



ومتنسوش لو فيها ترمستات مكانها فين

[original]

ممكن المشكلة فى سربنتينة تبريد الأمامية
المروحة مش شغالة كويس وبالتالى مش بتبرد الفريون السخن وبالتالى الكمبريسور بيفصل لما بيسخن لأن الفريون لما درجة حرارته بتعلى الكمبريسور لازم يفصل..

[johnson]

اولا لانسر 98 مفيهاش فلتر تكييف ده فى الموديلات اللى من 2005 و مابعدها

بس فى احتمال كمان ان زرار الكمبروسر بيفصل اتاكد انه دايما منور اخضر مش بيفصل او بيعلق انا كان بيعلق و بيعمل كده زى مابتقول يشتغل و يفصل ده ممكن يكون احتمال
زرار الكمبريسور ده موجود فى التابلوه عليه علامة زى الشمس كده
اتمنه ان اكون ساعدتك

[sonyericsson]

هشوف كدة بس لو الزرار دا فصل نور يقى العيب من اية انا لما بشغلة الزرار يكون اللمبة منورة بس بصراحة مش باخد بالى حتى لما بكون ماشى ومشغل التكيف العربية بتكون مخنوقة بيروح الكبيروصر فاصل والعربية سحبها يكون احلى شوية والكمبروصر يروح لاقت والعربية تقل تانى يفضل مفيش عشر ثوانى ويروح فاصل تانى بس اللى شحنلى العربية بقولى الترمستات بتفصل دور على الترمستات ملقهاش قالى الترمستات بتفصل عند درجة حرارة معينة زى الثلاجة اللى فى البيت الترمستات اللى فيها اول لما تبرد تفصل اول لما التبريد يقل الترمستات تشتغل فا لو حد يعرف مكانها يقولى عشان اشوف اخرة اية لانة بقولى عايز يعليها شوية

[smsm919]

مكان الترموستات ورا الدرج بتاع التبلون اخلع الدرج وبص وراه هتلاقية متعلق