ارجو سرعه الرد

[khaloud]

السلام عليكم
انا يا جماعه عايز اشترى عربيه لانسر موديل2001 او 2002(مكوه) وعايز اعرف يا جماعه ايه عيوب العربيه دى وايه مميزاتها انا سمعت ان سحبها وحش ومكنتها ضاعيفه لانها 1300سى سى وايه العربيه الكويسه بنفس سعر الانسر مكوه ارجوه يا جماعه الافاده ضرورى وانا اسف على الاطاله

[re3ooo]

يارجل ضعيفة اية اساسا الانسر كرستالة الي هية اقدم منها و1300 سحبها جامد جدا يبقا المكوة الاجدد منها سحبها وحش بالعكس دية جميلة جدا

[khaloud]

يا باشا شكرا على الرد انا بس بتاكد لانى انا اهم حاجه عندى فى العربيه المكنه بتاعتها علشان انا كان معايا بيحو 504 وانته عارف انها 2000سى سى فا بس كنت بحب اتاكد ولو فيها رزاله يعنى ممكن تقولى ايه عيوبها ومميزاتها وشكرا

[Ahmed Samy]

المنكنة كويسة بس و بتجري
بس افهم انها 1300 و العربية مش خفيفة

السحب مش بتاع شد (ما تحاولش تشد مع حد بيها)

بتوصل لسرعة 140 -150 عادي

انما الحفاظ على 160 صعب


من مزايا العربية

صالون كويس

شنطة واسعة مع امكانية طي الكنب

ارتفاع العربية كويس جدا

ثبات كويس قوي برضه

قطع غيار متوفرة و صياتة سهلة

عيبها ان بنزينها كتير شوية لأنها كاربيراتير.

[khaloud]

انا بشكر حضرتك على المعلومات دى وكنت عايز اعرف ازا كان سعرها متقارب مع لانسر 2004 وهل هيه احسن ولا لانسر 2004 بس انتى زعلتنى كده اصل انا بحب الشد بالعربيه كتير بس لو فيه حاجه بنفس سعرها وتكون كويسه اروجو الافاده
ويا جماعه انا عابز اشوف ردودكم الحلوه دا اول موضوع ليه فى المنتدى وان شاء الله مش هيكون الاخير والى مجرب يجد العربيه المكوه يقولى رايه ورمضان كريم

[khaloud]

يا جماعه 20 واحد دخلو ومفيش غير عضوين بس هما الى اتكرمو وردو عليا انا كنت بحسب ان هلاقى تفاعل اكتر من كده يا جماعه انا عايز ارائكم فى العربيه دى لانها بجد عجبانى وان شاء الله ناوى اشتنريها بس تشاوركم فى الاراء هوه الى هيوصلنى للاحسن وشكرا

[أبو_حمزة]

لو قارنت مع بيجو 2000 سى سى يبقى اكيد ها تحس ان السحب ضعيف
لكن باعتبار انها 1300 اكيد السحب مقبول جدا
معايا لانسر 99 اتوماتيك و سافرت العين السخنة اكتر من مرة على سرعة ثابتة بين 170 و 180 و الثبات ممتاز والحمد لله
اما عن استهلاك البنزين فجيد جدا بدون تكييف و فى السفر ممتاز لو حافظت على سرعة فى حدود ال100 مش اكتر

[mohamedway]

يا راجل انت راكب بيجو 504 2000 سى سى و العربية ده من زمان و حتى الآن لو حالتها حلوة أسطورة الجرى فى مصر و كمان فى إعتماديتها و قوة تحملها (وشوفها شغالة تاكسى و بالنفر بين المحافظات ازاى) يبقى لما تحب تغير و تركب جديد إوعى تركب 1300 ولا حتى 1500 و يادوب 1600 عشان متتخنقش من العربيه بس للأسف عشان تلاقى ال1600 متوفر فى المستعمل لازم ما تقلش عن موديل 2005 (بداية تعديل التعريفة الجمركيه على ال1600).

[temokemo]

العربية دية كويسة والدليل علي كدة ان المعروض للبيع قليل ومن النادر لما تلقي حد عايز يباع ولو لقيت حاجة كويسة تلاقية عايز فيها مبلغ عالي انا قدامي عربية لانسر 2002 وانشا الله هاخلص فيها وربنا يسهل الحال واعرف اتفاهم مع صاحبها

[khaloud]

انا يشكركم يا جماعه على رودودكم الحلوه دى ومشاركتكم معايا وانا فعلا زى ما قال الاستاذ محمد العربيه الى معايا 2000سى سى فعلشان كدا انا بتاكد اوى منها وبعدين انا سمعت ان فيه منها 1600 سى سى خليجى لو حد يا جماعه يكون عارف اجيبها منين اكون شاكر ويعدين ميزه العربيه دى ان هيه اجمد انواع الانسر فى نشوفيتها وعليه عن اللارض فعلشان كده عجبانى وكمان شكلها عاجبنى انا بس كنت عايز اسال حضرتك معاك لانسر 99 كنت ماشى بيها 170 180 وكنت لوحك ولا معاك حموله فى العربيه وارجو من الاستاذ تيمو لما ربنا يكرمه ويخلص فى العربيه بتاعته يبقى يقولى ايه اخبارها وعامله ايه وخلصها على كام ويا ريت يا جماعه لو الا حد معاه العربيه دى او سقها عن تجربه يقولى رايه وانا اسف انى طولت عليكو ورمضان كريم

[AhmadRamadan]

شباب انا كمان ناوي ان شاء الله عليها بس كنت عاوز اعرف هيا حاليا تعمل كام ؟
و رمضان كريم علينا جميعا

[khaloud]

ازيك يا احمد انا متهيالى المكوه بتتراوح سعرها من 55 الى 63 حسب حالتها والله اعلم بس اقل من 55 اكيد هتبقى ضايعه ولو اكتر من 63 هتبقى غاليه اوى واكيد نضيفه اوى بس يا ريت تقولى رايك ايه فى مكنتها وكده يعنى لو انته جربتها ولا ليه عايز تشتتريها يمكن تفيدنا بالزياده ورمضان كريم

[AhmadRamadan]

انا الفكره كلها اني معجب بييها و اسمع ان هيا عربيه محترمه و افضل امكانيات في الانسر فا عشان كدا و شبابي و حلوه

[khaloud]

اوك ماشى يعنى احنا الاتنين عايزين نعرف معلومات عنها واهل الخبره الى مجربنها بيبخالو علينا ومش راضين يرضو علينا العموم متشكرين يا جماعه وبرضه رمضان كريم

[Ahmed Samy]

استنو بس
ماتزعلوش

بص يا سيدي

ال1600 منها غالبا منها بيكون مسقط موتور (مش عيب يعني) بس م خليجي لأن كان في حظر استيراد من غير بلد المنشأ أيامها فما كانش في غير عربيات الوكيل و كان ال1600 تعرفته كبيرة زي ما انتو عارفين فكل المكاوي في مصري 1300 الا اللي جايبها معاه من بره أو مسقط

السعر دلوقتي بقى مش ثابت لأنه بيفرق جدا جدا جدا حسب الحالة

يعني ممكن تلاقي منها ب 56 الف و ممكن تلاقي ناس بتطلب 69 الف

في عربيات متهانة و متبهدلة

بس عموما خليك في موديل 2002 و 2003

صعب تلاقي كيلوات قليلة اقل من 50 60 الف بس هاتلاقي منها فابريكة لأن في ناس كتير بيقتنوها كاستثمار

أمثلة للإفادة :

عربيتي 2002 ماشية 135 الف فابريكة بالكامل و صالون 100% بس مغيرلها رفرف بعتها بـ63 الف لطبيب معرفة و عارف العربية كويس اتوتوماتيك كاملة

وواحدة تانية 2003 جامبو اللي هي بفتحة سقف و فابريكة بالكامل ولا قلم بوية حتى اتباعت بـ 61 وكان طالب فيها 70 الف بس باعها لمعرض علشان كان محتاج فلوس و العربية كان صالونها متبهدل شوية (المعرض باعها بأكتر من 65 الف بعدها بس اللي اشتراها مرضيش يقول بكام بالظبط)

بس الكلام ده من 3-4 شهور يعنى الأيام دي انت بتتكلم في أواخر الخمسينيات لحاااد 65 الف مش أكتر

الا الحالات الشاة