اريال السقف اتسرق الحقوني

[emad1973]

انا سيبت اريال السقف
رجعت لقيت واحد ابن حلال
اخذه ومشي
فايه اخبار اريال اللانسر البومة السقف
ويعمل كام
الاصلي والتقليد
وهل فيه فرق بينهم
وبيتباع فين
ويا ريت لو في وسط البلد
واخر حاجة ممكن اي اريال سقف بيتباع في التوفيقية يركب
ولو كده انواع ايه الي تركب
وشكرا لكم
ورمضان كريم

[amr.elsayed]

هى الناس جرالها ايه حيعمل بيه ايه الاريل يعنى
منه لله بقى وان شاء الله ما يكونش غالى يا باشا
وانتظر رد خبراء اللانسر

[أبو إياد]

الاصلى سعره 125 ج
والقاعده 175 ج بس انت مش محتاجها

[mohamedway]

بصراحة انا مش مقتنع بأريال السقف فى الانسر خالص و مقتنع بيه فى القايم و أحسن بكتير و مش فارق فى الشكل ٌوى ولا حاجة و مش هو ده اللى هيخلى العربية شكلها سبور أنا عربيتى إريالها فى القايم و بصراحة عملى جدا جدا و قريب من إيدى و بفتحه و أقفله زى منا عاوز و صعب سرقته عن إريال السقف.

كان فيه موضوع فى المنتدى بيناقش ان الانسر الإسبور و السام ينزل منها منوال و أنا بالمتاسبة بأضيف انه ياريت لو كمان تنزل بإريال القايم أفضل.

[M.Nasr]

حتى الاريال ماسبهوش فى حاله
حسبى الله ونعم الوكيل

[emad1973]

يا اخوانا دة كده غالي نار
طب مفيش حاجة تركب وتمشي الغرض
او تايواني او حتي صيني
ما تفرقش
المهم الراديو يشتغل كويس من غير تشويش

[مهندس_حسام حسين]

قدر الله وماشاء فعل جرب الاريال الكهربي بيتركب في جانب العربية في الشنطة وصعب السرقة واعتقد ان توصيلتة موجودة في الشنطة وربنا يعوض عليك ورمضان كريم.

[emad1973]

شكرا لكم اخواني
بس حرام يبقي عندي مكان اريال في السقف واركب اريال تاني
كده شكل العربية هيبقي بلاص خالص
ما زلنا في انتظار من تعرض لتجربة مشابه ويساعدنا

[bedo13]

بص ياباشا انا معايا فكترا الجديدة (نفس الاريال بس ملولو كدة واحلى شوية وانا جربته على لانسر) و الاريال ضيعة واحد ربنا يسامحة المهم ابن عمي جابلي واحد و مارضيش يقولي بكام ولا منين(اكيد مش غالي يعني) المهم بكرة هارد عليك انشاء الله

[emad1973]

بص ياباشا انا معايا فكترا الجديدة (نفس الاريال بس ملولو كدة واحلى شوية وانا جربته على لانسر) و الاريال ضيعة واحد ربنا يسامحة المهم ابن عمي جابلي واحد و مارضيش يقولي بكام ولا منين(اكيد مش غالي يعني) المهم بكرة هارد عليك انشاء الله

ربنا يعوض عليك
وشكرا لك اخي
وفي انتظار ردك
ورمضان كريم

[أبو إياد]

على فكره ياعماد عربيتى وعربيه اخويا 2007 و 2008 من ساعه ما اشتريناهم والاريالين فى البيت ومش بنستخدمهم واحد صاحبى كان مستغرب اوى قولتله انا مش من هواه سماع الراديو ليه اسيبه ويتسرق المهم بابص على عربيته لقيته مش متركب قولتله طيب انت ليه مش مركبه قالى اصل اتسرق وطبعا شر البالية ما يضحك

[emad1973]

على فكره ياعماد عربيتى وعربيه اخويا 2007 و 2008 من ساعه ما اشتريناهم والاريالين فى البيت ومش بنستخدمهم واحد صاحبى كان مستغرب اوى قولتله انا مش من هواه سماع الراديو ليه اسيبه ويتسرق المهم بابص على عربيته لقيته مش متركب قولتله طيب انت ليه مش مركبه قالى اصل اتسرق وطبعا شر البالية ما يضحك

والله انا معاك لكن في السفر الواحد بيحب يسمع نجوم اف ام
ودي اذاعة لذيذة جدا اغاني علي برامج علي اعلانات مسخرة
بتقضي وقت السفر في حاجة جيده مش محروقة
هنا ينفع الاريال
من غيرة وش وتشويش خصوصا علي الزراعي
عموما شكرا ليك وما زلنا في انتظار سماع الاذاعة

[bedo13]

اسف على التأخير؛
هتلاقية في شارع دمشق ناس كتير بتبيعه في حدود 40-50ج مش اكتر ممكن تسأل على بتاع المازدا هايركب عندك

[emad1973]

اسف على التأخير؛
هتلاقية في شارع دمشق ناس كتير بتبيعه في حدود 40-50ج مش اكتر ممكن تسأل على بتاع المازدا هايركب عندك

باشا
متحرمش من ذوقك وسرعة ردك
بس معلش شارع دمشق ده فين بالضبط
معلش يبان السؤال ساذج
بس انا مش من القاهرة ولو كده هنزل مخصوص

[bedo13]

باشا
متحرمش من ذوقك وسرعة ردك
بس معلش شارع دمشق ده فين بالضبط
معلش يبان السؤال ساذج
بس انا مش من القاهرة ولو كده هنزل مخصوص

اسف مش هاقدر افيدك في دي انا كمان مش من القاهرة ، من سوهاج صعيدي يعني_ المهم هوا تقريبا في مصر الجديدة بس هو معروف جدا والي يسأل مايتوهش ومعظم الأعضاء في المنتدى يعرفوه