لمبة عداد البنزين

[hishamkenawy]

عندى مشكلة لمبة عداد البنزين مش بتنور مستوى البنزين كان نحت العلامة الحمرا بشوية وبردة لمبة البنزين مش بتنور مش عارف لية فكيت العداد وغيرت اللمبة وبرضو مفيش فايدة
طابعا الموضوع دة عرفتة بصدفة كنت مسافر وبعدين دخلت المحطة علشان احط بنزين ملقتش فامشيت مسافة كبيرة على ما لقيت محطة تانية كان مستوى البنزين عدى الاشارة الحمرة واستقر بعدها بدون حركة عربيتى لانسر 98 العداد دائما مش بيدى قراءة سليمة بس المرة دى مكنش بتحرك بس اللمبة منورتش ارجو الافادة واس على الاطالة

[mohamedway]

عوامة البنزين عاوزه تتغير

[M.Nasr]

ماعندكش فكرة العوامة بتتغير ازاى وبتتكلف اد ايه عشان انا عندى العداد بتاع البنزين بيشتغلنى ساعات يشتغل وساعات لا ويدى قرايات غلط .

[hishamkenawy]

شكرا للرد بس متاكد من موضوع العوامة وياريت لو تعرف العوامة بكام شكرا

[mohamedway]

عوامة البومة أصلية من التوكيل ب350 جنيه انما الكريستالة معرفش بس هتلاقيها قريبة من كده بردو على ما أعتقد و تركيبها بيكون من خلال طبه موجودة تحت الكنبه الخلفية و ليها فيشه بتفكها و بتفك مساميرها و تطلعها من التنك و تدخل الجديده و تربطها كويس و تتأكد ان الجوان بتاعها قافل و مطبع كويس و تركب الفيشه و لو ناوى تغيرها بنفسك خليك حريص لأن تنك البنزين هيبقى مفتوح قدامك من خلال فتحة قطرها حوالى 5 سم و لو حصل أى خلطة زى إشعال سيجارة أو ما شابه يبقى كل سنة و انت طيب و خلى بالك انك عشان تخرج العوامه من هذه الفتحة بالدراع بتاعها هتعمل شوية مناورات لإخراجها من هذه الفتحه الديقه بالنسبه للعوامة و كذلك و انت بتدخل الجديدة و من الأخر لو انت متعود تشتغل و تصلح بأيدك هتلاقى الموضوع تافه جدا بس المهم تلاقى العوامه أصلى و ما أنصحكش تجيبها غير أصلية حتى لو فيها وفر فلوس جامد لأن ده حاجة بتبقه جوه التنك مع البنزين و ح موقفها حساس جدا زى لو حصل منها شرارة ولا حاجة يبقه كل سنه وانت طيب

[hishamkenawy]

مش ممكن تكون العوامة عاوزة تنضيف او تغير اجزاء منها وهى فعلا ليها علاقة بالمبة البنزين تخليها متنورش

[mohamedway]

مش ممكن تكون العوامة عاوزة تنضيف او تغير اجزاء منها وهى فعلا ليها علاقة بالمبة البنزين تخليها متنورش

بص هو أنا مشوفتش عوامة الكريستاله نظامها ايه بس غالبا هى زى البومه أو قريبه منها و بالنسبه لعوامة البومه عباره عن العوامه نفسها و ليها ذراع حديد رفيع و خفيف الوزن و ليها كارته إلكترونيه صغيره بيمشى عليها أبلاتين و الكارته بتحس بمكان الأبلاتين عليها (المتغير بتغير مستوى العوامة) عن طريق خطوط رفيعه جدا و دقيقه جدا مطبوعه على الكارته و اللى بيحصل انه مع الإستخدام و وجود البنزين لفتره طويله الخطوط ده بتتمسح فى أخلب المناطق و فى المناطق ده بيبقى الأبلاتين ماشى على البلاستك بتاع الكارته و لايمكن طبعا الكارته هتحس بيه و طبعا حلها ان العوامه كلها تتغير و خلى بالك ان عمر العوامه ما هيكون سبب بوظانها و ساخه على الكارته لأنها أصلا جوه البنزين و مفيش أفضل من كدة تنضيف ليها.

[hishamkenawy]

انا فكيت العوامة وهى تقريبا ذى الوصف اللى انت وصفتة بس مفيش فيها كارت الكترونى هى عبارة عن زراع طويل وفى اخرة حاجة تشبة الابلاتين وعلية كفر بلاستيك وزراع خفيف الوزن فى بلاستيكة سوداء سهل الحركة
المهم انا نضفتها وحولت انضف الجزء اللى يشبة الابلاتين لان فيى ثلاث فتحات صغيرة
وبعد كدة ركبت العوامة واللمبة نورت وبعد كدة بطلت العربية وجيت اشغلها تانى منورتش حولت معاها كتير ولكن دون جدوى

[HeMa_LanCeR]

لمبه بنزين الكريستاله ليس لها علاقه بالمؤشر
ليها قرايه تانيه
لأن انا حصلتلي مرتين ان المؤشر كان في الاخر ومش اشتغلت
ومره كن لسه فاضل شرطه بس طالع مطلع واشتغلت
عموما هي مش بتشتغل غير لما الطرمبه تبتدي تسحب ال 5 لتر الاحتياطي
انا اعرف ناس بتمشي علي اللمبه وهي منوره حوالي 50 كيلو

[HeMa_LanCeR]

انا فكيت العوامة وهى تقريبا ذى الوصف اللى انت وصفتة بس مفيش فيها كارت الكترونى هى عبارة عن زراع طويل وفى اخرة حاجة تشبة الابلاتين وعلية كفر بلاستيك وزراع خفيف الوزن فى بلاستيكة سوداء سهل الحركة
المهم انا نضفتها وحولت انضف الجزء اللى يشبة الابلاتين لان فيى ثلاث فتحات صغيرة
وبعد كدة ركبت العوامة واللمبة نورت وبعد كدة بطلت العربية وجيت اشغلها تانى منورتش حولت معاها كتير ولكن دون جدوى

طيب تمام معني كده ان العداد سليم
بس نصيحه بلاش تلعب في العوامه علشان دي بتتلكك وحساسه قوي
وكمان حرام تمشي علي العربيه لحد الاخر كده
كده انت بتضر حاجات كتير
فلاتر ومواسير وكربراتير
خليك في المضمون وماتقلقش ولو عايز تجرب فعلا اللمبه والموضوع داخل دماغك
خلي معاك جركن بنزين في العربيه
وامشي بيها وهي فاضيه لحد الاخر وطبعا اطمن علشان معاك جركن بنزين
وانت هتشوف اللمبه منوره وزي الفل

[hishamkenawy]

مشكلة عداد البنزين انة مش بيدى قراءة سليمة فصادف ان مرة البنزين قل اوى واستنيت اللمبة تنور منورتش من هنا انا لاحظت الموضوع انما طابعا غلط جدا ان مستوى البنزين يكون قليل
الغريب انها نورت شوية وبعد كدة طفت وبعد كدة روحت امون حطيت 30 لتر المؤشر وصل للنص معنى كدة ان التنك كان فاضى
على العموم هية اهميتها ليا انها بتعرفنى ان كدة خلاص لسة 8 لتر