إعـــــــلان

**إسلام شاهين** · 23-10-2007, 02:55 PM

ألف مليووووووووووووووووووووووووووووووون مبروك

بص يا سيدي موضوع الإفراج الجمركي ده على المعرض طبعا ولا علاقة لك به نهائيا هو عايز يحلل أي حاجة منك وخلاص

موضوع النمر مقدرش أفتي فيه لأني لما استلمت عربيتي قعدت فعلا حوالي 5 أيام بدون نمر ولا جبت تجاري ولا غيره لغاية لما المعرض اتصل بيا وبعتلي واحد على المرور اللي أنا عايز أرخص فيه ورخصت والحمد لله .

ملحوظة :- لا تنسى التليين والغطا والإنذار والسينسور والزينون والفوجات والستاير وكلبش الدركسيون والجنوط ووووووووووووووووووووووووووووووووووووووووووووووو :lol: ;)

**tareq_khamesy** · 23-10-2007, 02:58 PM

النهاردة ان شاء الله هانزل اجيب الغطا و الكلبش .. و الباقى حبة حبة يا اسلام باشا احنا مش قدك برده :D
بس هو ايه احسن انواع الكلبش و بكام و عند مين (يا ريت لو فى مدينة نصر)
و الله يبارك فيك يا مستر

**zozza** · 23-10-2007, 03:02 PM

الافراج الجمركي طبعا عليهم مش عليك انتا حتي لو كانت خليجي بيبقي المستورد هو المسؤول عن مصاريف تخليص الفراج الجمركي انت ملكش دعوه و اوعي تديلو ال 125 جنيه.

ثانيا ورق المرور و الافراج الجمركي و التأمين الاجباري كل ده بيخلص في ساعتسن زمن من مرور مدينه نصر و انت بس بتدفع 97.5 جنيه تمن التأمين الاجباري لمده سنه.

انا مش عارف ايه لازمه النمر المؤقته الا لو المرور مافيهوش لوح ارقام اليومين دول. اسأل في المرور في شباك اللوح لو فيه عندو ارقام يبقي ملهاش لازمه تعلق مؤقته لأن للعلم المؤقته تمنها 30 جنيه كل شهر + 2 جنيه عن كل يوم يعني 2*30+30 = 90 جنيه في الشهر المفروض انت اللي هتدفعهم و للعلم كمان لو انت شاري تقسيط يبقي البنك مش هيعترف بالنمر المؤقته و هيعتبر العربيه لسه مترخصتش.

من الاخر لو فيه لوح في شباك النمر و مفيش ازمه ارقام زي اللي حصلت تاشهر اللي فات يبقي بالكتسر يومين و تعلق نمر ملاكي

**إسلام شاهين** · 23-10-2007, 03:02 PM

الكلبشات كثير بس أحسن واحد بتاع الدركسيون ( صغنن كده على قد الطارة ) هتلاقيه عند أي حد بتاع إكسسوار وسعره مابين 25 ل 40 وعندك سبير كار في مدينة نصر امتداد شارع رمسيس عند نادي السكة ( بس مش عارف بصراحه عندهم ولا لأ ) .

**tareq_khamesy** · 23-10-2007, 03:25 PM

بالنسبة لموضوع التليين انا احتارت بصراحة .. ناس كتير قوى قوى بتقول ان العربيات اللى متجمعة فى هى بس اللى محتاجة تليين انما المستورد كله بييجى متلين جاهز ولا داعى للتليين ... منهم ناس شغالة فة توكيلات و معارض كبيرة زى غبور و ابو غالى
.. ف الجواب النهائى ايه يا جمااااااااااعة ألين ولا لا ء ؟؟؟ (اريد حلا) :roll:
و بالنسبة لموضوع النمر انا فعلا بدأت اتحرك بالعربية و اخاف ان الترخيص يتأخر او ان رخصتى تتسحب لا قدر الله
و انا لسة جايبها من اسبوع بعد ما كانت مسحوبة رادار و قعدت شهر على ما وصلت المرور :?
لانى حسب ما سمعت انى ما ينفعش امشى بالعربية من غير نمر اكتر من يوم تاريخ الاستلام فقط ... و ايه رأيكم

**أبو_حمزة** · 23-10-2007, 03:55 PM

و الله لو لينت و العربية مش محتاجة يبقى مش ها تخسر غير شوية الزيت اللى ها تغيرهم بدرى و
اما لو ما لينتش و العربية محتاجة يبقى قصرت عمر الموتور
شوف انت بقى
تدوس على نفسك و تمسك نفسك عن البنزين حب عشان تحمى العربية وللا تدوس و انت و حظك
يا سيدى ليين مش ها تخسر حاجة دا كلهم 1000 كم يعنى يخلصوا فى اسبوعين و يمكن اقل

**Dr Ahmed** · 23-10-2007, 05:08 PM

النمرالتجارية غير المؤقتة
التجارية على صاحب العربية مش المعرض مهما حاولت وبتكلف من 25 - 50 ج يوميا ، لكن الافراج الجمركى طبعا عليهم..
التليين لا أقتنع بجدواه وشايفه من بقايا تراث السيارات إلا لو كان عند المتخصصين رأى آخر.

**fahd_628** · 23-10-2007, 05:27 PM

اانا راى فى موضوع التليين انك تلين انت مش خسران حاجة دول كلهم 1000 كم

**Dr Ahmed** · 23-10-2007, 05:45 PM

بخصوص الكلبش الصغير اللى على الطارة بس
لا يمكن تركيبه فى الانسر الطارة الجديدة لأنه بيفضل دايس على الكلاكس

ثانيا بصراحة ممكن العربية تتاخد وهو متركب ..
لكن فيه احتمال أكون ركبته غلط.. هو انتم بتركبوه إزاى؟

**اسلام المصرى** · 23-10-2007, 10:30 PM

ألف مبروك يا باشا :-) ربنا يباركلك فيها ويديك خيرها و يبعد عنك شرها , ان شاء الله الأجراءات تنتهى بسرعة و تستمتع بالعربية :-) بالتوفيق ان شاء الله.

**محمد عبد المجيد** · 24-10-2007, 08:01 PM

الف مبرووك ياباشا ربنا يبارك لك فيها - ومبروك الانضمام للعائلة ونشنت صح :shock:

إعـــــــلان

.

الافراج الجمكرى على مين يا جماعة ... ارجو المساعدة

الافراج الجمكرى على مين يا جماعة ... ارجو المساعدة

Comment

Comment

Comment

Comment

Comment

Comment

Comment

Comment

Comment

Comment

Comment