إعـــــــلان

Collapse

.

,
See more
See less

اجتماع سوء الحظ مع الجهل ، جابولي المكنة الأرض ، بس الحمد لله

Collapse
X
 
  • Filter
  • الوقت
  • Show
Clear All
new posts

  • اجتماع سوء الحظ مع الجهل ، جابولي المكنة الأرض ، بس الحمد لله

    أولاً دي مش أول مشكلة أقع فيها مع العربية ، أنا عربيتي ركنتها أكتر ماركبتها و مكلفاني ما يقارب الخمسين ألف إجمالي الحوادث ، و الله يا جماعة أكتر وقت العربية قعدت فيه من غير حوادث 3 شهور و عامل أربع حوادث في سنة واحدة . ( معملتش حوادث قبل السنادي ) .

    آخر حاجة حصلتلي على الطريق الزراعي ، نازل بعد كبري قها الجديد ( مش عارف فين بالتحديد ) كانوا رصفين وش أول و سايبين مقلب في الطرق ، حته واطية عن بقيت الأرض مش عارف سايبنها ليه و بعدها على طول جزء عالي عن الأسفلت ، و الكلام ده في كرف ، المهم أنا ماشي على اليمين 80 أو 90 و جمبي لانوس ماشي جمبي و بطأ معايا في الكرف و زنقني في حارتي و لقيت الحوار ده في طريقي مش هعرف أفاديه من يإما هخبط اللانوس ، فأكلتها ، الغريبة بقى إن الخبطة ماكانتش قوية جدا يعني ، و العفشة الحمد لله سليمة ، الغريبة إن قاعدة الفتيس و قاعدة الماتور إلي عند الباور ( لانسر 2003 ) إتكسروا مع بعض( قاعدة الفيتيس كانت تعبانة أصلا ) ، فالمكنة اتهبدت فاتكسر ترس سير التقسيمة فقعد ينحل في السير لحد ما اتقطع و العربية بطلت .

    هنا يجي دور الجهل ، كنت قال يعني بعمل تشيك على قواشيط البطارية و سير الدينامو و كل شوية أحاول أدور ، الحركة بتاعت التدوير دي جابتلي صبابات و داخل في نص عمرة و ربنا يستر على ابساتم و الكرنك . و الله العربية كنت مصلحها و صارف عليها 25 ألف قبلها بشهر بس . بس الحمد لله رب العالمين ، اللهم إن لم يكن بك غضب علي فلا أبالي .

    المهم حبيت أكتب موقفي ده جايز واحد غيري يتعلم لما العربية تبطل منه لأي سبب ميحاولش يدور قبل ما يتأكد إيه السبب بالضبط ، و أنا شخصيا متعلمتهاش ببلاش .

    طولت عليكم في أول مشاركة ليا أنا آسف .

  • #2
    طبعا الحمد لله علي كل شيء
    بس عندي سؤال ازاي سير الكاتينه قطع وبعدها انت حاولت تدور وجابت صبابات بسبب كده
    اسف كده المعلومه غلط
    لما سير الكاتينه قطع العربيه في لحظتها جابت صبابات
    يعني قبل ما حضرتك تفكر تدور
    لأن ساعه ما حضرتك كنت بتدور كان السير مقطوع ومعني كده ان حركه عمود الكرنك كانت مفصوله عن وش التاكيهات اللي هو المتحكم في تشغيل الصبابات
    عموما ربنا يعوض عليك
    بس ياريت تصلحها عند واحد كويس علشان يقدر يطلع الشغل مظبوط
    ولو محتاج اي حاجه انا تحت امرك
    [CENTER]:11_5_14[1]:[/CENTER]

    Comment


    • #3
      الحمد لله على كل شئ و ربنا يعوض عليك ..

      بس شكلك متهور فى السواقة ... خلى بالك ..

      بالدليل حوادث مستمرة ...

      هدى السرعة شوية ..

      قدر الله ما شاء فعل
      [CENTER][SIZE=3][COLOR=DarkRed][B]نفسن براحتك ..
      إشتم براحتك ...
      إغلط و متعوزش تتحاسب ...
      إتبلطج و خدها دراع و أعمل دكر ..
      إحجر على الرأى التانى و إتريق على الناس ..
      إنت عن جدارة عالم ثالث و متتكلمش تانى على الهجرة. [/B][/COLOR][/SIZE]
      [/CENTER]

      Comment


      • #4
        قدر الله وما شاء فعل...الحمد لله على كل شىء بس ليا سؤال
        هو حضرتك صارف عليها 25 ازاى؟....هو حضرتك شاريها مستعمله...ولو مستعمله ايه ياترا اللى يتكلف 25؟

        نصيحه ياباشا...حاول متمشيش فى الطريق السريع جنب حد ولو لايت حد جنبك هدى وعديه انا دايما بعمل كده
        وحاول تسمى قبل ركوبك السياره عشان ربنا يباركلك رحلتك ومشاويرك

        وفى الاخر قول الحمد لله بس حاول لما تظبط العربيه تبيعهاا
        م/ احمـد عـزت

        Comment


        • #5
          المشاركة الأصلية كتبت بواسطة hema_lancer مشاهدة المشاركة
          طبعا الحمد لله علي كل شيء
          بس عندي سؤال ازاي سير الكاتينه قطع وبعدها انت حاولت تدور وجابت صبابات بسبب كده
          اسف كده المعلومه غلط
          لما سير الكاتينه قطع العربيه في لحظتها جابت صبابات
          يعني قبل ما حضرتك تفكر تدور
          لأن ساعه ما حضرتك كنت بتدور كان السير مقطوع ومعني كده ان حركه عمود الكرنك كانت مفصوله عن وش التاكيهات اللي هو المتحكم في تشغيل الصبابات
          عموما ربنا يعوض عليك
          بس ياريت تصلحها عند واحد كويس علشان يقدر يطلع الشغل مظبوط
          ولو محتاج اي حاجه انا تحت امرك
          منا بقول لحضرتك الجهل وحش نا الميكانيكي قالي إني لما حاولت أدور جابت صبابات فصدقته ، بس عموما المعلومة بتاععت حضرتك هتهون عليا شوية ، و شكرا على ااهتمام ، و ياريت تدلني على حد بتاع عمرات ياباني كويس ، و لو الأحسن أسقط مكنة جديدة ولا العمرة .

          المشاركة الأصلية كتبت بواسطة relentless_mayhem مشاهدة المشاركة
          الحمد لله على كل شئ و ربنا يعوض عليك ..

          بس شكلك متهور فى السواقة ... خلى بالك ..

          بالدليل حوادث مستمرة ...

          هدى السرعة شوية ..

          قدر الله ما شاء فعل
          نفس كلام أهلي :( ، بس و الله العظيم مظلوم و عمري ما عملت حادث على سرعة و الحمد لله ، أنا غلطان في حادثة واحدة من الأربعة ، بقيت الحوادث مبكنش غلطان و بسيب الطرف التاني لإني مبقبلش عوض .

          Comment


          • #6
            المشاركة الأصلية كتبت بواسطة ahmed20_08nubira مشاهدة المشاركة
            قدر الله وما شاء فعل...الحمد لله على كل شىء بس ليا سؤال
            هو حضرتك صارف عليها 25 ازاى؟....هو حضرتك شاريها مستعمله...ولو مستعمله ايه ياترا اللى يتكلف 25؟

            نصيحه ياباشا...حاول متمشيش فى الطريق السريع جنب حد ولو لايت حد جنبك هدى وعديه انا دايما بعمل كده
            وحاول تسمى قبل ركوبك السياره عشان ربنا يباركلك رحلتك ومشاويرك

            وفى الاخر قول الحمد لله بس حاول لما تظبط العربيه تبيعهاا
            أنا صارف 25 ألف في حادثة واحدة بس . كتبت عنها في المنتدي غيرت جمب يمين و الرفرف الشمال و العفشة قدام و كنت شاري العربية زيرو .

            Comment


            • #7
              ربنا يعوض عليك , خليك هادى شوية فى السواقة حتى لو مش ماشي بسرعة .

              Comment


              • #8
                الحوادث دي نصيب والله العظيم
                وفلوسها بتروح تعويض لحاجة تانية
                وبجد وعن تجارب ليا ولناس حواليا ربنا مبيجبش حاجة وحشة لبني ادم ابدا

                Comment


                • #9
                  انا تحت امرك
                  بس علي فكره العربيه بأذن الله مافيش فيها حاجه في المكنه
                  انت بس هتفك الوش وتجيب صبابات وجلب صبابات وتخرط الوش (لو محتاج) وهتجيب جوان وش سلندر
                  المهم بس لما الميكانيكي يفك علشان نعرف لو فيه حاجه تاني بس بأذن الله مافيش حاجه
                  [CENTER]:11_5_14[1]:[/CENTER]

                  Comment


                  • #10
                    ربنا يعوض عليك والمهم انت بخير
                    http://store2.up-00.com/2015-11/1448722430351.jpeg[CENTER]my new car [/CENTER]

                    Comment


                    • #11
                      بصراحه انا متعاطف معاك في اللي بيحصل لحضرتك دا بس ان شاء الله ترجع زي الاول واحسن بس انا لما كنت بتعلم السواقه كان اللي بيعلمني دايما يقولي ان السواقه الصح مش انك متغلطش بس انك تتفادي خطأ غيرك

                      وقدر الله وماشاء فعل

                      Comment


                      • #12
                        الحمد لله ان عربيتك موديل 2002 ولا 2003 .. انا عربيتي 2007 مطلعها زيرو من سنتين و في حادثة برضه حصل في الماتور نفس اللي حصل معاك بالظبط .. سبحان الله
                        عموما كله خير و نصيحة يا تصلحها و تبيعها .. يا تبيعها على عيبها لأنها هتفتح بقها و مش هتجيب الفلوس اللي بتدفعها فيها .. و ده عن تجربة من اخوك

                        Comment


                        • #13
                          ربنا يعوضك ... وعسى أن تكرهوا شيئا وهو خير لكم
                          [CENTER]
                          [sor2]http://www.nilemotors.net/Nile/signaturepics/sigpic3314_4.gif[/sor2]
                          أحب الصالحين ولست منهم ........... لعلي أن أنال بهم شفاعة
                          وأكره من تجارته المعاصي ...........ولو كنا سواءً في البضاعة
                          الإمام الشافعي[/CENTER]

                          Comment

                          Working...
                          X