عوامة البنزين بتسقط فى الانسر !؟

[authority973]

العربية لانسر 2006 عوامة البنزين بعد ال full بسنة صغيرة بتسقط و المؤشر بينزل تحت الزيرو, الحكاية دى أرفانى من اكتر من سنة و بقيت خلاص بحسب كل إستهلاك بنزينى بالكيلوهات ورحت لكهربائى السنة الى فاتت طلعها و معرفش عمل فيها ايه بس مقعدتش فى ايده اكتر من نص دقيقة و قالى خلاص دى انساها ولما سألتو عملت ايه توهنى و مردش رد مقنع اشتغلت يوم واحد بعديها رجعت اوحش من الأول و كنت مسافر ساعتها معرفتش ارجعلة تانى و كنت متعايش مع حكاية الكيلوهات دى و عمرها مضللتنى لحد الاسبوع ده العربية قطعت منى بنزين لأول مرة على مطلع المقطم وكان معايا والدتى و اتعسفت يوميها والحمدلله و قررت انى انا لازم اصلحها و قلت اشوف لو حد مر بنفس التجربة دى يمكن يفيدنى وشكرا للإفادة

[محمد أنور]

حضرتك غيرتلها فلتر بنزين او حاجة قريب ؟
لو انت غيرته ممكن يكون اللي غيرلك الفلتر معرفش يركبه صح لأني فاكر اني لما غيرته في عربية والدي الكورولا عملت كدة و قلت للميكانيكي في ساعتها فكه و قعد يجرب يركبه كذا مرة لحد ما اشتغل تمام

[authority973]

لأ مغيرتلهاش فلتر بنزين دى حكاية العوامة دى من ساعت لما كانت العربية عامله 40000 والعربية كلها زى الفل و مفيهاش اى مشاكل الا العوامة دي تقريبا اخر مرة التكييف اشتغل فترة و العربية واقفة فهو ده الى أخل بحساباتى بتاعت الكيلوهات

[mohamedway]

أنا عربيتى 2006 بردو و كانت عامله 70000 كم و فجأة بدأت الاحظ انى لما بفول العداد يوصل للنهايه و بعد ما أطلع من المحطة بشوية ألاقى المؤشر على ربع التنك فقط لدرجة انى إفتكرت البنزين إدلق ولا حاجه و بعدين اتزبطت و بعد كام يوم رجعت تخرف تانى فمكدبتش خبر و روحت فاكك العوامه و مغيرها بواحدة أصلى جبتها بحوالى 350 أو 400 جنيه مش فاكر بالضبط و شكرا على كدة و كل حاجة اتزبطت....


يبقى انت من الأخر هتتكلف تمن عوامه أصليه من التوكيل بالسعر اللى انا قلتلك عليه و تشترى دماغك عشان لو هيه بايظه مش هتتصلح من الأخر كدة و إوعى تجيب عوامة من السوق تلاقيها رخيصه شويه ولا حاجة لأن ده بتركب فى وسط البنزين و فى مكان خطر و حساس فأنصحك تكون أصليه.

[mohamedway]

بمناسبة الموضوع ده كان لية تعليق..............

أنا العوامة عندى باظت على 70000كم وده رقم قليل قوى يتنافى مع درجة إعتمادية هذه السيارة وساعتها قولت ان عربيتى فيها حاجه غلط و حظى كده و غيرتها و خلاص و لكن لو الموضوع ده يا جمعه اتكرر مع ناس كتير يبقى ده عيب فى السيارة و عاوزين آراء الناس؟!!!!


طبعا انا عارف ان العربية ضمانها 100000كم ولكن فى 2006 كانوا بيدوا ضمان 60000كم فقط و طبعا لو كانت عربيتى ساعتها فى الضمان ماكنتش هسيب التوكيل إلا لم يغيرها على حسابه لأن ده كانت هتعتبر عيب صناعه على ما أعتقد و ياريت نعرف رأى البشمهندس طارق فى الموضوع ده!!!!!!

[مصراوي جدا]

أنا لم اسمع شكاوي من عوامة تنك البنزين بشكل متكرر انما لو حصلت فهي بالتأكيد مغطاه بالضمان بشرط تحقق شروط الضمان (عمل الصيانات الدورية)

[abuhamama]

انا كمان عندى عوامة البنزين بايظة بقالها سنة كانت لسه مكملتيش 60000 كيلو ونفس الكلام الى الاخوة قالوه والسياره لانسر 2005

[Xander2010_Evo]

وأنـا بردو عندي نفس المشكلة لانسر بومة 1600 2007
ولسه مكمل 39000
بتيجي كده مرة واحدة وانا ماشي لمبة البنزين تنور والعداد عليEmpty
ودايمآ تقل وترجع لوضعها الطبيعي لوحدها بدون سبب واضح
وعملتلي مشكلة وانا مسافر علي طريق البحر الأحمر أول مرة أفتكرت التنك بيسرب بنزين وخلص
مبقتش عـارف أمشي ولا مفيش بنزين اساسآ
ياريت يا أستـاذ طارق تسأل لنـا هيا لسه ف الضمان ومغيرتش فلتر بنزين قبل كده خااالص
فهل دي من عيوب المصنع ويتكفل التوكيل بتغيرها ولا لآ؟؟ ولو لآ تتكلف كام الأصلية ف التوكيل؟
وشكرآآ

[mohamedway]

وأنـا بردو عندي نفس المشكلة لانسر بومة 1600 2007
ولسه مكمل 39000
بتيجي كده مرة واحدة وانا ماشي لمبة البنزين تنور والعداد عليempty
ودايمآ تقل وترجع لوضعها الطبيعي لوحدها بدون سبب واضح
وعملتلي مشكلة وانا مسافر علي طريق البحر الأحمر أول مرة أفتكرت التنك بيسرب بنزين وخلص
مبقتش عـارف أمشي ولا مفيش بنزين اساسآ
ياريت يا أستـاذ طارق تسأل لنـا هيا لسه ف الضمان ومغيرتش فلتر بنزين قبل كده خااالص
فهل دي من عيوب المصنع ويتكفل التوكيل بتغيرها ولا لآ؟؟ ولو لآ تتكلف كام الأصلية ف التوكيل؟
وشكرآآ

ما تسيبش حقك عشان واضح انه عيب صناعه فى العربية و عوامتها ما بتستحملش شغل و كويس انك فى الضمان و كل الناس اللى ردوا و حصلهم مشكلة موديلات قريبة و عربيات عامله كيلومتر قليل جدا على إنه يحصل مشكله زى ده.


معانا عربيه فيات 131 موديل 76 معانا من الزيرو و بقالها دلوقتى معانا 33 سنة تقريبا و عوامة البنزين باظت مره واحده خلال هذه المدة و ساعتها العربيه كان بقالها معانا 20 سنه تقريبا.

[mado4love]

مش عارف انا بحس انى عربيتى بتسحب بنزين

[dr.ayman]

و انا عندى لانسر 2002 و برضه مؤشر البنزين مش مظبوط فجأه يقل لوحده خالص و يرجع يتظبط تانى و العربيه عامله 70 الف تقريبا
و مش عارف اصلح الموضوع ده ازاى ؟

[Samooh_2003]

طيب مع احترامي للمهندس طارق ولكل الاعضاء تقريبا انا تقريبا شبة المشكلة ده بردو بس انا اوقات اول لما اجي اشغل العربية تعمل كدا تنور على الايمبتي لازم اطفي الكهرباء كلها وارجع اشغلها مع اني مغير فلتر البنزين من شهر في صيانة ال 80000 عند الرواس وبتعملها اكتر من اسبوعين اهي فايترى ده عيب ايه بالضبط؟ وايه الحل بتاعو انا لانسر 1600 2007

[M.Nasr]

انا كمان عندى مشكلة فى المؤشر بيشتغل بمزاجة وبيدى قرايات غلط بكون لسه مفول التنك والاقى المؤشر على التلت تربع وساعات فجاة تنزل تحت خالص واللمبة تنور ولما اطفى العربية واشغلها تانى يتعدل ومن اسبوع بالظبط فكيت الطبة وهنا عايز اقول حاجة ان الفلتر لوحده بعيد عن العوامة الفلتر له غطاء اسود ب 4 مسامير لكن العوامة تحت الطبة المدورة الالمنيوم دى بتتخلع متركبة كبس من غير مسامير المهم فكيتها وفكيت العوامة وسنفرت الشريحة اللى بتاخد قراية العوامة وركبتها فى مكانها تانى وفولت التانك راح اتعدل بس النهارده رجعت تانى عملت نفس الحركة ولقيت المؤشر نزل تحت خالص
هى فعلا عيب فى العربية لأن كتير اشتكو نفس الشكوى

[mohamedway]

انا كمان عندى مشكلة فى المؤشر بيشتغل بمزاجة وبيدى قرايات غلط بكون لسه مفول التنك والاقى المؤشر على التلت تربع وساعات فجاة تنزل تحت خالص واللمبة تنور ولما اطفى العربية واشغلها تانى يتعدل ومن اسبوع بالظبط فكيت الطبة وهنا عايز اقول حاجة ان الفلتر لوحده بعيد عن العوامة الفلتر له غطاء اسود ب 4 مسامير لكن العوامة تحت الطبة المدورة الالمنيوم دى بتتخلع متركبة كبس من غير مسامير المهم فكيتها وفكيت العوامة وسنفرت الشريحة اللى بتاخد قراية العوامة وركبتها فى مكانها تانى وفولت التانك راح اتعدل بس النهارده رجعت تانى عملت نفس الحركة ولقيت المؤشر نزل تحت خالص
هى فعلا عيب فى العربية لأن كتير اشتكو نفس الشكوى

الحل فى تغيير العوامه كامله و ليس صنفرتها زى ما عملت و كويس انك عرفت تفكها و تتعامل معاها و ناقصك فقط انك تفكها تانى بس تركب مكانها واحده جديده و ترمى القديمه خالص هتلاقى الدنيا إتزبطت (ده اللى أنا عملته و نفس العيب اللى بتقول عليه اتصلح و كله بقه تمام بس لازم تجيبها أصلى من التوكيل و هتعمل حوالى 350 جنيه)

[authority973]

الحمد لله انا صلحتها و شغالة زى الفل ومن الواضح انها مش مشكلة فردية و عند اكتر من فرد لأن الكهربائى الى روحتلة قالى إن ده عيب فى العربية الانسر و اكتر العربيات اللى بتجيلة بمشكلة العوامة, لانسر,.بس معروف طبعا ان الصنايعية كلامهم كتير و مصدقايتهم شبه معدومة, انا عن نفسى مبصدقش اى كلام اى صنايعى يقولهولى بس اللى اثبتلى إن الراجل صادق إن كان شكلة عارف هو بيعمل ايه, حتى بعد مخلص وقبل ما يجربها حتى قالى خلاص يا باشا كده انساها, قولتلة منا روحت لكهربائى زى حالاتك قبل كده و قالى انساها بردة و تانى يوم باظت, قالى يا باشا عالعربية دى (وشاور على عربيتى) قالى لو فيها حاجة مش هجيبلك عوامة جديدة هجيبلك عربية جديدة, قولتلة إما نشوف و فعلا شغالة زى الجديدة بالظبط بقالها اسبوعين تقريبا مفيش مرة فارقت حتى و انا عينى عليها علطول,
عمل ايه هو بقى, مبدئيا مرديش يورينى هو بيعمل اية (سر الصنعة) ,خد العوامة وقالى معلش يا باشا مبعرفش اشتغل و حد فوق دماغى! ودخل فى زخانيق الورشة بتاعتة, الكلمة استفزتنى طبعا بس مرديتش عليه و قلت فى نفسى اما نشوف اخرتها معاه, و لو ما اشتغليتش او باظت بعد كدة ابقا اطلع كل ده بقه فوق دماغة, و برغم كدة بردة كنت شايف هو بيعمل ايه من بعيد جاب زى حتة حديدة رفيعة و كان بيسخنها بولاعة و ثبتها بالطول كأنها دعامة بردة مخادتش بالى اوى لأنة خدها ركبها علطول, خد وقت أد اية.. 10 دقايق اكتر من نصهم كان بيتكلم مع زباين تانية, خد فلوس أد اية.. كان عايز 30 فاصلتة و اديتة 20 و كان مش مضايق.. الراجل مكانة فين فى الحى السابع, مدينة نصر, اى استفسارات اخرى انا تحت امركو...