علبة دركسيون لانسر كريستالة ؟؟؟

[D . a .\ AYMAN]

ياترى علبة الدركسيون بتاعة لانسر كريستالة موديل 98 الواحد ممكن يجيبها منين وسعرها يكون في حدود كام سواء جديدة أو إستيراد

ولو إستيراد تبقى من عند مين

والعفشة كمان لو حد يعرف أسعار الأجزاء بتاعتها تبقى في حدود كام ... وإيه أفضل واحد للشراء من عنده

ولو في صنايعي بقى بيفهم في تركيب الحاجات دي بقى كمان يبقى كتر خيركم (معلش طمع بقى )

وممكن الواحد يظبط الموتور بتاعها فين

معلش ياجماعة أصلي جديد في موضوع اللانسر ومعرفش فيها حاجة


الف شكر مقدما لكم جميعا

وجزاكم الله خيرا كثيرا

[D . a .\ AYMAN]

إيه ياجماعة الخير

إنتوا فين بارك الله فيكم

مشاركة قليلة تمنع بلاوي كتيرة

[D . a .\ AYMAN]

[D . a .\ AYMAN]

[dr-mohamed]

اخي ايمن
علية الدركسيون معرفش والله عنها حاجة تفيدك واكون واثق منها
لكن ايه عرفك انها عايزة تتغير
اتاكد الاول من اكتر من صنايعي
انا رحت لواحد شكروا فيه هنا في شارع فيصل قبل الطالبية الباشمهندز من غير ما ينزل تحت العربية او يرفعها قال العربية دي عايزة 4 مساعدين و4 سوست وعلية دركسيون بعدها رحت الرواس اللى في رمسيس كشف عليهم قالى ولا فيهم اي حاجة كلهم تمام ومفيش اي حاجة فيهم
المهم

اللى انا سالت عليه وفاكره كويس هو المساعدين وكان الامامي ب600 والخلفي ب350 او العكس والاسعار دي من واحد في فيصل عند تربية رياضية بس والله ما فاكر اسمه

ولو عايز نصيحتي روح التوكيل الاول في المصرية في طريق مصر اسكنددرية الزراعي عند قليوب وهتلاقي اخوان المهندس طارق وهو عضو هنا واسمه مصراوي جدا استشاري مصراوي او الرواس اللى في وسط البلد بعد نقابة المحامين ب20 متر واكشف على العربية الاول واعرف هي محتاجة ايه بجد مش سرقة

[D . a .\ AYMAN]

الف شكر على رد وإهتمام حضرتك

أنا فعلا لما بصيت عليها لاقيت إن العلبة نفسها كويسة بس العيب بتاعها هوة إن كل الجلب بتاعة المقصات والعلبة وكل ما هوة جلد في العفشة تقريبا بايظ ودايب .. وواضح إن صاحبها الأول لم يصرف عليها أي شئ منذ أن إشتراها ... عشان كده عاملة دوشة في المطبات وبوش في الدركسيون

أنا منتظر حد بس يفيدني بميكانيكي وبتاع عفشة كويسين وعندهم ضمير يكونوا متخصصين وبيفهموا في الكرستالة عشان أروحلهم

[dr-mohamed]

يا نسمة لو تقبلي تاخدي نصيحتي
خليك في التوكيل علشان واضح ان العربية لسة جديدة معاكي وان صاحبها كان مهمل جدا فيها
خديها التوكيل يشوفوا الجلب والسوست والمساعدين وعلبة الدركسيون ولو طلع الجلب بس يبقي غيريهم فيه الفرق مش هايبقي كتير عن برة
وفيه المصرية اللى في قليوب وفيها المهندس طارق او الرواس اللى في رمسيس جنب نقابة المحامين فيه المهندس وليد والاتنين محترمين جدا ولو فيه حاجة مش مستاهلة تتعمل هايقولوا لك لا ولو فيه حاجة ممكن تقعد شوية هيقولوا لك بردو يعني من الاخر فاهمين وعندهم زمة صعب تلاقيها عند الورش

[أبو_حمزة]

الله ينور عليك
زى اخونا ما قال روحى التوكيل
و على فكرة ممكن يطلع كل الموضوع تربيط و مش ها يكلف فى التوكيل اكتر من 50 جنيه
كده كده لازم تجيبى قطع الغيار من الوكيل طالما عايزة تحافظى على العربية و كمان لسة الخبرة فى الاول
ما تخليش عفشجى مهما الناس شكرت فيه يفتى و تصدقيه