رخصنا الشارك بحمدالله

[bedoo100]

الحمدلله رخصنا الشارك و هذا تقييم مبدأى للسياره :

السياره فئة الهاف اوبشن ( تكييف - باور - 4 زجاج كهرباء - مرايات كهرباء - سنتر و ريموت - جنوط 16 بوصه - كاسيت سي دي مدمج مع التابلوه- ايرباج للسائق - ابانوس عسلي حليه في التابلوه )

سعر السياره 123 الف من ناشونال موتورز بس انا جبتها من معرض تاني من عباس العقاد عملي خصم 1250 جنيه يعني سعرها اصبح 121.750

المعرض التاني ده علي فكره جابها من ناشونال موتورز برضه و ده عرفنه من شهادة البيانات و حواب المرور .... يبدو ان ناشونال موتورز بتدي خصم للتجاري

بالنسبه للسياره ساقوم بعرض تقييمي لها مع ملاحظة اني لازلت في التليين و مقارنة بسيا رتي السابقه و هي كيا سيفيا 2001 و لانسر بومه 2006 :

1- السياره في منتهي الجمال و الاناقه من حيث الشكل
2- السياره قمة في الاتساع و هذه نقطة في منتهي الاهميه بالنسبه لي حيث ان طولي 2 متر تقريبا
3- الصالون راقي جدا مع لمسه شبابيه في العدادت و التابلوه
4- الموتور هادئ جدا و لا تسمع له صوت ولا تشعر بنقلات الفتيس الاوتوماتيك
5- التسارع ضعيف حاجه بسيطه في اول الحركه ( يمكن علشان لسه مقرصتش علي الموتور ) و لكن عند سرعة 40 كم/ساعه يصبح التسارع اكثر من رائع
6- العفشه في منتهي النعومه بجد اكثر من رائعه و ده بحكم والدي (يقود شيفروليه اوبترا ) و بحكم عمي (يقود كورولا 2006 )
7- جربت التكييف لحظات فقط فوجدت التبريد ممتاز
8- لم اصل لسرعة عاليه بعد و لكن الثبات عالي جدا عند سرعة 90 كم/ساعه تشعر بانك عند سرعة 60 كم/ساعه
9- الانوار واضحه جدا و الفوج لايت كانه مصباح سياره صغيره

باختصار اعتقدت اني وفقت في الاختيار بحمد الله مقارنة بالسيارات السابقه او بالسيراتو المنافس الحالي للشارك ولكن اعتقد ان السبورت ستكون افضل لنقص كماليات الهاف اوبشنز

[EslaM_NagY]

الف مبروووووووك

[bedoo100]

صحيح نسيت ات اذكر ان السياره مواصفات سعوديه و لا يوجد عليها ضمان و الضمان المتاح بمبلغ اصافي ولكن سالت قالولي تقريبا غير معتمد اي سيكون علي اي مركز خدمه للصبانه الدوريه و لن يشمل عيوب الصيانه ..... اصله مش معقول يا جماعه ادفع الف جنيه بس للسنه للضمان و لو مساعد باظ مثلا لا قدر الله هيقولولي اهلا و سهلا اتفضل مساعد جديد لانك في الضمان الحلمنتيشي و هيه دي ميزة الوكيل الاساسيه و لكن الوكيل اسعاره زياده بشكل مبالغ فيه جدا و كمان الضمان عنده بتاع عيوب الصناعه برضه مش بالساهل كده
انا اتوكلت علي الله و قلت ان ان شاء الله مش هحتاج لاي ضمان لا نها عربيه ياباني كلها و ربنا يستر

[neonate]

الف مبروك علي العربيه بس كنت عاوز اعرف فيها abs وabdوفيها كام airbagوالمعرض ده اسمه ايه وفين

[M.Nasr]

الف مبروك ربنا يبارك لك فيها يارب ويديك خيرها دايما

[totti3377]

اولا الف مبروك ربنا يكفيك شر العين بس انا جايبها سعودي كاسيت مدمج وجنت 16 وشبوره وابنوس تابلوه وابواب اماميه وسنتر و4 زجاج كهرباء وايرباج سائق بس بدون الايه بي اس بس انا اشتريتها ب 126 الف هل المبلغ ده اتضحك عليا فيه ارجو الرد السريع من فضلك.........ولك جزيل الشكر

[bedoo100]

يعني انت اشتريت و خلاص متزعلش علي الفين ولا حاجه وعلي فكره لسه في معارض بتبيعها ب 125.000 زي القرش لتجارة السيارات و معرض رضا حمزه و باقي المعارض الغير مستورده و ده بيتوقف علي السعر التجاري اللي بيشتروا بيه من المستورد وان شاء االله الاسعار هتثبت عند النقطه دي و الشارك تحافظ علي سعرها عند اعادة البيع مع اني اعتقد ان الي يركب شارك و فكر يبيعها يبقي يا اما محتاج فلوسها لا قدر الله يا اما بيبيعها علشان يركب بي ام

[bedoo100]

الف مبروك علي العربيه بس كنت عاوز اعرف فيها abs وabdوفيها كام airbagوالمعرض ده اسمه ايه وفين

العربيه مفهاش لا abs ولا ebd بس الفرامل تحفه بجد
و البيزك اوبشن و الهاف اوبشن فيهم ايرباج للسائق فقط ..... الهاي لاين فيها 2 ايرباج

[bedoo100]

الف مبروك علي العربيه بس كنت عاوز اعرف فيها abs وabdوفيها كام airbagوالمعرض ده اسمه ايه وفين

المعرض اسمه ( تي موتورز ) في شارع طرابلس متفرع من عباس العقاد امام قويدر
ولو جبيت تروحله يا باشا بلغه بس انك زميل د / عبدالرحمن اللي لسه مشتري منكم علشان يقربوا معاك في السعر

[bedoo100]

الف مبروووووووك

الله يبارك فيك يا باشا

[bedoo100]

الف مبروك ربنا يبارك لك فيها يارب ويديك خيرها دايما

الله يبارك فيك .... تسلم و جزاك الله كل خير

[ghareebaa]

الف مبروك وربنا يباريكلك فيها كنت عاوز اعرف منك هل الكاسيت بتاع العربية اصلى ولا لا , وهل يوجد غطاء للمحرك
وجبتها من اى معرض

[bedoo100]

الف مبروك وربنا يباريكلك فيها كنت عاوز اعرف منك هل الكاسيت بتاع العربية اصلى ولا لا , وهل يوجد غطاء للمحرك
وجبتها من اى معرض

الله يبارك فيك تسلم
الكاسيت اصلي نازل مع العربيه وواخد شكل التابلوه و هوه كاسيت سي دي ام بي ثري
و التابلوه ليع غطا مبطن من الداخل و عزل عند نهاية الحوض
و بالنسبه للمعرض اسمه تي موتورز و راجع العنوان

[totti3377]

متشكر اوي انا فعلا قبل ما اشتريها سالت في معارض كتير كانت ب 125 و 126 وعموما هي عربيه محترمه اوي والحمد لله ان ربنا نورني ومجيبتش السيراتو اللي عامله ضجه ع الفاضي انا شايف ان الشارك اقوي بكتير