هل اشترى مكواه ؟؟؟

[medo99_pc]

سلام عليكم

يا شباب معروض عليا عربية لانسر 2003 مكواه مواصفاتها كالتالى:

1- موتور 1300 سى سى
2- جميع الكماليات
3- فيتس اوتوماتيك
4-عاملة 83 الف كيلو
5- فبريكه بره وجوه عدا الاكصدامات رشه
6- كاوتش عريض وجنوط اسبور



صاحبها طالب 68 الف

اولا: ايه رأيكو فى المكواه بصفه عامة ؟؟
ثانيا السعر ده مناسب على قد امكانباتها ولا كتير عليها ؟؟؟؟
ثالثا ممكن اجيب بومه مثلا بنفس الفلوس دى ولا هتبقى حالتها تعبانه او محتاجة شغل ؟؟؟؟؟؟

وجزاكم الله كل خير يا جماعة الخير

[MoMohsen]

هى المكواة كعربيه مفيش عليها كلام عربيه تحفه بس السعر انا شايفه عالى شويه خصوصا ان العربيه كربرادتير مش انجكشن زى البومه.

[medo99_pc]

طيب يا ابوحميد

العربية تقريبا تعملها فلوس كام ؟؟

وهل معنى انها كربراتير انى ممكن احطلها بنزين 80 عادى ؟

وسؤال اخير
الفتيس الهيدروماتيك مع الموتور ال 1300 مش هيخلى اداء العربية وسحبها على الطريق وحش خصوصا انى بسافر كل يوم حوالى 70 كيلو لشغلى ؟؟

[Ahmed_Gadalah]

هيا مع واحد صاحبي وبيقول انها كويسة بس بستهلك بنزين وعلى فكرة بيمون 92 اصل بيقول ان الفرق بينه وبين ال90 بريزة تقريبا ومبيحسش بفرق السحب لانه سواقته هاديه حتى وهوا مشغل التكيف
انما لو حضرتك بتحب تجري وحركات وكده الأتوماتيك متنفعكش شوف المنيوال ولو عاوز اتوماتيك شوف بومه 1600 وربنا يوفقك

[MoMohsen]

طيب يا ابوحميد

العربية تقريبا تعملها فلوس كام ؟؟

وهل معنى انها كربراتير انى ممكن احطلها بنزين 80 عادى ؟

وسؤال اخير
الفتيس الهيدروماتيك مع الموتور ال 1300 مش هيخلى اداء العربية وسحبها على الطريق وحش خصوصا انى بسافر كل يوم حوالى 70 كيلو لشغلى ؟؟

بص يا باشا هى العربيه مش معنى انها كربرادتير يعنى تحطلها بنزين 80 لان هى اصلا المفروض انها تشتغل ببنزين 90
هفهمك الحكايه نفترض ان العربيه بتطلع 100 حصان لو بتشتغل ببنزين 90 .انت بقى لو حطيت بنزين 80 العربيه مش هتطلع اكتر من 90 حصان و دة هيكون فيه تحميل على الموتور زيادة و بالتالى تقليل عمرة .يبقى اللى انت وفرته من البنزين هتدفعه صيانه و تقليل عمر للموتور.
بالنسبه للفتيس الاتوماتيك هو مش وحش خالص لو سواقتك عاديه يعنى مش جرى و شد بالعكس دة هيبقى كويس كمان و هيحافظ على الموتور و مش هيفرق معاك فى السفر نهائى .العيب الوحيد للاوتوماتيك هو لو حبيت تشد هتحس ان العربيه مش جرايه اوى زى المانيوال.
بالنسبه للتمن ان شايف انها تعمل من 60 - 62 الف و ربنا يوفقك للخير ان شاء الله.

[medo99_pc]

جزاكم الله خير يا شباب

سؤال اخير

هل الأوتوماتيك بتستهلك بنزين اكتر من المانوال ؟؟

يعنى احط فيها 20 لتر يكفى كام كيلو على السريع فى المانوال والأوتوماتيك ؟؟

[slimbig]

بص هوا عموما الاوتوماتيك بتستهلك اكتر من المانيوال فأي عربيه بس الفرق مش كبير, نصيحه بلاش مكواه اوتوماتيك عشان سحبها ضعيف مش قد كده, سحب الكريستاله احسن منها عشان فرق الوزن

[smartchoice]

العربية سعرها غالى و هى تعمل من 60 إلى 62 لأن واحد صاحبى أشترى بوما موديل 2004 1300 سى سى و أتوماتيك سوبر رياضية ب 70 ألف
و ربنا يوفقك و تلاقى حاجة كويسة

[MoMohsen]

جزاكم الله خير يا شباب

سؤال اخير

هل الأوتوماتيك بتستهلك بنزين اكتر من المانوال ؟؟

يعنى احط فيها 20 لتر يكفى كام كيلو على السريع فى المانوال والأوتوماتيك ؟؟

هو نعدل الاستهلاك فى الاتوماتيك اكيد اكتر من المانيوال وهى المكواة فى الطرق السريعه معدل البنزين كويس جدا يعنى بتعمل فى حدود 240-250 كم/الصفيحة ودة للمانيوال هتلاقى للاتوماتيك فى الطرق السريعه فرق لا يذكر لكن جوة المدينه هى استهلاكها عالى شويه بتعمل فى حدود 190 -200 كم/الصفيحة للمانيوال و اكيد الاتوماتيك هيبقى معدله اكتر جوة المدينه بالذات.

[Pharaoh]

العربيه دى كانت جديدة فى 2001 ب 70 الف
ازاى بعد 8 سنين هرى فى شوارع مصر تتباع ب 68!!!!!!
الواحد لو جاب عربيه 2009 وباعها تانى يوم بيخسر ع الاقل 5 الاف
انا نفسى فى العربيه دى و هى ممتازة بس سعرها عاالى عليه شويه

ربنا يوفقك

[alzelafy]

عربيه ممتازة جدا جدا و ثابته عن البوما و هى تعتبر بوما بس كربراتير و معموله بضمير شويه عن البومه و من وجهه نظرى الكربراتير احسن بكتيييير من ناحيه قله المشاكل لكن الانجكشن الموتور كلو حساسات و لو حساس عطل ممكن تقعد 10 ايام مش عارف العيب فين و كل ميكانيكى يالف عليك شويه و تلاقى نفسك داخل فى موتور جديد زى ما حصل مع واحد صاحبى الكربراتيير راحه راحه راحه و موضوع الاوتوماتيك مش تقيل و لا حاجه بس انتا هتحس انك مش عارف تشد مع العربيات الاعلى منك يعنى الاوكتافيا و الهوندا سيفيك يعنى العربيات اللى ب 150 و انتا طالع انا كنت ماجر واحدة مانيوال و حطيت ليها بنزين 80 كمان و كانت ماشيه عادى ورحت بيها الغردقه و رجعت و موفرة فى البنزين جدا رغم انها كانت ايجار و الله موديها للمكتب فيها نص التنك و عمال الف بيها مش عايز يخلص و كنت بجرى بيها عادى و بطلع من عربيات كتيير بس طبعا كل العربيات ال 100 بتعجز بعد ال 120 خاصه اليابانى الشد و الجرى بيقل بطريقه ملحوظه ولكن اقل من السرعه دى العربيه حكايه

[aratux]

العربيه دى كانت جديدة فى 2001 ب 70 الف
ازاى بعد 8 سنين هرى فى شوارع مصر تتباع ب 68!!!!!!
الواحد لو جاب عربيه 2009 وباعها تانى يوم بيخسر ع الاقل 5 الاف
انا نفسى فى العربيه دى و هى ممتازة بس سعرها عاالى عليه شويه

ربنا يوفقك

و حضرتك العربية اللانوس زيرو كانت بكام سنة 2001؟
و دلوقتى هية نفسها لو حبيت تشترى موديل 2001 هاتدفع كام؟
قيمة الجنيه نزلت للنص يا فندم سنة 2002 فى عهد المغفور له عاطف عبيد

[zoro007]

يا شباب معروض عليا عربية لانسر 2003 مكواه مواصفاتها كالتالى:

1- موتور 1300 سى سى
2- جميع الكماليات
3- فيتس اوتوماتيك
4-عاملة 83 الف كيلو
5- فبريكه بره وجوه عدا الاكصدامات رشه
6- كاوتش عريض وجنوط اسبور

صاحبها طالب 68 الف

بالنسبه لاختيارك فهو جيد العربيه أكثر من ممتازه

اولا: ايه رأيكو فى المكواه بصفه عامة ؟؟

العربيه ممتازه والله عن تجربه شخصيه والعربيه لسه معايا حتى الآن

ثانيا السعر ده مناسب على قد امكانباتها ولا كتير عليها ؟؟؟؟

سعر العربيه فعلا ماسك سعر عالى للموديل دا بالاخص لو جبتها على 65 يبقى كويس لان العربيه المكواه ماسك سعر من زمان مش بينزل عكس البومه سعرها بينزل عادى

ثالثا ممكن اجيب بومه مثلا بنفس الفلوس دى ولا هتبقى حالتها تعبانه او محتاجة شغل ؟؟؟؟؟؟

للعلم المكواه أفضل من البومه بالأخص من ناحية العفشه والثبات وقلة المشاكل والاعطال حيث العربيه كانت مصممه ونازله لتتناسب كعربيه سباق ومنها الافليوشن

زى الهامر مهيه عربيه حربيه ونزل منها مدنى

[medo99_pc]

شكرا للجميع على تواصله

وجزاكم الله خير جميعا على حسن تعاونكم :)

[A7MED_PHARMA]

تمام اوي
اختيارك في محله
المكوه عربيه هااايله
بس هتلف شويه عشان قطع غيارها مش في كل حته زي باقي الموديلات من الانسر
انا برضووو عرفت أن المكوه كانت نازله race ..
يعني عفشه نضيفه وثبات خرافي ع السرعات..
وبالنسبه لاستهلاك البنزين
الصفيحه بتعمل في المكوه بتاعتي حوالي 250 كيلو.
وشكلها مميز عن موديلان الانسر
وقابله للتظبيط بشكل هايل
وربنا يهديك للأحسن

أنا عندي في عربيتي نفس المواصفات إلي أنت عاوز تشتريها