استشاره بخصوص الفتيس

[m.aligamal]

السلام عليكم ورحمه الله و بركاته
وكل عام و انتم بخير
انا الحمد الله اشتريت لانسر كرستاله و العربيه الحمد لله حالتها كويسه كنت عايز استفسر عن زيت الفتيس الهيدروماتيك بتاعها و احط نوع ايه و قد ايه و تقريبا سعره كام
و اتا ماشى بالعربيه بعد حوالى خمس الى عشر دقايق بلاقى الفتيس الاوتوماتيك بيعمل نتشه فى دواسه البنزين و تنور لميه الان مع الدى و بحس ان العربيه سحبها قل لحظات و بعدين يرجع السحب عادى تانى بس اللمبه بتفضل تنور و تطفى ياريت اعرف ايه سبب المشكله و حلها يبقى ايه لانى قريت مشاركات بخصوص الموضوع ده لدرجه ان احد الاعضاء فى المنتدى جرب كل حاجه فى التوكيل و متحلتش

[m.aligamal]

ايه يا جماعه هو المشكله ملهاش حل ولا ايه ياريت الرد بسرعه عشان انا قلقان قوى عالفتيس

[karim_m]

السلام عليكم ورحمه الله و بركاته
وكل عام و انتم بخير
انا الحمد الله اشتريت لانسر كرستاله و العربيه الحمد لله حالتها كويسه كنت عايز استفسر عن زيت الفتيس الهيدروماتيك بتاعها و احط نوع ايه و قد ايه و تقريبا سعره كام
و اتا ماشى بالعربيه بعد حوالى خمس الى عشر دقايق بلاقى الفتيس الاوتوماتيك بيعمل نتشه فى دواسه البنزين و تنور لميه الان مع الدى و بحس ان العربيه سحبها قل لحظات و بعدين يرجع السحب عادى تانى بس اللمبه بتفضل تنور و تطفى ياريت اعرف ايه سبب المشكله و حلها يبقى ايه لانى قريت مشاركات بخصوص الموضوع ده لدرجه ان احد الاعضاء فى المنتدى جرب كل حاجه فى التوكيل و متحلتش

ازيك يا باشا
كل سنة وانته طيب
مبروك العربية وربنا يباركلك
انا عندي نفس العربية كريستالة اتوماتيك
المشكلة اللي عندك حصلت عندي كام مرة
وكنت كل اللي بعمله اني ابطل العربية وادورها تاني الاقي المور ماشية تمام
لكن انا مقتنع اني كده لم احل المشكلة وحاسس ان فيه مشكله مستخبيه هتطلع في وقت ما
المهم ... في موضوع عن الحكاية دي في المنتدى بس بيتكلم عن لانسر بومه
عموما انته تحول تفصل البطارية بالليل وبعدين تركبها الصبح خليها يوم يبقى صابح الجمعه عشان تاخد وقتها .يمكن يكون في شحنه في البطارية
وكمان خلي بالك من الجماعة بتوع المشحمه لما ييجوا يغسلوا العربية من الداخل
احيانا بيمسحوا على الفتيس بفوطه مبلوله مياه ...... لو جت على الفتيس بتأثر برده
وعلى أي حال انته ممكن تغير زيت الفتيس بعد ما تتأكد من مقياسه وفلتر الزيت كمان
انا ان شاء الله ناوي اعمل كده ونريح نفسنا من الحكاية الغريبة اللي بتحصل كل شوية وما حدش عارف يقولنا ايه السر الحقيقي في كده

اتمنى لك التوفيق ومبروك مره تانية

[m.aligamal]

الف شكر يباشا على الرد الجميل ده و ان شاء الله اجرب الى قلته بس انا اغير زيت الفتيس بنوع ايه و كميه قد ايه ؟؟؟ عشان انا معنديش خبره و معلش هتقل عليك لو تقلى هتتكلف كام عشان انا انضحك عليا فى غيار زيت المكنه و الف شكر يا زعيم

[bmya]

ياباشا حضرتك لازم تقيس زيت الفتيسسسسسسسس
لمبه الn لما تنور معني كده انك لازم تكشف علي افتيس بص علي الزيت شوفه ناقص ولا لاء والاحسن روح حلا غير الزيت النتشه دي بتحصل لما الفتيس يكون ناقص زيت وكده غلط جدا

[m.aligamal]

ا اغير زيت الفتيس بنوع ايه و كميه قد ايه ؟؟؟ عشان انا معنديش خبره و معلش هتقل عليك لو تقلى هتتكلف كام عشان انا انضحك عليا فى غيار زيت المكنه

[bmya]

بص ياباشا انا بصراحه كانت معايا الكريستاله بس بعتها من فنره المهم انا كنت بغير زيت موبيل بس مش فاكر كان بكام
وحضرتك ممكن نشتريه من بنزينه موبيل وتغير عندهم لو فيه تغيير او تروح لاي حدبتاع زيت يغيرهولك تقريبا العلبه كانت ب 17 وتتقريبا باخود 4 علب المهم بس قيس الزيت موقتا حتي علي ما تعرف هتغريه فين وبكام عشان حرام تمشي بيه كده

[karim_m]

الف شكر يباشا على الرد الجميل ده و ان شاء الله اجرب الى قلته بس انا اغير زيت الفتيس بنوع ايه و كميه قد ايه ؟؟؟ عشان انا معنديش خبره و معلش هتقل عليك لو تقلى هتتكلف كام عشان انا انضحك عليا فى غيار زيت المكنه و الف شكر يا زعيم

عملت ايه يا باشا

ايه الأخبار

غيرت الزيت ولا لسه

[m.aligamal]

ان شاء الله هغير السبت و هنضف الكربارتير و اشيك على الكهربا يعنى يوم شغل من اوله

[m.aligamal]

الحمد لله الميكنيكى قاس الزيت و طلع ناقص و قلى زود بكيلو و زودت و حسيت بفرق تانى خالص و مظهرتش لغايه دلوقتى نتشه الفتيس عامه انا هعمل مشوار طويل واحكم عليها بعد كده و الف شكر ليكوا

[bmya]

طيبب الحمد لله ياباشا كده تمام المشكله كانت من الزيت
بس نصيحه من اخوك طالما انت جايبها مستعمله والاخ صاحبها كان ماشي بيها والزيت ناقص يبقي اعتقد انه عمره ما غير زيت الفتيس فالااحسن تغيره انت كله
لان ثقافه تغيير زيت الفتيس وزيت الفرامل ضعيفه في مصر وتلاقي الواحد ميغيرش زيت لاء يزوده بس فانت غير الزيت اصلا وعلي فكره تغيير الزيوت والسيور ده شئ طبيعي لاي عربيه انت شاريها مستعمله وربنا يباركلك فيها واي خدمه ان شاء الله

[m.aligamal]

الف شكر يباشا متتصورش انا مزاجى كان معكنن قوى و الحمد لله دلوقتى الامور تمام و السحب و العربيه تمام و جربتها النهارده فى مشوار ميه كيلو و مفيش مشاكل فيها نحمد ربنا على انها جت فى زيت و ان شاء الله انا ناوى اغير الزيوت بتاعتها و طقم السيور الشهر الجاى
و متشكر جدا يباشا على ردك فى موضوعى