استفسار عاجل بكام بلوك موتور لانسر 1600

[okacha]

نزلت مركز خدمه ميتسوبيشى فى المعادى عشان اكشف على صوت طالع من الكبوت الراجل قالى سيبلى العربيه و ادانى وصل باستلام العربيه , بعدين اتصل بيا بعديها ب 5 ساعات قالى احنا كشفنا على العربيه و البلوك مكسور عايز يتغير .عايز استفسر بكام تمنه و لو اتغير يبقى كده خلاص الصوت ده هيروح و لا ايه؟

[okacha]

ايه يا رجاله مفيش حد عارف البلوك ده و لا ايه؟؟

[Ahmed Hassan]

انت متأكد انك سمعت صح؟ البلوك ده جسم الموتور!!

[HeMa_LanCeR]

صوت ايه حضرتك اللي السبب فيه بلوك
حضرتك عارف ايه هو البلوك
البلوك ده جسم الموتور نفسه يعني لو فيه جزء من الملي مكسور ممكن تلاقي البستم طالعلك منه
ولو محتاج بلوك فعلا يبقي تجيب موتور كامل وتريح دماغك
بس من فضلك روح لمركز خدمه كويسه وخليه يتأكد من الموضوع ده
بلوك مكسور وماشي عادي بالعربيه

[okacha]

اولا شكرا يا احمد و هيما على ردودكم و فعلا انا رحت النهارده و سألت قالى بعد ما فك الفتيس و كشف على العربيه لقى انه فى كسر فى البلوك و ملحومه بس مش لحام كويس فده اللى كان بيسبب مشاكل و بيعمل الصوت !! هل الكلام ده صحيح و قالى هيغير البلوك استيراد ب 2000جنيه ؟ارجكوكم افيدونى بسرعه فى الموضوع ده..

[Ahmed Hassan]

مممممم.... مهو البلوك مش هتلاقيه غير استيراد و ان كنت اعتقد تمنه ممكن يكون اكتر من كده... بس يعني ايه بلوك مكسور و ملحوم لحام مش كويس!! و ازاي بيعمل صوت! طيب ما تكشف في التوكيل احسن

[okacha]

منا كشفت فى المركز بتاع مسيتسوبيشى سيرفيس بنفس اجهزة التوكيل و بعدين العربيه كانت عامله حادثه و مغيرلها فتيس و بعد ما العربيه اتصلحت بدأ الصوت بتاع التكتكه ده يظهر كذا مرة و العربيه فيها رجه فى الدركسيون اول ما ادور,ودتها ليمكانيكى قالى صاجه فتيس رحت اشتريته 3 مرات و فى كل مرة العربيه تبقى سليمه لمده اسبوع و يرجع تانى الصوت .اخر مرة رحت المركز ده فك الفتيس و كشف عليه قالى سليم بس البلوك مكسور و ملحوم و فى فرق كام سنتى مش عارف و لازم اغير البلوك .و خايف بعد ده كله العربيه تفضل زى ما هيا..

[Ahmed Hassan]

منا كشفت فى المركز بتاع مسيتسوبيشى سيرفيس بنفس اجهزة التوكيل و بعدين العربيه كانت عامله حادثه و مغيرلها فتيس و بعد ما العربيه اتصلحت بدأ الصوت بتاع التكتكه ده يظهر كذا مرة و العربيه فيها رجه فى الدركسيون اول ما ادور,ودتها ليمكانيكى قالى صاجه فتيس رحت اشتريته 3 مرات و فى كل مرة العربيه تبقى سليمه لمده اسبوع و يرجع تانى الصوت .اخر مرة رحت المركز ده فك الفتيس و كشف عليه قالى سليم بس البلوك مكسور و ملحوم و فى فرق كام سنتى مش عارف و لازم اغير البلوك .و خايف بعد ده كله العربيه تفضل زى ما هيا..

كده الصوره اتضحت شويه... يعني حضرتك عارف ان البلوك ملحوم. عموما كده ممكن يكون الكلام صح

[HeMa_LanCeR]

طيب شوف البلوك فاضي بكام بالظبط
والبلوك مليان بكام بالظبط
والقصد انك تدخل موتورك في التاني وده للسبب الأتي
ان البلوك بتاعك يحتوي علي البساتم والشمايز والكرنك وكل ده مطبع علي البلوك عندك
ولو انت روحت جبت بلوك جديد يبقي هتركب القديم عليه وطبعا استحاله يطبع فا حضرتك هتضطر تعمل طقم شمبر علشان يبقي في نفس القوه
يبقي الاحسن تجيب القديم كامل وتبيع القديم
شوف الموضوع ده هيكون احسنلك بكتير
وياريت تتابعنا بالأسعار علشان نعرف الفرق لو مش كبير يبقي اشتري دماغك
وخلي بالك انك باردو ممكن توفر حاجات يعني ماتشتريش الموتور الجديد بالوش ممكن تركب الوش اللي عندك لو ده هيفرق معاك فلوس

[محمد أنور]

انا كان عندي برضه صوت التكتكة ده في الماتور نزلت الحرفيين ميكانيكي قالي الماتور ده عاوز بلوك (زي ما قالو لحضرتك ) و المشكلة اللي واجهتني ان بلوك ماتور ال1600 نادر جدا استيراد .. لأن كل العربيات اللي بتيجي استيراد معظمها 2000 سي سي .. و فكرت اني اغير الماتور كامل باني ادخل ال 1600 بتاعي في ماتور 2000 سي سي لقيت الفرق هيبقى حوالي 2000 جنيه .. اخر ما زهقت رحت مغير للماتور سبايك و الحمد لله الصوت راح بس الميكانيكي بيقلي مش هتقعد كتير و تلاقي الصوت رجع تاني ... لأن كدة كأننا عملنا عمرة للماتور و بيقلي ان المواتير الانجيكشن مبينفعش فيها عمرات :(

[bemocarlo]

طيب شوف البلوك فاضي بكام بالظبط
والبلوك مليان بكام بالظبط
والقصد انك تدخل موتورك في التاني وده للسبب الأتي
ان البلوك بتاعك يحتوي علي البساتم والشمايز والكرنك وكل ده مطبع علي البلوك عندك
ولو انت روحت جبت بلوك جديد يبقي هتركب القديم عليه وطبعا استحاله يطبع فا حضرتك هتضطر تعمل طقم شمبر علشان يبقي في نفس القوه
يبقي الاحسن تجيب القديم كامل وتبيع القديم
شوف الموضوع ده هيكون احسنلك بكتير
وياريت تتابعنا بالأسعار علشان نعرف الفرق لو مش كبير يبقي اشتري دماغك
وخلي بالك انك باردو ممكن توفر حاجات يعني ماتشتريش الموتور الجديد بالوش ممكن تركب الوش اللي عندك لو ده هيفرق معاك فلوس

انته استاذ بجد
bemo,ire

[HeMa_LanCeR]

انا كان عندي برضه صوت التكتكة ده في الماتور نزلت الحرفيين ميكانيكي قالي الماتور ده عاوز بلوك (زي ما قالو لحضرتك ) و المشكلة اللي واجهتني ان بلوك ماتور ال1600 نادر جدا استيراد .. لأن كل العربيات اللي بتيجي استيراد معظمها 2000 سي سي .. و فكرت اني اغير الماتور كامل باني ادخل ال 1600 بتاعي في ماتور 2000 سي سي لقيت الفرق هيبقى حوالي 2000 جنيه .. اخر ما زهقت رحت مغير للماتور سبايك و الحمد لله الصوت راح بس الميكانيكي بيقلي مش هتقعد كتير و تلاقي الصوت رجع تاني ... لأن كدة كأننا عملنا عمرة للماتور و بيقلي ان المواتير الانجيكشن مبينفعش فيها عمرات :(

البلوك ايه علاقته اصلا بالسبايك
السبايك دي الحشو اللي موجود في البي ال اللي ماسك البستم من تحت في عمود الكرنك
مالو مال البلوك بقي

وبعدين ايه المقوله الجميله اللي قالها الاستاذ الميكانيكي ده يعني ايه الموتور الانجكشن مابينفعش فيه عمره
اما اصلا تركيب الموتور من الداخل مابيفرقش من انجكشن ولا عادي الموضوع كله شيل كربراتير وحط انجكشن انا اموت واعرف دول ميكانيكيه ازاااااااااااااااااااااااااااااااااااااي
ولما قالولك العربيه عايزه بلوك حضرتك عملت سبايك ليه ؟؟؟؟؟؟؟؟؟؟
انا بجد مش فاهم

[okacha]

شكرا لكل اللى شارك برده فى الموضوع و شكرا كتير يا هيما طمنت قلبى شويه و انا اتصلت بالمهندس و قالى ان المفروض العربيه تخلص على يوم الجمعه.هشوف الاسعار و هقولكم .بس استفسار انا بعد ما عملت الحادثه بحوالى شهر و بعد ما صلحت العربيه بدأ يظهر رجه فى الفرامل بعد سرعه 70 و ما فوق بحس برجه تحت رجلى و لما سألت المهندس قالى دى طنابير و تيل و لما سألته على الحل قالى انا مش هغيرلك طنابير بس هخرطهم و هغير التيل .هل الكلام ده مظبوط و صحيح..للعلم العربيه موديل 2005 و عامله 50000كيلو

[HeMa_LanCeR]

شكرا لكل اللى شارك برده فى الموضوع و شكرا كتير يا هيما طمنت قلبى شويه و انا اتصلت بالمهندس و قالى ان المفروض العربيه تخلص على يوم الجمعه.هشوف الاسعار و هقولكم .بس استفسار انا بعد ما عملت الحادثه بحوالى شهر و بعد ما صلحت العربيه بدأ يظهر رجه فى الفرامل بعد سرعه 70 و ما فوق بحس برجه تحت رجلى و لما سألت المهندس قالى دى طنابير و تيل و لما سألته على الحل قالى انا مش هغيرلك طنابير بس هخرطهم و هغير التيل .هل الكلام ده مظبوط و صحيح..للعلم العربيه موديل 2005 و عامله 50000كيلو

كلام مظبوط
ولو ينفع يتخرطو يبقي عادي مافيش مشكله
بس تعمل حسابك ان المره الجايه لما تعمل الرجه دي هتغيرهم

[okacha]

شكرا على ردك يا هيمة